ប្រាកដហើយថា អ្នកចង់ចាកចេញ?
ពេលពពោះ ស្រីៗគ្នាយើងខំធ្វើនេះធ្វើនោះ ខ្លះទៀតខំផឹកថ្នាំខ្មែរផង ដើម្បីកើតកូនស្រួល មិនឈឺពោះយូរ។ តាមក្បួនវេជ្ជសាស្ត្រថ្នាំខ្មែរមិនអាចជួយបានទេ ការកើតកូនតាមធម្មជាតិបានស្រួល លុះណាតែម៉ាក់ៗមានលក្ខខណ្ឌសំខាន់ៗ ៤ ខាងក្រោមនេះ។
១- អាងត្រគាកធំ
មនុស្សស្រីៗម្នាក់ៗមានរូបរាងមិនដូចគ្នា។ កម្ពស់បាន ត្រគាកសាយ លក្ខខណ្ឌសរីរាង្គមួយនេះ ធ្វើឲ្យម៉ាក់ៗងាយនឹងកើតកូនតាមធម្មជាតិ ជាងស្រីៗគ្នាយើងដែលមានកម្ពស់ទាប ចាប់ពី ១.៥០ ម៉ែត្រ ចុះក្រោម ទោះជាកូនក្នុងពោះថ្លោសបន្តិចក្តី។
២- គ្មានជំងឺប្រចាំកាយ
បើកូនក្នុងពោះមានសុខភាពល្អ ឯម៉ាក់ៗវិញក៏មានសុខភាពល្អ គ្មានជំងឺប្រចាំកាយ ដូចជា ជំងឺហឺត-បេះដូងធ្ងន់ធ្ងរ ក្រឡាភ្លើង ជំងឺលើសឈាម… នោះម៉ាក់ៗប្រាកដជាកើតអាចកូនតាមធម្មជាតិបាន។
អត្ថបទពាក់ព័ន្ធ៖ កុំប្រហែស! លើសឈាមពេលពពោះ អាចស្លាប់ទាំងម្តាយទាំងកូន
៣- កូនក្នុងពោះមិនថ្លោសខ្លាំងពេក
កូនថ្លោសពេក ៤-៥ គីឡូក្រាម ច្បាស់ជាម៉ាក់ៗពិបាកកើតហើយ ដូច្នេះយើងត្រូវតែតាមដានសុខភាព និងគីឡូកូនជាប្រចាំ មិនត្រូវញ៉ាំច្រើនហួសហេតុតាមចិត្តចង់នោះទេ។ អំឡុងពពោះម៉ាក់ៗអាចឡើងគីឡូចន្លោះពី ១០-១២ គីឡូបានហើយ បើឡើងគីឡូច្រើនជាងនេះ កូនក្នុងពោះក៏ថ្លោសទៅតាមនោះដែរ។
អត្ថបទពាក់ព័ន្ធ៖ ពីថ្ងៃពពោះដល់សម្រាល ម៉ាក់ៗឡើងគីឡូប៉ុន្មានទើបល្អ?
៤- កូនបង្វិលក្បាលចុះក្រោម សុកមិនពាំងមាត់ស្បូន
បើបង្វិលក្បាលចុះក្រោម ហើយសុកក៏មិនពាំងក្នុងកម្រិតណាមួយធ្ងន់ធ្ងរទេ នោះម៉ាក់ៗក៏គ្មានឧបសគ្គក្នុងការសម្រាលតាមធម្មជាតិដែរ។
អត្ថបទពាក់ព័ន្ធ៖ មានបញ្ហាអីខ្លះ ម៉ាក់ៗត្រូវតែសម្រាលកូនដោយវះកាត់?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
