រមួលក្រពើជាអាការៈឈឺចាប់នៅត្រង់សាច់ដុំដែលកន្ត្រាក់ ហើយជាធម្មតាកើតមាននៅត្រង់កំភួនជើង ឬជើង ឬទាំងពីរផ្នែកនេះតែម្ដង។ ស្រ្តីពពោះប្រមាណជា៣០ ទៅ៥០ភាគរយអាចប្រឈមនឹងអាការៈរមួលក្រពើ ហើយអាការៈនេះច្រើនកើតនៅពេលយប់ និងអាចមានរយៈពេលពីរបីវិនាទី ដល់ទៅ១០នាទី។
ហេតុអ្វីស្រ្តីពពោះអាចមានអាការៈរមួលក្រពើ? នេះជាគន្លឹះដោះស្រាយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មូលហេតុនាំឲ្យមានអាការៈរមួលក្រពើលើស្រ្តីមានផ្ទៃពោះ មិនទាន់មានការបញ្ជាក់ច្បាស់លាស់នៅឡើយ ហើយអាការនេះអាចកើតមាននៅត្រីមាសទី២ និងទី៣។ កត្តាមួយចំនួនត្រូវបានគេគិតថាទំនងជាអាចមានទំនាក់ទំនងនឹងអាការៈរមួលក្រពើ។ កត្តាទាំងនោះមានដូចជាបញ្ហាមេតាប៉ូលិស មិនសូវបញ្ចេញសកម្មភាពរាងកាយ ឬបញ្ចេញសកម្មភាពរាងកាយខ្លាំងពេក បាត់បង់លំនឹងអេឡិចត្រូលីត ឬខ្វះវីតាមីនជាដើម។
គន្លឹះការពារបញ្ហារមួលក្រពើលើស្រ្តីពពោះ
ហាត់ប្រាណ
ការហាត់ប្រាណជាប្រចាំថ្ងៃ ឬការធ្វើចលនារាងកាយជាប្រចាំជួយការពារបញ្ហារមួលក្រពើអំឡុងពេលពពោះ។ យ៉ាងណាមុនសម្រេចចិត្តលើទម្រង់លំហាត់ប្រាណណាមួយគួរប្រឹក្សាជាមួយគ្រូពេទ្យ ដើម្បីសុវត្ថិភាព។
ញ៉ាំទឹក
ការរក្សាជាតិទឹកបានគ្រប់គ្រាន់ទំនងអាចជួយការពារបញ្ហារមួលក្រពើនេះដែរ។ ញ៉ាំទឹកបានគ្រប់គ្រាន់ឬអត់យើងអាចពិនិត្យលើទឹកនោម។ បើទឹកនោមមានសភាពថ្លា ឬពណ៌លឿងស្រាលបានន័យថាយើងញ៉ាំទឹកបានគ្រប់គ្រាន់។ ដោយឡែកបើទឹកនោមមានពណ៌លឿងចាស់នោះអាចបញ្ជាក់ថាយើងញ៉ាំទឹកមិនបានគ្រប់គ្រាន់ទេ។
អត្ថបទគួរអាន៖
ញ៉ាំកាល់ស្យូម
ការសិក្សាមួយចំនួនលើកឡើងថាកម្រិតកាល់ស្យូមក្នុងឈាមអំឡុងពេលពពោះទាបក៏អាចនាំឲ្យមានបញ្ហារមួលក្រពើដែរ។ បើសិនជាយើងកំពុងពពោះ គួរញ៉ាំកាល់ស្យូមឲ្យបាន១ ០០០មិល្លីក្រាមក្នុងមួយថ្ងៃ។ ប្រឹក្សាជាមួយគ្រូពេទ្យអំពីបរិមាណកាល់ស្យូមដែលត្រូវការ និងប្រភពកាល់ស្យូមដែលគួរញ៉ាំ។
ក្នុងករណីយើងជួបអាការៈរមួលក្រពើ យើងអាចសន្ធឹងសាច់ដុំត្រង់កំភួនជើង ដើម្បីសម្រួលអាការៈ។ ការងើបដើរ និងអង្គុយចុះវិញ រួចលើកជើងបន្តិចក៏អាចរួមចំណែកជួយឲ្យអាការៈវិលមករកសភាពធម្មតាដែរ។ បើសិនជាបញ្ហារមួលក្រពើមានលក្ខណៈធ្ងន់ធ្ងរ និងរំខានខ្លាំងពេលពពោះ សូមប្រឹក្សាជាមួយគ្រូពេទ្យដើម្បីទទួលបានការព្យាបាលត្រឹមត្រូវ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម