ពេលវេលាសម្រាលកូនជាពេលដ៏លំបាកបំផុតរបស់ស្រីៗយើងដែលត្រូវទ្រាំទ្រនឹងការឈឺចាប់ដ៏ពិបាកពណ៌នារាប់ម៉ោង។ ចំពោះស្រីៗដែលធ្លាប់ឆ្លងកាត់ជីវិតជាម្តាយប្រហែលជាមិនសូវចោទជាបញ្ហាខ្លាំងនោះទេ តែបើម៉ាក់ៗដែលទើបមានកូនដំបូងច្បាស់ជាភ័យខ្លាំង មិនដឹងថាអាចទ្រាំ ឬក៏ឆ្លងកាត់ការឈឺចាប់បានដោយរបៀបណាទេ។
ម៉ាក់ៗធ្វើបាន៥ចំណុចនេះ អាចកាត់បន្ថយការឈឺចាប់ពេលសម្រាលកូនបានច្រើន
លោកស្រី អួង លីដា នាយសាល នៅផ្នែកបន្ទប់សម្រាល នៃមជ្ឈមណ្ឌលជាតិគាំពារមាតា និងទារក បានណែនាំឲ្យស្រីៗគ្នាយើងដែលត្រៀមសម្រាលកូនធ្វើតាម ៤ ចំណុចខាងក្រោមនេះ ដើម្បីកាត់បន្ថយការឈឺចាប់។
១- តាំងអារម្មណ៍ឲ្យល្អ
ទោះជាឈឺពោះតិច ឬខ្លាំង ម៉ាក់ៗត្រូវតាំងអារម្មណ៍ឲ្យបានល្អ ដកដង្ហើមវែងៗ កុំស្លន់ស្លោ ឬបាក់ទឹកចិត្តឲ្យសោះ ទើបអាចទប់ទល់នឹងការឈឺចាប់បានយូរ។ ម៉ាក់ៗត្រូវចាំថា ស្រីៗដទៃអាចឆ្លងកាត់វាបាន យើងក៏អាចឆ្លងកាត់បានដូចគ្នា។
២- ដើរឲ្យបានច្រើន
ពេលកំពុងតែឈឺពោះល្មមៗអាចទ្រាំទ្របាន ម៉ាក់ៗកុំអង្គុយ ឬដេកនៅមួយកន្លែង ត្រូវព្យាយាមដើរចុះដើរឡើង ធ្វើបែបនេះអាចឲ្យយើងបន្លប់ការឈឹពោះបានមួយចំណែក ឬឯក្បាលកូនកាន់តែចុះក្រោមខ្លាំង ឆាប់កើត។
អត្ថបទពាក់ព័ន្ធ៖ មាន៤ចំណុចនេះ ស្រីៗយើងមិនព្រួយរឿងពិបាកកើតកូន
៣- ម៉ាស្សាចង្កេះ ឬបាតជើង
ពេលឈឺពោះខ្លាំង ឯកូនក្នុងពោះកាន់តែចំកោង ស្រីៗគ្នាយើង ច្បាស់ជាចុករួយចង្កេះដែលពេលខ្លះចង់ដាច់ចង្កេះក៏មាន។ ការម៉ាស្សា ឬច្របាច់ចង្កេះ និងបាតជើងថ្នមៗដោយពេទ្យឆ្មប ឬប៉ាៗដែលទៅកំដរម៉ាក់ៗ អាចជួយសម្រាលការឈឺចុកចាប់បានខ្លះ។
៤- ងូត ឬត្រាំទឹកក្តៅឧណ្ហៗ
ការងូត ឬត្រាំទឹកក្តៅឧណ្ហៗពេលឈឺពោះពិតជាអាចកាត់បន្ថយអារម្មណ៍តានតឹង និងការឈឺចាប់បានច្រើន ហេតុនេះទើបមានការសម្រាលក្នុងទឹក។ បើពុំអាចងូតទឹកក្តៅឧណ្ហៗបាន យើងអាចត្រាំដៃ-ជើង ឬយកកន្សែងពោះគោជ្រលក់ទឹកក្តៅឧណ្ហៗមកដាក់ត្រង់ចង្កេះដែលឈឺខ្លាំង។
អត្ថបទពាក់ព័ន្ធ៖ មកដឹងពីអត្ថប្រយោជន៍នៃការកើតកូនក្នុងទឹក ស្រុកខ្មែរមានសេវានេះនៅណាខ្លះ?
៥- ផឹកទឹកផ្លែឈើផ្អែមៗ
ទឹកផ្លែឈើផ្អែមៗ ដូចជាទឹកត្រឡាច ទឹកសណ្តែក ម៉ាក់ៗអាចផឹកពេលកំពុងឈឺពោះ ដើម្បីជាជំនួយឲ្យមានកម្លាំងក្នុងប្រឹងកើតអាអូន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម