ប៉ុន្មានថ្ងៃមុន “Hello គ្រូពេទ្យ” ធ្លាប់លើកឡើងពីបញ្ហាប្រឈមមួយចំនួនលើកូនកើតមិនគ្រប់ខែ។ ជំងឺទាំងនោះពិតគួរខ្លាច ពិបាកព្យាបាល អាចមានគ្រោះថ្នាក់ដល់អាយុជីវិតកូនទៀតផង។ គ្មានម៉ាក់ប៉ាណា ចង់ឲ្យកូនកើតមកទាំងមិនគ្រប់ខែ ដែលប្រឈមនឹងគ្រោះថ្នាក់រាប់មិនឈ្នះនោះទេ។ ខាងក្រោមនេះ ជាវិធីយកឈ្នះការសម្រាលកូនមុន ៩ ខែ ១០ថ្ងៃ។
អស់បារម្ភរឿងកូនមិនគ្រប់ខែ ទាំងនេះជារបៀបបង្ការ
ត្រួតពិនិត្យដោយ គឹម កាណែល
១- ហេតុផលអាចនាំឲ្យកើតកូនអត់គ្រប់ខែ
៥០% នៃករណីកើតកូនអត់គ្រប់ខែ មិនអាចពន្យល់បាន ប៉ុន្តែយ៉ាងណា ៥០% ផ្សេងទៀត ពាក់ព័ន្ធនឹងប្រវត្តិជំងឺម៉ាក់ៗផ្ទាល់ ដូចជា បញ្ហាស្បូន បញ្ហាមាត់ស្បូន ធាត់លើសទម្ងន់ ស្គមជ្រុល សម្ពាធឈាមខ្ពស់ មានជំងឺស្អូច ជំងឺបេះដូង និងកត្តាជាច្រើនទៀត។ តានតឹងអារម្មណ៍ ជក់បារី និងប្រើសារធាតុញៀន ក៏អាចបង្កើនឱកាសផ្តល់កំណើតមិនគ្រប់ខែដូចគ្នា។
២- វិធីបង្ការកុំឲ្យកើតកូនអត់គ្រប់ខែ
ថ្វីបើអ្នកវិទ្យាសាស្ត្រមិនទាន់រកឃើញហេតុផលប្រាកដពាក់ព័ន្ធការផ្តល់កំណើតមិនគ្រប់ខែក៏ពិតមែន ប៉ុន្តែវិធីសាស្ត្របង្ការនៅតែត្រូវបានគេណែនាំដើម្បីបន្ថយហានិភ័យ ដូចជា៖
រក្សាទម្ងន់ឲ្យល្អមុនពពោះ៖ ហាត់ប្រាណទៀងទាត់ និងរបបអាហារផ្តល់សុខភាពល្អ នោះស្រីៗគ្នាយើងអាចចៀសផុតពីហានិភ័យផ្តល់កំណើតមិនគ្រប់ខែបាន។
ផឹកទឹកឲ្យបានគ្រប់គ្រាន់៖ សារធាតុរាវ ២,៥ លីត្រក្នុងមួយថ្ងៃ ជួយរាងកាយម៉ាក់ៗបង្ការការកន្ត្រាក់ស្បូនរហ័សមុនកំណត់ និងកាត់បន្ថយហានិភ័យ។ គ្នាយើងដែលហាត់ប្រាណច្រើន ក៏គួរផឹកទឹកប្រចាំថ្ងៃឲ្យច្រើនដូចគ្នា។
ផ្តាច់បារី៖ ជាតិនីកូទីនក្នុងបារី ផ្តល់ទុក្ខទោសចំពោះសុខភាពទាំងម៉ាក់ៗ និងបេប៊ី។
ចាក់ថ្នាំបង្ការ៖ ទទួលថ្នាំបង្ការជំងឺគ្រុនផ្តាសាយធំ អាចធ្វើឲ្យសុខភាពម៉ាក់ៗកាន់តែប្រសើរ។
ស្វែងរកការថែទាំមុនសម្រាល៖ ម៉ាក់ៗគួរប្រើវីតាមីនបំប៉នផ្ទៃពោះមុនសម្រាល មានស្តុកជាតិអាស៊ីដ ហ្វូលិច និងពិគ្រោះជាមួយពេទ្យជំនាញអំពីថ្នាំណាមួយយើងអាចប្រើប្រាស់ ក្នុងអំឡុងពេលមានផ្ទៃពោះ។
ប្រើថ្នាំបំប៉នកាល់ស្យូម៖ ញ៉ាំកាល់ស្យូម ១ ០០០ មិល្លីក្រាម រៀងរាល់ថ្ងៃ អាចបន្ថយហានិភ័យផ្តល់កំណើតមិនគ្រប់ខែ ព្រោះជាធម្មតាស្រីៗគ្នាយើងមិនបានញ៉ាំជាតិកាល់ស្យូមគ្រប់គ្រាន់នៅក្នុងរបបអាហារនោះទេ។
បន្ថយការប៉ះពាល់នឹងជាតិគីមី៖ ជាតិគីមីប្រើប្រាស់នៅក្នុងផលិតផលជាច្រើន ដូចជា ជ័របា្លសិ្ទក គ្រឿងសម្អាង ថ្នាំលាបក្រចក ថ្នាំបាញ់សក់ ឬអាហារកំប៉ុង សុទ្ធតែមានទំនាក់ទំនងនឹងហានិភ័យខ្ពស់នៃការកើតកូនមិនគ្រប់ខែ។
បើម៉ាក់ៗមានប្រវត្តិជំងឺរលាកទ្វារមាស រលូតកូន ឬកើតអាអូនមិនគ្រប់ខែ គួរជួបពិគ្រោះញឹកញាប់ជាមួយគ្រូពេទ្យ ត្រួតពិនិត្យតាមដានសុខភាពកូន និងឆាប់រកដំណោះស្រាយ បើសិនមានបញ្ហាណាមួយលេចចេញ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម