ម៉ាក់ៗមានផ្ទៃពោះ អាចកោសខ្យល់បានអត់?

ដោយ ត្រួតពិនិត្យដោយ ចាន់ ស៊ីណេត

នេះ​ជា​ចម្ងល់​ម៉ាក់​ៗ​ជាច្រើន​នាក់ ព្រោះ​អ្នក​ខ្លះ​ពេល​មាន​គភ៌​ឧស្សាហ៍​មិន​ស្រួល​ខ្លួន ហើយ​ចង់​កោស​ខ្យល់​តែ​មិន​ហ៊ាន។ តើ​ពេល​មាន​ផ្ទៃពោះ ម៉ាក់​ៗ​អាច​កោសខ្យល់​បាន​ឬ​ទេ?

ដើម្បី​ឲ្យ​អស់​ចម្ងល់​លោក​វេជ្ជបណ្ឌិត លី ឬទ្ធី​គុណ ឯកទេស​ទូទៅ​បាន​ឲ្យ​ដឹង​ថា ការ​កោសខ្យល់​មិន​ត្រូវ​បាន​ណែនាំ​ដោយ​អ្នក​វិទ្យាសាស្រ្ត​ណា​មួយ​ឡើយ។ សម្រាប់​ស្ត្រី​មាន​ផ្ទៃពោះ​យើង​មិន​ចង់​ឲ្យ​កោស​ឡើយ ព្រោះ​ថា​ខ្នង​យើងជា​កន្លែង​បណ្ដុំ​ប្រព័ន្ធ​សរសៃ​ប្រសាទ​ជាច្រើន បើ​កោស​ខ្លាំង​អាច​បណ្ដាលឲ្យ​ដាច់​សរសៃ​ប្រសាទ​ណា​មួយ​ដែល​យើង​មិន​អាច​មើល​ឃើញ។ មួយ​វិញ​ទៀត​ប្រសិនបើ​យើង​កោស​ខ្យល់​បណ្ដាល​ឲ្យ​ឈឺ អាច​ធ្វើឲ្យ​ឡើង​សម្ពាធ​ឈាម ហើយ​ពេល​សម្ពាធ​ឈាម​ឡើង​ខ្ពស់​អាច​បុក​ទៅ​ដល់​សុក​ដែល​ជា​កន្លែង​ផ្គត់ផ្គង់​កូនបានដែរ។

តិចនិកសុខភាព

លោក​ក៏​បាន​បញ្ជាក់​ទៀត​ថា ការ​កោស​នោះ​មិន​សូវ​មាន​សុវត្ថិភាព​បូក​រួម​ទាំង​វត្ថុធាតុ​ដើម​ដែល​យក​ទៅ​កោស​នោះ​ដូចជា​ប្រេង​កូឡា ឬ​ប្រេង​ខ្យល់​ក៏​មិន​ល្អ​ចំពោះ​សុខភាព​ដែរ ដូចនេះ​ហើយ​ទើប​លោក​វេជ្ជបណ្ឌិត​បាន​សំណូមពរ​កុំឲ្យ​ស្រ្តី​មាន​ផ្ទៃពោះ​ជ្រើសរើស​វិធី​នេះ ដើម្បី​បន្ធូរ​អាការៈ​រសេះរសោះអី គួរ​ពិគ្រោះជាមួយគ្រូពេទ្យជំនាញសិន។

ការ​កោស​ខ្យល់​នេះ​ទៀតសោត​មិនមែន​មនុស្ស​រាល់គ្នា​សុទ្ធតែ​អាច​កោស​បាន​ឡើយ ដូចជា​អ្នក​កើត​ជំងឺ​ទឹកនោមផ្អែម លើសឈាម និង​អ្នក​ជំងឺ​លើស​ជាតិ​ខ្លាញ់ ក៏​មិន​គួរ​អនុវត្ត​វិធី​បែប​បុរាណ​នេះ​ដែរ។

អត្ថបទពាក់ព័ន្ធ

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Share now :

ត្រួតពិនិត្យថ្ងៃទី ខែ​មករា 14, 2020 | កែសម្រួលចុងក្រោយ ខែ​មករា 14, 2020

អ្នកអាចចូលចិត្ត