home

លើសទម្ងន់

លើសទម្ងន់ - អ្នក​លើស​ទម្ងន់​មិន​សម​ប្រាថ្នា​អាច​ដឹង​ពី​មូលហេតុនិង​ដំណោះស្រាយនានា ក្នុង​មាតិកា​នេះ ក្នុង​បរិបទ​វេជ្ជសាស្ត្រ​ជាជាងការសម្រកផ្លូវកាត់ មិន​ទៅតាម​បទបញ្ជា​ពេទ្យ

ចំណេះដឹងទូទៅ

លើសទម្ងន់

​ពិត​ណាស់​ បញ្ហា​ខ្លាញ់​​ក្បាល​ពោះ​​មិន​ត្រឹម​តែ​ប៉ះពាល់​ដល់​រូបរាង​ខាង​ក្រៅ​របស់​យើង​ប៉ុណ្ណោះ​ទេ វា​ក៏​ជះឥទ្ធិពល​ដល់​សុខភាព​របស់​យើង​ដូច​គ្នា។​ ជា​ទូទៅ​​ ចំពោះ​ស្ត្រី​ដែល​មាន​ទំហំ​ចង្កេះ​​លើស​ពី​៣៥ ឬ​បុរស​ដែល​មាន​ទំហំ​ចង្កេះ​លើស​ពី​៤០ ​មាន​​ហានិភ័យ​​ខ្ពស់​ក្នុង​ការ​កើត​ជំងឺ​​ធ្ងន់ធ្ងរ​ជា​ច្រើន​។ គណនាសន្ទស្សន៍ម៉ាសរាងកាយBMIនៅទីនេះ ហានិភ័យ​ទាំង​៤​​ កើត​ចំពោះ​អ្នក​ដុះ​ក្បាល​ពោះ​ ១. ជំងឺ​ទឹក​នោម​ផ្អែម​ នៅ​ពេល​ថ្លើម​របស់​យើង​​គ្របដណ្ដប់​ដោយ​ជាលិកា​ខ្លាញ់​ ​វា​អាច​​បង្ក​ទៅ​ជា​ខ្លាញ់​ក្បាល​ពោះ​ច្រើន​ជ្រុល​។ ជា​លទ្ធផល​ វា​ធ្វើ​ឲ្យ​ជាតិ​ស្ករ​​ជាប់​នៅ​ក្នុង​ចរន្ត​ឈាម​ ជំនួស​ឲ្យ​ការ​បំបែក​​ដោយ​ថ្លើម។ កត្តា​នេះ នឹង​ធ្វើ​ឲ្យ​កម្រិត​ជាតិ​ស្ករ​ក្នុង​ឈាម​របស់​យើង​ឡើង​ខ្ពស់ ជា​​ហេតុ​នាំឲ្យ​កើត​ជំងឺ​ទឹក​នោម​ផ្អែម។ ២. ជំងឺ​​មហារីក​ ​​​​​​​​ជាមួយ​គ្នា​នេះ​ដែរ យោង​តាម​ការ​សិក្សា​ថ្មី​មួយ​បាន​បង្ហាញ​ថា​ប្រភេទ​ប្រូតេអ៊ីន​ដែល​បញ្ចេញ​ពី​ខ្លាញ់​នៅ​ក្បាល​ពោះ​អាច​ធ្វើ​ឲ្យ​កោសិកា​ដែល​​មិន​មែន​ជា​មហារីក​ ក្លាយ​ទៅ​ជា​កោសិកា​មហារីក​បាន​ ​ដោយ​​បង្ក​ជា​ការ​លូតលាស់​ដុំ​សាច់​។ ៣. ជំងឺ​សរសៃ​ឈាម​បេះដូង​ ជាក់​ស្ដែង កោសិកា​ខ្លាញ់​នៅ​ក្នុង​ពោះ​ក៏​អាច​បង្កើត​ប្រូតេអ៊ីន​ ដែល​មាន​សមត្ថភាព​ធ្វើ​ឲ្យ​ស្ទះ​សរសៃ​ឈាម​ និង​អាច​បណ្ដាល​ឲ្យ​សម្ពាធ​ឈាម​ឡើង​ខ្ពស់​។ បន្ថែម​ពី​នេះ វា​ក៏​អាច​នាំ​ឲ្យ​ស្ទះ​សរសៃ​ឈាម​ ដែល​ធ្វើ​ឲ្យ​យើង​ប្រឈម​នឹង​ជំងឺ​គ្រោះថ្នាក់​សរសៃ​ឈាម​ខួរ​ក្បាល​ និង​គាំង​បេះដូង​ផង​ដែរ​​។ ៤. ជំងឺ​ភ្លេចភ្លាំង​ចំពោះ​មនុស្ស​ចាស់​ ចំពោះ​ស្ត្រី​ដែល​មាន​ខ្លាញ់​ពោះ​ច្រើន​ មាន​ហានិភ័យ​​ខ្ពស់​ក្នុង​ការវិវត្ត​ទៅ​ជា​ជំងឺ​ភ្លេចភ្លាំង​​កើត​លើ​មនុស្ស​ចាស់​ ។ កត្តា​នេះ​បណ្ដាល​មក​ពី​​ខ្លាញ់​នៅ​គ្រឿងក្នុង ឬ​​ខ្លាញ់​នៅ​ក្នុង​ពោះ​។

អត្ថបទផ្សេងទៀតពី លើសទម្ងន់

លើសទម្ងន់

បច្ចុប្បន្នអ្នកដែលចង់បានស្បែកស្អាតជាងមុន ​បាន​ងាក​មក​ប្រើ​ផលិតផល​ខូឡាជែន​ជំនួយ​ឲ្យ​ស្បែក​ឲ្យ​ត្រឡប់​មក​ស្រស់​ថ្លា មាន​សំណើម និង​ហាប់​ណែន​ឡើង​វិញ។ ប៉ុន្តែ​ក្រោយ​ប្រើប្រាស់​​មួយ​រយៈ មាន​ការ​លើក​ឡើង​ជា​សំណួរ​ថា តើ​ការ​ផឹក​ខូឡាជែន​បណ្ដាល​ឲ្យ​ឡើង​ទម្ងន់​ដែរ ឬ​ទេ? វេជ្ជបណ្ឌិត លី ឫទ្ធីគុណ បញ្ជាក់​ថា​ខូឡាជែន​ជា​ប្រូតេអ៊ីន​មាន​ច្រើន​បំផុត​ក្នុង​ខ្លួន​មនុស្ស​យើង​នៅ ឆ្អឹង សាច់ដុំ សរសៃពួរ សក់ ក្រចក។ ពេល​យើង​មាន​វ័យ​កាន់តែ​ចាស់​ទៅ ទើប​បាត់បង់​ខូឡាជែន​នេះបន្តិចម្ដងៗ ហើយ​ស្បែក​ក៏​ប្រែ​ទៅជា​យារ ជ្រីវជ្រួញ គ្មាន​សំណើម និង ហាប់​ណែន​ដូច​មុន។ ចំណែក​សំណួរ​ដែល​សួរ​ថា តើ​ការ​ផឹក​កូឡាជែន​បណ្ដាល​ឲ្យ​ឡើង​ទម្ងន់​ដែរ ឬ​អត់ ចម្លើយ​គឺ​មិន​បណ្ដាល​ឲ្យ​ធាត់​ទេ។ មធ្យោបាយ​តែ​មួយ​គត់​ដែល​ធ្វើឲ្យ​ឡើង​ទម្ងន់ គឺ​មកពី​យើង​ញ៉ាំ​កាឡូរី​ច្រើន​ជាង​អ្វី​ដែល​ដុត​យើង​ដុត ហើយ​កូឡាជែន​មិន​មាន​ផ្ទុក​កាឡូរី​ច្រើន​ពេក​នាំឲ្យ​ធាត់​ទេ។ វេជ្ជបណ្ឌិត​ផ្នែក​ទូទៅ​រូប​នេះ​បន្ថែម​ទៀត​ថា ពេល​យើង​កាន់តែ​ចាស់​កម្រិត​ខូឡាជែន​ចាប់ផ្ដើម​ចុះ​ខ្សោយ​ហើយ​ប៉ះពាល់​មិនត្រឹម​ស្បែក​ជ្រីវជ្រួញប៉ុណ្ណោះទេថែមទាំង ធ្វើឲ្យឡើង​ទម្ងន់ និង​ឈឺ​សន្លាក់។ តែ​ខូឡាជែន​ដែល​យើង​ផឹក​នោះ បើ​ផលិត​តាម​ស្ដង់ដារ និង​មាន​ក្រុមហ៊ុន​ដែល​ទទួល​ស្គាល់​ច្បាស់លាស់ បែរជាជួយ​រក្សា​ប្រព័ន្ធ​រំលាយ​អាហារ​ឲ្យ​មាន​សុខភាព​ល្អ។ លោក​បន្ថែម​ទៀត​ថា ខូឡេជែន​ពិត​ជា​អាច​ជួយ​ដល់​ការ​រំលាយ​អាហារ និង​ជា​ផ្នែក​មួយ​ជួយ​ឲ្យ​ស្រក​ទម្ងន់​ប្រកបដោយផាសុកភាព។ ខូឡាជែន​គឺជា​ប្រូតេអ៊ីន​ជាច្រើន ហើយ​ជួយ​យើង​មាន​អារម្មណ៍​ឆ្អែត និង​ឆ្អែតអាហារ​បាន​យូរ។ លើស​ពី​នេះ​ទៅ​ទៀត​វា មិន​ដូច​ផលិតផល​ដែល​ជួយ​សម្រក​ទម្ងន់​នោះ​ទេ ខូឡាជែន​មិន​មាន​សារធាតុ​បំពេញ​អ័រម៉ូន​អាស៊ីដ​ទម្រង់​នៃ​ការ​កែច្នៃ ឬ​ជាតិ​ផ្អែម​គីមី​ទេ ដូច្នេះ​វា​មិន​រំខាន​ដល់​ចង្វាក់ និង​ដំណើរ​ការ​ធម្មជាតិ​នៃ​រាងកាយ​យើង​ទេ។

លើសទម្ងន់

សព្វ​ថ្ងៃ​នេះ យើង​សង្កេត​ឃើញ​ថា ចំណី​អាហារ​មាន​សម្បូរ​ហូរហារ រីឯ​ជំងឺ​ក៏​វា​មាន​ច្រើន​តាម​នោះ​ដែរ។ ចំណែក​​យុវវ័យ​ក្នុង​សម័យ​នេះ ប្រឈម​នឹង​ការ​កើត​ជំងឺ​មនុស្ស​ចាស់​ច្រើន នេះ​បើតាម​ការ​លើក​ឡើង​របស់លោក​សាស្រ្តា​ចារ្យ​វេជ្ជបណ្ឌិត សេង សេរី ឯក​ទេស​ផ្នែក​ជំងឺ​ទឹក​នោម​ផ្អែម។ លោក​សាស្រ្តា​ចារ្យ​វេជ្ជបណ្ឌិត សេង សេរី បាន​ឲ្យ​ដឹង​ថា យុវវ័យ​ឥឡូវ​ឃើញ​ថា​មាន​ជួប​បញ្ហា​សុខភាព​ដូច​ជា លើស​ឈាម លើស​ជាតិ​ខ្លាញ់ និង​ទឹក​នោម​ផ្អែម​ច្រើន គឺ​បណ្តាល​មក​ពី​មូល​ហេតុ​សាមញ្ញ​ដែល​មនុស្ស​ជា​ច្រើន​ជួប​ប្រទះ​ស្ទើរ​តែ​រាល់​ថ្ងៃ​គឺ៖ ទី១. ភាព​ហូរហៀរ​នៃ​ការ​ហូប​ចុក “ក្មេងៗ​ឥឡូវ​អាយុ​ត្រឹម​២០ឆ្នាំ​ឡើង​អី​ទេ ចាប់​ផ្តើម​កើត​ជំងឺ ដែល​ពី​មុន​មាន​តែ​នៅ​លើ​មនុស្ស​ចាស់ ដោយសារ​តែ​ភាព​សម្បូរ​ចំណី​អាហារ​ដូច​ជា​អាហារ​កញ្ចប់ ប៊ឺហ្គឺរ ភីហ្សា ហើយ​មាន​នូវ​ភេសជ្ជៈកំប៉ុងច្រើន​ប្រភេទ​ច្រើន ជម្រើស​ដែល​បណ្តាលឲ្យ​មនុស្ស​ឥឡូវ​ឆាប់​ធាត់ និង​សុទ្ធ​តែ​ជា​របស់​មិន​ល្អ ចំពោះ​សុខភាព"។ ទី២. កង្វះ​នូវ​ពលកម្ម។ យោង​តាម​ការ​ឲ្យ​ដឹង​ពី​លោក​វេជ្ជបណ្ឌិត "ក្មេងៗ​ឥឡូវ​អាយុ​ត្រឹម​២០​ឆ្នាំ​ឡើង​អី​ទេ ចាប់​ផ្តើម​កើត​ជំងឺ​​ដែល​ពី​មុន​មាន​តែ​នៅ​លើ​មនុស្ស​ចាស់ ដោយ​សារ​តែ​សម្បូរ​ចំណី​អាហារ ហើយ​ម្នាក់ៗ​មិន​ព្រម​ហាត់​ប្រាណ​បញ្ចេញ​ញើស ​ជាតិ​កាឡូរី​ដែល​មាន​នៅ​ក្នុង​ខ្លួន​ទេ។ សម័យ​នេះ​ម្នាក់ៗ​ហូប​ច្រើន​ហើយ​ដេក ដេក​ច្រើន​ហើយ​ហូប ទៅ​ណា​ទៅ​ណី​ជិះ​តែម៉ូតូ ឡាន និយាយ​សាមញ្ញ​ គឺ​មនុស្ស​ភាគច្រើន​ស្រួល ដេកស៊ីៗ។" លោក​សាស្រ្តាចារ្យ បាន​បន្ត​ថា ផ្អែក​លើ​មូលហេតុ​នេះ​ហើយ​ទើប​វា​ធ្វើ​ឲ្យ​ក្មេងៗ​ឥឡូវ​ងាយ​ប្រឈម​នឹង​ជំងឺ​កាចៗ​ច្រើន​មុខ មិន​មែន​ត្រឹម​តែ​ទឹក​នោម​ផ្អែម ឬលើស​ឈាម​ទេ ហើយកត្តា​នៃ​ក្មេង​ៗ​ឈឺ​ច្រើន​អាច​កាន់​តែ​កើន​ឡើង​នៅ​ពេល​អនាគត។ អ៊ីចឹង​ហើយ បើ​មិន​ចង់​ឆាប់​ឈឺ​ទេ គួរ​រក​ពេល​ទៅ​ហាត់​ប្រាណ​បញ្ចេញ​ញើស ឬ​បើ​ថា​គ្មាន​ពេល​ទេ គួរ​រក​ធ្វើ​មធ្យោបាយ​អី​ធ្វើ​ឲ្យ​ចេញ​ញើស​ខ្លះ​ក្នុង​មួយ​ថ្ងៃ។ ​​ អត្ថបទពាក់ព័ន្ធ៖ ទម្លាប់ញ៉ាំប្រៃគ្រោះថ្នាក់ខ្លាំង អ៊ីចឹងរៀនកាត់បន្ថយតាមវិធីងាយៗទាំងនេះ មិន​ចង់​កើត​ជំងឺ​លើស​ឈាម​ទាំង​នៅ​ក្មេង​វ័យ កែ​ទម្លាប់​ប៉ុន្មាន​នេះ​ចេញ […]

លើសទម្ងន់

តាម​លទ្ធផល​ស្រាវជ្រាវ​មួយ​​​នៅ​សហរដ្ឋអាមេរិក​ បាន​ឱ្យ​​ដឹង​ថា ជាតិ​ជាលិកា​ខ្លាញ់​​​ផ្តុំ​ជាប់​លើ​សេរីរាង្គ​អណ្តាត​ច្រើន​ ជា​ដើម​ហេតុ​​មួយ​បង្ក​​ឱ្យ​​មាន​បញ្ហា​ ស្រមុក​ ឬ​ស្ទះ​ដង្ហើម​នៅ​ពេល​គេង ពិសេស​កើត​មាន​​លើ​អ្នក​ធាត់​ៗ​។ ការ​សិក្សាមួយ​​​ធ្វើ​​ឡើង​​ដោយសាលា​វេជ្ជសាស្រ្ត​នៃ​សាកលវិទ្យាល័យ​ Pennsylvania បាន​រក​ឃើញ​ថា អ្នក​ដែល​មាន​បញ្ហា​លើស​ទម្ងន់​ច្រើន​ កើត​​មាន​​ជាតិ​ជាលិកា​ខ្លាញ់​ទៅ​ប្រមូល​ផ្តុំ​លើ​​​សេរីរាង្គ​អណ្តាត ជា​ហេតុ​នាំ​ឱ្យ​អ្នក​ទាំង​នោះ​ភាគ​ច្រើន​ជួប​បញ្ហា ស្ទះ​ដង្ហើម​នៅ​ពេល​គេង ឬ​ភាសា​បច្ចេកទេស​ហៅ​ថា Obstructive Sleep Apnea (OSA)។ អាការៈ​​សម្គាល់​សញ្ញា​ នៃ​ OSA មាន​ដូច​ជា ការ​គេង​ស្រមុក​​​ឮ​ៗ និង​ក្រោក​ឡើង​​នៅ​មាន​អារម្មណ៍​អស់​កម្លាំង​ ទោះ​បី​បាន​គេង​ពេញ​​ម៉ោង​ក៏​ដោយ។ ​​ ដើម្បី​​រក​ដំណោះ​ស្រាយ​ពី​បញ្ហា​ ក្រុម​ការងារ​នៃ​សាលា​វេជ្ជសាស្រ្ត​ខាង​លើ បាន​ពិសោធ​សាក​ល្បង​លើ​អ្នក​ស្ម័គ្រ​ចិត្ត​៦៧​នាក់ ដែល​ជា​អ្នក​​ជួប​បញ្ហា​ស្ទះ​ដង្ហើម និង​លើស​ទម្ងន់។ តាម​​រយៈ​ការ​ពិសោធ​ ក្រុម​អ្នក​ស្ម័គ្រ​ចិត្ត​បាន​តម្រូវ​ឱ្យ​សម្រក​ទម្ងន់​ក្នុង​រយៈ​ពេល​៦​ខែ ជា​លទ្ធ​ផល​សម្រេច​បាន​ពួក​គេ​បាន​ស្រក​​១០​%​នៃ​ទម្ងន់​ខ្លួន។ អត្ថបទ​ពាក់ព័ន្ធ៖ ក្រែង​អត់​ចាប់​អារម្មណ៍! បើ​ស្រីៗ ​ស្រមុក​អាច​​មាន​​​បញ្ហា​ទាំង​នេះ ​ក្រោក​ពី​គេង​មាន​អារម្មណ៍​ថា​ខ្សោះៗ​ខ្លួន មកពី​បែប​នេះ​សោះ! ក្រោយ​ពី​ក្រុម​អ្នក​ស្ម័គ្រ​ចិត្ត​សម្រក​ទម្ងន់​រួច ​​ក្រុម​ការងារ​បាន​ប្រើ​បច្ចេកទេស ស្កេន MRI តាម​ដាន​ពី​បម្រែ​បម្រួល​ឃើញ​ថា ពេល​ទម្ងន់​ក្រុម​​អ្នក​ស្ម័គ្រ​ចិត្ត​ស្រក​ ក៏​មាន​បម្រែ​បម្រួល​ជាលិកា​ជាតិ​ខ្លាញ់​លើ​អណ្តាត​​ថយ​ចុះ​ផង​ដែរ ដែល​បាន​ធ្វើ​​ឱ្យ​ប្រព័ន្ធ​ដង្ហើម​ពួក​គេ​បាន​ប្រសើរ​ជាង​មុន​បាន​៣០%​​នៅ​ពេល​គេង។ ឃើញ​ពី​លទ្ធផល​វិជ្ជមាន​ដូច្នេះ លោក​វេជ្ជបណ្ឌិត Richard Schwab ជា​សាស្រ្តាចារ្យ​ដឹក​នាំ​ការ​ស្រាវជ្រាវ​​បាន​ជំរុញ​ទឹក​ចិត្ត​ ឱ្យ​មនុស្ស​គ្រប់​គ្នា​យក​ចិត្ត​ទុក​ដាក់​ ថែរក្សា​ទម្ងន់​ខ្លួន មិន​ឱ្យ​ឡើង​លើស​ទម្ងន់​ពេក ដើម្បី​​ចៀស​ឆ្ងាយ​ពី​បញ្ហា​​ដង្ហើម​ខាង​លើ ដែល​ការ​រក្សា​ទម្ងន់​នោះ​ មាន​ដូច​ជា​វិធី​សាមញ្ញ​ […]

លើសទម្ងន់

ការ​ស្រាវជ្រាវ​ថ្មី​បាន​លើក​ឡើង​ថា​ពេល​វេលា​ដែល​ក្មេង​ប្រុស​ចូល​ដល់​វ័យ​គ្រប់​ការ​អាច​នឹង​មាន​ទំនាក់​ទំនង​ជាមួយ​ទម្ងន់​ពួក​គេ។ ការ​ស្រាវជ្រាវ​លើ​ក្មេង​ប្រុស​ ៤ ០០០​នាក់ ចាប់​ពី​វ័យ ៦ឆ្នាំ ដល់ ១៦ឆ្នាំ បាន​រក​ឃើញ​នូវ​ទំនាក់ទំនង​រវាង​ធាត់​និង​ភាព​ពេញ​វ័យ​គ្រប់​ការ​ដែល​អូស​បន្លាយ​ពេល និង​រវាង​ការ​ធាត់​លើស​ទម្ងន់​និង​ភាព​ពេញ​វ័យ​គ្រប់​ការ​លឿន​រហ័ស។  លទ្ធផលនេះ ​មិន​មាន​ភាព​ជាប់​លាប់​ស៊ី​សង្វាក់​គ្នា​នៅ​​​គ្រប់​ដំណាក់​កាល​ទាំង​អស់​នៃ​ភាព​ពេញ​វ័យ​គ្រប់ការ​ និង​ក្រុម​ក្មេង​ពូជ​សាសន៍ដទទៃ​ទៀត។ ១- ភាព​ពេញ​វ័យ​គ្រប់​ការ​អូស​បន្លាយ​លើ​ក្មេង​ប្រុស​ជាប់​ទាក់ទង​នឹង​ភាព​ធាត់ ការ​សិក្សា​ជា​ច្រើន​បាន​បញ្ជាក់​ថា​ទំនាក់ទំនង​រវាង​ទម្ងន់​ច្រើន​ហួសហេតុ​និង​គ្រប់​ការ​លឿន​រហ័ស​លើ​ក្មេង​ស្រី។ យ៉ាង​នេះ​ក្តី វា​ហាក់​ដូច​ជា ទម្ងន់​អាច​នឹង​ជះ​ឥទ្ធិពល​ប៉ះពាល់​ដល់​ភាព​គ្រប់​ការ​ចំពោះ​ក្មេង​ប្រុស​តាម​បែប​ខុស​ប្លែក​ទៅ​វិញ។ ការ​សិក្សា​មុនៗ​ផ្តួច​ផ្តើម​បង្កើត​ឲ្យ​មាន​នូវ​ទំនាក់ទំនង​រវាង​ការ​ផលិត​ច្រើន​ហួស​ហេតុ​អ័រម៉ូន​អឺស្រ្តូសែន​ចំពោះ​ក្មេង​ស្រី និង​ភាព​ធាត់។ ទោះយ៉ាងណាអ្នក​វិទ្យាសាស្ត្រ​មិន​មាន​សំណាង​ល្អ​ច្រើន​ទេ​នៅ​ក្នុង​ការ​ពន្យល់​របៀប​ដែល​ទម្ងន់​ជះ​ផល​ប៉ះពាល់​ដល់​ការ​អភិវឌ្ឍ​របស់​ភេទ​ប្រុស។ ការ​សិក្សា​ថ្មី​បំផុត​បាន​ដាក់​ចូល​ក្នុង​ការ​ពិចារណា​នូវ​ទម្ងន់​ កម្ពស់ និង​ទំហំ​ពងស្វាស​ប្រុស (គ្រឿង​កំណត់​សម្គាល់​នូវ​ការ​ចាប់​ផ្តើម​នៃ​ភាព​គ្រប់​ការ)។ ក្មេង​ប្រុស​ប្រហែល ៣ ០០០ នាក់​បាន​ដាក់​ឲ្យ​ចូល​រួម​ក្នុង​ការ​សិក្សា។ ប្រហែល ៥០ភាគរយនៃ​ពួក​គេ​ជា​ជនជាតិ​ស្បែក​ស មួយ​ភាគ​បួន នៃ​ពួក​គេ​ជា​កូន​ចៅ​ជំនាន់​ក្រោយ​របស់​ជនជាតិ​អាមេរិច​ដើម​កំណើត​អាហ្វ្រិច ហើយ​មួយ​ភាគ​បួន​ផ្សេង​ទៀត​ជា​អម្បូរ​តំណ​វង្ស​ត្រកូល​ពី​ជនជាតិ​អេស្ប៉ាញ។ ៦០ភាគរយ មាន​ទម្ងន់​ធម្មតា ខណៈ​ដែល​១៧ភាគរយ​ ធាត់​លើស​ទម្ងន់ ហើយ ២៣ភាគរយ មាន​ភាព​ធាត់​។ លទ្ធផល​បង្ហាញ​ថា​ភាព​គ្រប់​ការ​អូស​បន្លាយ​ពេល​យូរ​នៅ​លើ​ក្មេង​ប្រុស​អាច​នឹង​មក​ពី​ធាត់។ ២- តើ​ឳពុក​ម្តាយ​គួរ​តែ​បារម្ភ​អំពី​ទម្ងន់​កូន​ប្រុស​ដែរ​ឬ​ទេ? វា​មាន​តម្លៃ​ក្នុង​ការ​និយាយ​ថា​ការ​សិក្សា​មិន​មាន​ចេតនា​ដើម្បី​អះអាង​បញ្ជាក់​ឲ្យ​ឃើញ​ពិត​ថា ទម្ងន់​ច្រើន​ហួស​ហេតុ​បណ្តាល​ឲ្យ​មាន​ការ​ផ្លាស់​ប្តូរ​ពេល​វេលា​ការ​ចូល​ដល់​វ័យ​គ្រប់​ការ ឬ​ក៏​ពន្យល់​ដំណើរ​ការ​នេះ​ឡើយ។ ដូច​គ្នា​ផង​ដែរ ដោយ​សារ​តែ​ការ​សិក្សា​ធ្វើ​ឡើង​ដោយ​វេជ្ជបណ្ឌិត​ឯកទេស​ជំងឺ​កុមារ​ទើប​វិធីសាស្ត្រ​នៃ​ការ​វាយ​តម្លៃ​ប៉ាន់​ប្រមាណ​ទំហំ​ចំណុះ​ពងស្វាស និង​ការ​អភិវឌ្ឍ​ប្រដាប់​ភេទ អាច​នឹង​មិន​ត្រឹម​ត្រូវ​ប្រសិន​បើ​វា​ធ្វើ​ឡើង​ដោយ​វេជ្ជ​បណ្ឌិត​ឯកទេស​ផ្នែក​ក្រពេញ​បញ្ចេញ​ក្នុង។ ការ​ស្រាវជ្រាវ​បន្ត​ទៀត​ គឺ​ត្រូវ​ការ​ចាំបាច់​ដើម្បី​យល់​ពី​ជនជាតិ​ ភេទ សន្ទស្សន៍​សមាមាត្រ​ទម្ងន់​និង​កម្ពស់ (BMI) និង ពេល​វេលា​ការ​ចូល​ដល់​វ័យ​គ្រប់​ការ គឺ​សុទ្ធ​តែ​ដើរ​តួ​នៅ​ក្នុង​ប្រការ​នេះ។ ទោះ​យ៉ាង​ណា​ក៏​ដោយ […]

លើសទម្ងន់

ជិត​ដល់ពេល​ឆ្លង​ឆ្នាំ​ទៀត​ហើយ ដូច្នេះ​គ្នាយើង​ខ្លះ ប្រហែល​ជាមាន​គម្រោង​ដើរលេង​តាម​ទី​កម្សាន្ត​នានា ទាំង​ក្នុង និង​ក្រៅប្រទេស។ សម្រាប់​គ្នាយើង ដែល​បម្រុង​នៅ​កម្សាន្ត​ក្នុង​ប្រទេស ដោយ​បើកបរ​ឡាន​ចម្ងាយ​ឆ្ងាយ រយៈពេល​យូរ គួរ​ស្វែងយល់​ពី​ផលប៉ះពាល់ និង​វិធី​ដោះស្រាយ​បន្ដិចសិន ដើម្បី​ជួយ​ការពារ​សុខភាព ក៏ដូចជា​សុវត្ថិភាព​ពេល​ធ្វើដំណើរ។ ខាងក្រោមនេះ ជាផលប៉ះពាល់​បណ្ដាលមក​ពី​ការ​អង្គុយ​បើក​ឡាន​រយៈពេល​យូរ៖ ១. ឈឺខ្នងរ៉ាំរ៉ៃ ការ​ចំណាយ​រយៈពេល​យូរ​ក្នុង​ឡាន អាច​បណ្ដាលឲ្យ​យើង​ឈឺខ្នង ហើយ​បញ្ហា​នេះ គ្នាយើង​ខ្លះ ប្រហែល​ធ្លាប់​ជួប​ហើយ ដោយ​ភាគច្រើន វាបណ្ដាល​ឲ្យ​ឈឺ​ក្នុង​រយៈពេល​ណាមួយ​ប៉ុណ្ណោះ។ បញ្ហា​ឈឺខ្នង​នេះ បណ្ដាល​មកពី​ការប្រឹង​នៅ​ត្រង់​ខ្នង​ផ្នែក​ស្ដាំ​ខាងលើ។ បន្ទាប់មក សម្ពាធ​នេះ បាន​ធ្លាក់​ចុះមក​ខ្នង​ផ្នែក​ខាងក្រោម ដែល​បណ្ដាល​ឲ្យ​យើង​ឈឺចាប់ ឬចុក។ ដើម្បី​ដោះស្រាយ​បញ្ហានេះ ពេល​ធ្វើដំណើរ យើង​អាច​ឈប់​ឲ្យ​បាន​ច្រើន​ដង​បន្ដិច ដើម្បី​ពត់ខ្លួន ឬសម្រួល​រាងកាយ។ ២. ខ្សោយភ្នែក ការ​ចំណាយ​ពេល​យូរ ក្នុង​ការ​បើកឡាន ប៉ះពាល់​ដល់​ភ្នែក​របស់​យើង ដោយ​នៅពេល​យើង​ផ្ដោត​ការ​សំឡឹង​ផ្លូវ​ខ្លាំងពេក វា​បណ្ដាល​ឲ្យ​យើង​អស់កម្លាំង រមាស់ភ្នែក និង​សំឡឹងមើល​បាន​កាន់តែខ្សោយ។ ក្នុង​នោះ ការបើកបរ​ពេល​ងងឹត គឺអំឡុង​ពេល​ព្រឹកស្រាងៗ ឬពេលព្រលប់ បង្ក​ផលប៉ះពាល់​ដល់​ភ្នែក​ខ្លាំង​ជាងគេ។ ដើម្បី​ដោះស្រាយ​បញ្ហានេះ យើង​ត្រូវ​កាត់បន្ថយ​ពេល​ធ្វើដំណើរ ដើម្បី​សម្រាក​ភ្នែក​ឲ្យ​បាន​សមស្រប និង​ឈប់​ប្រឹង​សំឡឹង​ទៀត បើភ្នែក​កាន់តែ​ចុះខ្សោយ ឬស្រវាំង​ហើយ។ ៣. វិវត្ត​ជា​ជំងឺធាត់ ការបើកបរ​រយៈពេល​យូរ អាច​បណ្ដាល​ឲ្យយើង​លើស​ទម្ងន់។ ការសិក្សា​របស់​អូស្ត្រាលី បង្ហាញថា […]

លើសទម្ងន់

ក្មេង​​​តូច​ៗ​ វ័យ​ជា​មធ្យម​​​ចាប់​ពី​អាយុ​​៤ ទៅ​៥​ឆ្នាំ​ឡើង​ទៅ​ មាន​រូប​រាង​ធាត់​ខ្លាំង​ ប៉ា​ម៉ាក់ មិន​គួរ​ប្រហែស​​ទេ ព្រោះ​ថា​ពួក​គេ​អាច​មាន​បញ្ហា​​សុខភាព​ដូច​ជា ជាតិ​កូឡេស្តេរ៉ូល​ និង​សម្ពាធ​ឈាម​ឡើង​ខ្ពស់​​ បញ្ហា​ពិបាក​​ដក​ដង្ហើម និង​ឈឺ​សន្លាក់​ឆ្អឹង។ ​​បញ្ហា​ខាង​លើ​នេះ បាន​​លើក​ឡើង​ដោយ លោក​វេជ្ជបណ្ឌិត​អាមេរិក​ ​​ឯក​ទេស​ផ្នែក​ជំងឺ​កុមារ Richard Seidman ដោយ​ផ្អែក​លើ​ទិន្នន័យ​ស្រាវជ្រាវ​ថ្មី​ៗ​នេះ។ លោក​វេជ្ជបណ្ឌិត​បាន​​លើក​ឡើង​បន្ថែម​ថា ទម្លាប់​រស់​នៅ​​ជា​កត្តា​មួយ​​សំខាន់​បង្ក​បញ្ហា​នេះ​ឡើង​ ដូច​ជា ប៉ា​ម៉ាក់​ពុំ​សូវ​​នាំ​កូន​ៗ​ឱ្យ​​បញ្ចេញ​​សកម្មភាព​រាង​កាយ​ជា​មួយ​សកម្មភាព​ខាង​​ក្រៅ​ផ្ទះ ទម្លាប់​ឱ្យ​ពួក​គេ​​នៅ​ជា​មួយ​គ្រឿង​អេឡិចត្រូនិក​ (SmartPhone ឬ​Tablet ទូរទស្សន៍​…) យូរ​ម៉ោង និង​ផ្តោត​ឱ្យ​កូន​ក្មេង​រីក​រាយ​តែ​នឹង​​រឿង​ញ៉ាំ​ចំណី​អាហារ​តែ​មួយ​មុខ។ល។ យ៉ាង​ណា​មិញ​ វេជ្ជបណ្ឌិត​ជំនាញ​​បាន​និយាយ​ថា ការ​កែ​ទម្លាប់​ប្រចាំ​ថ្ងៃ​មួយ​ចំនួន​ ដែល​ឪពុក​ម្តាយ​អាច​នាំ​ឱ្យ​ក្មេង​ៗ​ចៀស​ឆ្ងាយ​ពី​បញ្ហា​ដោយ​សារ​រោគ​ធាត់​​ខាង​លើ​នេះ​បាន ដូច​ជា​៖ ​​​​​ តាម​ដាន​ នូវ​អ្វី​​ៗ​ដែល​កូន​ៗ​ញ៉ាំ​ជា​ប្រចាំ​ថ្ងៃ ពិសេស​​​អាហារ​ទាំង​បី​ពេល គួរ​​មាន​ជីវជាតិ​​គ្រប់​គ្រាន់​សម្រាប់​ពួក​គេ ហើយ​ពិសេស​​​​​អាហារ​ជាតិ​ស្ករ និង​ភេសជ្ជៈ​​ផ្អែម​ៗ​ គួរ​កម្រិត​មិន​ឱ្យ​ពួក​គេ​ទម្លាប់​ញ៉ាំ​។ ជម្រុញ​ឱ្យ​ក្មេង​ៗ ចេះ​​ញ៉ាំ​ បន្លែ ផ្លែ​ឈើ និង​អាហារ​មាន​ប្រយោជន៍​សម្រាប់​សុខភាព​។ កម្រិត​ប្រភេទ​អាហារ Fast Food សម្រាប់​គ្រួ​សារ​ មិន​គួរ​​ញ៉ាំ​ញឹក​ញាប់ ក្នុង​១​សប្តាហ៍​។ កាត់​បន្ថយ​ម៉ោង មើល​​​អេក្រង់​​​ឧបករណ៍​អេឡិចត្រូនិច ទៅ​ចំណាយ​ពេល​​លើ​សកម្មភាព​ខាង​ក្រៅ​ផ្ទះ ដូច​​ជា​ការ​ចេញ​ដើរ​ហាត់​ប្រាណ ឬ​​ការ​លេង​កីឡា តម្រូវ​ឱ្យ​បញ្ចេញ​​សកម្មភាព​រាង​កាយ​ឱ្យ​បាន​យ៉ាង​តិច​ មួយ​ម៉ោង​ក្នុង​១​ថ្ងៃ​។ អត្ថបទ​ពាក់​ព័ន្ធ​៖ ក្មេងតូចលើសជាតិកូលេស្តេរ៉ូលដូចមនុស្សធំអត់? ត្រូវការពារម៉េចខ្លះ? កូនធាត់ ឬអត់ អាចមើលដឹងនៅពេលគេអាយុប៉ុណ្ណេះ គួរ​រំលឹក​ដែរ […]

លើសទម្ងន់

ជប៉ុន មានអាយុវែង ណាស់​ព្រោះទម្លាប់រស់នៅ ស្ដង់ដារ​ហូបចុក និង​កត្តាជាច្រើនទៀតផ្សំ។ ប្រជាជន​នេះ ភាគ​ច្រើន​យក​ចិត្ត​ទុក​ដាក់​​​លើ​សុខភាព ជា​ពិសេស​របប​អាហារ​តែ​ម្តង ដែល​​ធ្វើ​ឲ្យ​ពួក​គេ​មិន​សូវ​​ធាត់ ហើយ​មាន​សុខភាព​ល្អ​។ ​ផ្អែក​តាម​របាយការណ៍​ថ្មី​ៗ​របស់​ មូលនិធិ​កុមារ​នៃ​អង្គការ​សហប្រជាជាតិ​ UNICEF បាន​​បង្ហាញ​ថា ជប៉ុន​ជា​ប្រទេស​មួយ​ដែល​ យក​ចិត្ត​ទុក​ដាក់​លើ​របប​អាហារ ពិសេស​កុមារ ដែ​ល​ធ្វើ​ឲ្យ​កុមារ​ក្នុង​ប្រទេស​នេះ មាន​អត្រា​ឈឺ​ ស្គម​ស្គាំង​ខ្វះ​ទំងន់ និង​អត្រា​មរណៈ​ទាប ក្នុង​នោះ​គិត​ពី​កុមារ​អាយុ​ពី​៥​ឆ្នាំ ដល់​យុវជន​អាយុ​១៩​ឆ្នាំ មាន​អត្រា​អ្នក​ធាត់​ត្រឹម​តែ​១៤,៤២​%ប៉ុណ្ណោះ​។ ​ដំណើរ​ដើម​ទង​នៃ​លទ្ធផល​វិជ្ជមាន​បែប​នេះ គឺ​ការ​យល់​ដឹង​របស់​​​ប្រជាជន​ជប៉ុន ជា​សង្គម​ដែល​ចេះ​ដឹង​អំពី​បញ្ហា​សុខភាព​។ ហើយ​ភាគ​ច្រើន​ នៃ​ចំណេះ​ដឹង​​នោះ​ អ្នក​ជំនាញ​បាន​បង្ហាញ​ថា មួយ​ភាគ​ធំ​គឺ​ផ្តើម​ចេញ​ពី​កម្មវិធី​សាលា ដែល​បាន​បង្រៀន​ ប្រជាជន​ជប៉ុន​តាំង​ពី​ក្មេង​ៗ។ តាម​សារព័ត៌មាន Japan Today កម្មវិធី​ញ៉ាំ​បាយ​ថ្ងៃ​ត្រង់​នៅ​សាលា ជា​វិន័យ​មួយ​នៅ​ប្រទេស​ជប៉ុន ហើយ​​ខាង​សាលា​​រៀន​ជា​អ្នក​រៀប​ចំ​​អាហារ​រួច​ជា​ស្រេច និង​មាន​គ្រប់​ជីវជាតិ​​សម្រាប់​សិស្ស ពោល​គឺ​មាន​ទាំង បាយ បន្លែ​បៃ​តង ត្រី​ សាច់ ធញ្ញជាតិ ស៊ុប​បន្លែ​។ល។ ហើយ​របៀប​ទាំង​នេះ​គឺ​បាន​ធ្វើ​ឲ្យ​កុមារ​ជប៉ុន​ ទទួល​បាន​ជីវជាតិ​គ្រប់​​គ្រាន់​ ព្រម​ទាំង​បាន​រៀន​ដោយ​ផ្ទាល់​​​នៅ​សាលា​ពី​គុណ​ប្រយោជន៍​នៃ​ប្រភេទ​អាហារ​តាម​ផ្នែក​នី​មួយ​ៗ​ទៀត​ផង។​ អត្ថបទពាក់ព័ន្ធ៖  ពេលមករដូវម្តងៗ តម្រូវឲ្យតមចំណីអាហារទេ? ឧស្សាហ៍រមួលក្រពើ ពិសេសពេលគេង អាចសាកល្បង​អាហារពិសេស​ទាំងនេះបាន បើ​តាម បទ​សម្ភាស​មួយ​ជា​មួយ លោក​ Mitsuhiko Hara ជា​វេជ្ជបណ្ឌិត​ផ្នែក​កុមារ […]

លើសទម្ងន់

បច្ចុប្បន្ន ប្រុសៗ​ច្រើន ដុះក្បាលពោះ ដែល​ក្នុង​នោះ សុទ្ធ​ជាប្រភេទ​ខ្លាញ់​បង្ក​គ្រោះថ្នាក់ ហើយ​វា​មិនមែន​មាន​នៅ​ត្រឹមតែ​ស្រទាប់​ស្បែក​ក្បាលពោះ​ប៉ុណ្ណោះទេ វាថែមទាំង​នៅ​ជ្រៅចូល​ក្នុង​ក្បាលពោះ ព័ទ្ធជុំវិញ​សរីរាង្គ​ផ្សេងៗ​ទៀត។ ខ្លាញ់​ក្បាលពោះ​ទាំងនេះ បង្ក​ហានិភ័យ​សុខភាព ៦​មុខ ដូចជា ជំងឺ​សរសៃឈាមបេះដូង ជំងឺ​មហារីក​ពោះវៀនធំ ជំងឺ​លើសឈាម បញ្ហាដេកមិនលក់ ឆាប់ស្លាប់​ដោយសារ​មូលហេតុ​ផ្សេងៗ និង​ជំងឺទឹកនោមផ្អែម។ នេះបើតាម​គ្លីនិក Mayo របស់​អាមេរិក។ ចំណែក​មូលហេតុ​បណ្ដាល​ឲ្យ​កើត​មាន​ខ្លាញ់​នៅ​ត្រង់​ក្បាល​ពោះ​វិញ មិនមែន​បណ្ដាល​មកពី​ការ​ផឹក​គ្រឿងស្រវឹង​តែមួយ​មុខ​នោះទេ វាក៏បណ្ដាល​មកពី​អាយុ និង​សេណេទិក​ផងដែរ។ ក្នុង​គ្រឿងស្រវឹង មាន​កាឡូរីជាច្រើន ដូច្នេះ​បើយើង​ផឹកច្រើន យើង​នឹង​ប្រឈម​ដុះ​ក្បាលពោះ​ខ្លាំង​ផងដែរ។ ចំណែក​កត្ដា​អាយុ​វិញ គឺ​ពេល​យើង​ចាស់ទៅ យើងចាប់ផ្ដើម​បាត់បង់​សាច់ដុំ​ក្នុង​រាងកាយ​ ហើយ​បើយើង​មិន​សូវសកម្ម​ទៀត រាងកាយ​របស់​យើង នឹង​មិន​អាច​ដុត​កាឡូរី​ដែល​យើង​ញ៉ាំ បាន​អស់នោះទេ ដោយ​នេះ​ជាកត្តា​បណ្ដាល​ឲ្យ​យើង​ដុះក្បាល​ពោះ។ បើតាម​ការណែនាំ​របស់​អាមេរិក ប្រុសៗ​វ័យ ៥០​ឆ្នាំ ត្រូវការ​ប្រមាណ ២០០​កាឡូរី/ថ្ងៃ តិចជាង​ប្រុសៗ​វ័យ ៣០​ឆ្នាំ ដោយសារ​តែការ​បាត់បង់​សាច់ដុំ។ រីឯ​កត្ដា​សេណេទិក​វិញ ក៏អាច​បណ្ដាល​ឲ្យ​យើង​លើសទម្ងន់ និង​កើត​ជំងឺធាត់​ផងដែរ ហើយ​​វា​បង្ក​ឲ្យ​មាន​ការ​កើត​មាន​ខ្លាញ់​ត្រង់​ក្បាលពោះ។ ទោះយ៉ាងណា ការ​រក្សា​តុល្យភាព​កាឡូរី ដែល​យើង​ញ៉ាំ រួមជាមួយ​ការហាត់ប្រាណ អាច​ជួយ​ការពារ​ការ​ឡើង​ទម្ងន់ ដុះក្បាលពោះ​បាន។ ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ […]

លើសទម្ងន់

សម័យ​នេះ​ ដោយ​សារ​អាហារ​ Fast Foods ពេញ​និយមខ្លាំង នាំ​ឲ្យ​គ្នា​យើង​ជា​ច្រើន ប្រឈម​ខ្ពស់​បញ្ហា​លើស​ជាតិ​កូលេស្តេរ៉ូល ហើយ​បញ្ហា​សុខភាព​គួរ​ឲ្យ​ខ្លាច​មួយ​នេះ មិន​ត្រឹម​កើត​មាន​លើ​មនុស្ស​ពេញ​វ័យ​ទេ ក្មេងៗ​អាយុ ២​ ឆ្នាំ​ឡើង ក៏​អាច​កើត​បាន​ដែរ។ ក្មេងៗ​មិន​ដឹង​អី​ទេ ឲ្យ​តែ​ឃ្លាន​ញ៉ាំ​ហើយ តែ​យើង​​ជាប៉ា​ម៉ាក់​គេ ត្រូវ​ចេះ​រក​វិធី​ដោះ​ស្រាយ​ ដើម្បី​ជួយ​កូន​កុំ​ឲ្យ​មាន​បញ្ហា​សុខភាព​ដោយ​សារ​លើស​ជាតិ​កូលេស្តេរ៉ូល។ "Hello គ្រូពេទ្យ" នឹង​ប្រាប់​វិធី​សាស្ត្រ​ខ្លះៗ​ ឲ្យ​ប៉ាម៉ាក់​បាន​ដឹង។ ១- តើ​ក្មេងៗ​អាច​លើស​ជាតិ​កូលេស្តេរ៉ូល​​ដែរ? បញ្ហា​លើស​កូលេស្តេរ៉ូល​ មិន​មែន​​​កើត​ឡើង​តែ​លើ​មនុស្ស​ពេញវ័យ​ទេ វា​ក៏​អាច​កើត​ឡើង​លើ​ក្មេងៗ​​ដូច​គ្នា។ មិន​តែ​ប៉ុណ្ណោះ វា​ថែម​ទាំង​​អាច​ធ្វើ​ឲ្យកូន​យើង​ ​ប្រឈម​ទៅ​នឹង​បញ្ហា​សុខភាព​ជា​ច្រើន ជាពិសេស​ ជំងឺ​បេះដូង​ នៅ​ពេល​កូន​យើង​ធំធាត់​​ពេញ​វ័យ។ កំណក​ដុំ​កូលេស្តេរ៉ូល​ទាំង​នោះ​ អាច​ទៅ​កក​ស្ទះ​តាម​ជញ្ជាំង​សរសៃ​ឈាម​អាកទែរ បណ្តាល​ឲ្យ​សរសៃឈាម​ទាំង​នោះ ​រួម​ត្បៀត​តូច ធ្វើ​ឲ្យ​មាន​ការ​រាំង​ស្ទះ​ដល់​លំហូរ​ឈាម​​ហូរ​ទៅ​កាន់​បេះដូង​ និង​សរីរាង្គ​ដទៃ ជា​ហេតុ​បណ្តាល​ឲ្យ​ជំងឺ​ដាច់​សរសៃ​ឈាម​ខួរក្បាល បញ្ហា​បេះដូង និង​បញ្ហា​សុខភាព​ដទៃ​ អាច​កើត​មាន​ឡើង។ យោង​ទៅ​តាម​សមាគមនបេះដូង​អាមេរិក (American Heart Association) ក្មេងៗ​​មាន​វ័យ​ពី ២-១៩ ឆ្នាំ គួរតែ​មាន​កម្រិត​កូលេស្តេរ៉ូល​សរុប ​​ស្ថិត​ក្នុង​​បរិមាណ ១៧០ ឬ​ក៏​ទាប​ជាង​នេះ។ ២- មូលហេតុនាំ​ឲ្យ​ជាតិ​កូលេស្តេរ៉ូល​ក្នុង​ឈាម​ក្មេងឡើងខ្ពស់ មាន​មូល​ហេតុ​ចម្បង​មួយ​ចំនួន ​សុទ្ធ​តែ​អាច​នាំ​ឲ្យ​ជា​កូលេស្តេរ៉ូល​ក្នុង​រាង​កាយ​ក្មេងៗ ឡើង​ខ្ពស់​បាន​ ដូចជា៖ - […]

លើសទម្ងន់

ធាត់ទ្រលុកទ្រលន់ជ្រុល ឬ​យើង​ហៅ​ថា​​ធាត់​​ពេក​ អាច​បង្ក​​ជា​​បញ្ហា​ដល់​ប្រព័ន្ធ​ដង្ហើម​បាន ដែល​ជា​ការ​មួយ គួរ​ប្រុង​ប្រយ័ត្ន​ ក្នុង​ការ​រក្សា​តុល្យភាព​ទម្ងន់​ខ្លួន ព្រោះ​ថា​អាច​បង្ក​ជា​បញ្ហា​មួយ​ចំនួនទៅថ្ងៃក្រោយ។ ក្រុម​ការងារ​សាកលវិទ្យាល័យ Western Australia សហការ​ជា​មួយ​មន្ទីរ​ពេទ្យ Sir Charles Gairdner បាន​​រក​ឃើញ​​ជាលិកា​​ជាតិ​ខ្លាញ់ (Fatty Adipose Tissue) ដែល​កើត​មាន​ច្រើន លើ​អ្នក​ធាត់ ដែល​ជា​ហេតុ​បង្ក​ឲ្យ​ពួក​គេ​មាន​បញ្ហា​​​ដង្ហើម ពិសេស​​​​បញ្ហា​ទៅ​នឹង​បរិវេណ​សួត និង​ប្រព័ន្ធ​ដង្ហើម​ផ្សេង​ទៀត ដែល​​ឧស្សាហ៍​ធ្វើ​​ឲ្យ​កើត​មាន​ការ​​រលាក ដោយ​ការ​ផ្គត់​ផ្គង់​អុកស៊ីហ្សែន​ពុំ​បាន​គ្រប់​​គ្រាន់​សម្រាប់​រាង​កាយ។ ករណី​​នេះ អ្នក​ស្រាវជ្រាវ​ក៏​បាន​លើក​ឡើង​ថា ក៏​មាន​​ជាក់​ទាក់​ទង​ នឹង​ជំងឺ​ហឺត​ផង​ដែរ ប៉ុន្តែ​​តម្រូវ​ឲ្យ​មាន​​ស្រាវជ្រាវ​បន្ថែម។ អត្ថបទ​ពាក់​ព័ន្ធ៖ ស្វែងយល់ពីទំនាក់ទំនងរវាងការធាត់លើសទម្ងន់ និងជំងឺបេះដូង ជំងឺធាត់ កើនឡើងនៅអាស៊ាន ឯកម្ពុជា ក៏កើនគួរសមដែរ ចំពោះ​បញ្ហា​ខាង​លើ ករណី​ស្រាវជ្រាវ​ពី​មុន​ៗ ក៏​បាន​បង្ហាញ​ស្រដៀង​គ្នា​នេះ​ដែរ ជា​ហេតុ​នាំ​​ឲ្យ ក្រុម​អ្នក​ស្រាវជ្រាវ​ និង​ពេទ្យ​ជំនាញ​ ណែ​នាំ​ឲ្យ មាន​ការ​យក​ចិត្ត​ទុក​ដាក់​ចំពោះ​ការ​រក្សា​ទម្ងន់​ខ្លួន ឲ្យ​សម​ល្មម​ទៅ​នឹង​កម្ពស់ ពោល​គឺ​មិន​ឲ្យ​ធាត់​​​​​លើស​ទម្ងន់​ខ្លាំង​ ដែល​អាច​បង្ក​ឲ្យ​មាន​បញ្ហា​ ជាតិ​ខ្លាញ់​​បង្អាក់​ប្រព័ន្ធ​ដង្ហើម។ ចំពោះ​ការ​តាម​ដាន លើ​ទម្ងន់​ខ្លួន អ្នក​ជំនាញ​បាន​ ណែ​នាំ​ ឲ្យ​ពិនិត្យ​​មើល​តាម​រយៈ​ ការ​វាស់​សន្ទស្សន៍​ម៉ាស​របស់​រាង​កាយ BMI (Body Mass Index) ដោយ​ការ​​យក​ទម្ងន់​ […]