ចាប់តាំងពីផ្ទុះព័ត៌មាន COVID-19 រាលដាលមក ការលក់ដូរជែល ទឹកលាងដៃ អាល់កុល ឬសារធាតុសម្លាប់មេរោគ ត្រូវបានគេឃើញថាជាផលិតផលក្លែងក្លាយច្រើន ជាពិសេសអាល់កុលតែម្ដង តែមិនមែនជាអាល់កុលអេតាណុល តែជាមេតាណុលវិញ។
អាល់កុលមេតាណុលអាចសម្លាប់វីរុស COVID-19 បានអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មានសំណួរជាច្រើនលើកឡើងមកកាន់ Helloគ្រូពេទ្យ ថាតើអាល់កុលមេតាណុលនោះអាចសម្លាប់មេរោគ COVID-19 ឬបាក់តេរី វីរុសដទៃទៀតបានអត់? ឱសថការី គីម កាណែល បានឲ្យដឹងថា មេតាណុលមិនអាចសម្លាប់មេរោគ COVID-19 បាននោះទេ ហើយវាថែមទាំងមិនអាចសម្លាប់ពពួកបាក់តេរី មេរោគ ឬវីរុសបានល្អទេ ពោលគឺសឹងតែមិនអាចសម្លាប់បានតែម្ដង។
អត្ថបទពាក់ព័ន្ធ៖
លោកបានបន្តទៀតថា ភាគច្រើនគេមិនដែលប្រើមេតាណុលសម្រាប់ព្យាបាល សម្អាត ឬសម្លាប់មេរោគឡើយ បើទោះជាវាមានដឺក្រេខ្ពស់ក៏ដោយ ក៏លទ្ធភាពសម្លាប់មេរោគរបស់មេតាណុលតិចណាស់ តែគេប្រើមេតាណុលក្នុងមន្ទីរពិសោធន៍ និងឧស្សាហកម្មផ្សេងៗតែប៉ុណ្ណោះ។ មួយវិញទៀត សារធាតុរបស់មេតាណុលវាពុល គេមិនអាចប្រើបានក្នុងវិស័យវេជ្ជសាស្ត្រ សម្រាប់សម្អាត សម្លាប់បាននោះទេ។
មេតាណុលមិនអាចសម្លាប់មេរោគបាន តើគេបង្កើតវាដើម្បីអ្វី? ឱសថការី គីម កាណែល បានបញ្ជាក់ទៀតថា មេតាណុលគេបង្កើតវាឡើងដើម្បីប្រើប្រាស់ក្នុងឧស្សាហកម្ម និងមន្ទីរពិសោធន៍វិភាគ ដោយមានតេស្តមួយចំនួនគេប្រើមេតាណុល ដើម្បីវិភាគ។ ឧទាហរណ៍ មេតាណុលក្នុងវិស័យឧស្សាហកម្ម សំយោគផ្លាស្ទិក គេប្រើវាជាកាតាលីករ។ មួយវិញទៀត មេតាណុលក៏អាចប្រើជាសាំងដុតអ្វីផ្សេងៗប៉ុណ្ណោះ គ្រាន់តែមិនអាចឆេះខ្លាំងដូចសាំងតែប៉ុណ្ណោះ ដែលជារួមគេអាចប្រើមេតាណុលជាឥន្ធនៈបាន។
ការប្រើប្រាស់មេតាណុលដោយមិនបានត្រឹមត្រូវ និងតាមជំនាញច្បាស់លាស់អាចបណ្ដាលឲ្យពុលខួរក្បាល ប៉ះពាល់ដល់សរសៃប្រសាទកណ្ដាល ខ្វាក់ភ្នែក ហើយបើប្រើច្រើនបណ្ដាលឲ្យបាត់បង់ជីវិត។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម