home

រោគសញ្ញា

ចំណេះដឹងទូទៅ

រោគសញ្ញា

លើស​ជាតិ​ស្ករ លើស​សម្ពាធ​ឈាម ជា​បញ្ហា​សុខភាព​មួយ​ដែល​គ្នា​យើង​ធ្លាប់​បាន​ឭ​ញឹក​ញាប់ ដោយសារ​ប្រជាជន​ខ្មែរ​យើង​ភាគ​ច្រើន​សុទ្ធ​តែ​ជួប​បញ្ហា​សុខភាព​ទាំង​ពីរ​នេះ។ ប៉ុន្តែ គ្នា​យើង​មាន​ដែល​ឮ​ពី​បញ្ហា​លើស​ជាតិ​ប្រូឡាក់​ទីន​ក្នុង​រាងកាយ​ឬ​អត់? អ្វី​ទៅ​ជា​បញ្ហា​លើស​ជាតិ​ប្រូឡាក់ទីន? ការ​លើស​អ័រម៉ូន​ប្រូឡាក់ទីន (ភាសា​បច្ចេក​ទេស Hyperprolactinemia) គឺ​ជា​ការ​បញ្ចេញ​អ័រម៉ូន​ប្រូឡាក់ទីន​ច្រើន​លើស​លុប​ក្នុង​រាងកាយ ដែល​ផលិត និង​បញ្ចេញ​ដោយ​ក្រពេញ​អ៊ីប៉ូហ្វីស​ខាង​មុខ។ អ័រម៉ូន​ប្រូឡាក់ទីន ជា​អ័រម៉ូន​ដែល​មាន​តួច​នាទី​ក្នុង​ការ​ផលិត​ទឹក​ដោះ។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ចាន់ ស៊ីណេត ឯក​ទេស​ជំងឺ​ទូទៅ។ បញ្ហា​នេះ​មាន​រោគ​សញ្ញា​បែប​ណា​វិញ? រោគ​សញ្ញា​នៃ​បញ្ហា​លើស​ជាតិ​ប្រូឡាក់ទីន​អាច​មាន​ភាព​ខុស​គ្នា​រវាង​មនុស្ស​ស្រី និង​មនុស្ស​ប្រុស។ ដោយសារ​កម្រិត​ប្រូឡាក់ទីន មាន​ឥទ្ធិពល​ដល់​ការ​ផលិត​ទឹក​ដោះ និង​វដ្ដ​រដូវ ដូច​នេះ​ទើប​ពិបាក​ដឹង​ពី​បញ្ហា​នេះ​ចំពោះ​បុរស។ ចំពោះរោគ​សញ្ញា​រវាង​ភេទ​ទាំង​ពីរ​ដែល​កើត​មាន​បញ្ហា​នេះ​មាន​ដូច​ជា៖ មនុស្ស​ស្រី វិបត្តិ​អត់​កូន រដូវ​មិន​ទៀង ឬ​រាំង​រដូវ ហៀរ​ទឹកដោះ អត់​ចំណង់​ផ្លូវ​ភេទ ឈឺ​ក្បាល ស្រវាំង ឬ​ងងឹត​ភ្នែក មនុស្ស​ប្រុស វិបត្តិ​អត់​កូន អត់​ចំណង់​ផ្លូវ​ភេទ ហៀរ​ទឹកដោះ ឡើង​ដោះ ឈឺ​ក្បាល ស្រវាំង ឬងងឹត​ភ្នែក មាន​បញ្ហា​លឹង្គ​មិន​ឡើង​រឹង វេជ្ជបណ្ឌិត​រូប​នេះ​បន្ត​ទៀត​ថា ជា​ធម្មតា បញ្ហា​លើស​ជាតិ​ប្រូឡាក់ទីន​អាច​ព្យាបាល​បាន ហើយ​ការ​ព្យាបាល​នឹង​ពឹង​ផ្អែក​ទៅ​លើ​មូល​ហេតុ​ដែល​បណ្ដាល​ឲ្យ​មាន​បញ្ហា​នេះ។

គ្រូពេទ្យឯកទេសផ្នែក រោគសញ្ញា របស់យើង

មើល​បន្ថែម​ពី​គ្រូពេទ្យ​ឯកទេសsee-more-icon
expert-avatarbadge
វេជ្ជ. ចាន់ ស៊ីណេត

ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ

x