បញ្ចេញទឹកកាមមានលាយឈាម គួរបារម្ភកម្រិតណា?

ការបញ្ចេញទឹកកាមមានលាយឈាមមក​ជាមួយ ភាគច្រើនប្រុសៗកម្រនឹងបានឃើញ ហើយក៏មិនសូវជាបានដឹងថា ខ្លួនមាន​បញ្ហា​មួយនេះដែរ ប្រសិនជាមិនសូវបានបញ្ចេញទឹកកាម។ គ្រូពេទ្យហៅ​ជំងឺមួយប្រភេទនេះថា Haematospermia ជាប្រភេទជំងឺឈាមកកក្នុងទឹកកាម ដែលរាល់ពេលបញ្ចេញទឹកកាមម្ដងៗតែង​តែមានលាយជាមួយនឹងឈាមស្ដែងៗ ដែល​អាចជាឈាមខាប់ ឬក៏អាចជាឈាមរាវ ហើយអាចមានពណ៌ក្រហមស្រស់ និង ក្រហមចាស់។ ថ្វីដ្បិតតែជំងឺនេះមិនអាចបង្កការឈឺចាប់ទៅដល់អ្នកជំងឺ ប៉ុន្ដែវាក៏ជាមុខសញ្ញានៃជំងឺរួម​ផ្សំដទៃទៀតក្នុងប្រព័ន្ធប្រដាប់ភេទ ដូចជាជំងឺរលាកប្លោកនោម ឬ​មហារីកប្រពេញប្រូស្ដាតជាដើម។

ក្នុងលទ្ធផលរបាយការណ៍សិក្សាមួយបានបង្ហាញពីទិន្នន័យ បុរសជនជាតិអាមេរិកចំនួន ២៦ ០០០នាក់ ដែលមានជំងឺមហារីកក្រពេញប្រូស្ដាត ក៏កើតមានជំងឺឈាមក្នុងទឹកកាមនេះចំនួន ០,៥% ហើយភាគច្រើនអ្នកជំងឺមានវ័យ៣៥ឆ្នាំឡើងទៅ។

អត្ថបទគួរអាន៖

តើមានកត្ដាអ្វីខ្លះបង្កឲ្យកើតមានជំងឺនេះ?

មានកត្ដាមួយចំនួនដែលរួមចំណែកបង្កើតជាជំងឺនេះដូចជា៖

• ការរងរបួស ឬ​ធ្លាប់មានការព្យាបាលក្រពេញប្រូស្ដាត។ ក្នុងករណីនេះអាចបង្កឲ្យមានឈាមក្នុងទឹកកាមនៅ ​៣សប្ដាហ៍ក្រោយពីការព្យាបាល
• របួសពីការវះកាត់សរសៃឈាមក្នុងប្រព័ន្ធបន្ដពូជ ដែលករណីនេះអាចមានឈាម ១សប្ដាហ៍ក្រោយ
• ការព្យាបាលជំងឺមហារីកក្រពេញប្រូស្តាតដោយប្រើកាំរស្មីបាញ់ពីខាងក្រៅ
• ការឆ្លងរោគ ឬការរលាកបំពង់ទឹកកាម
• ការលេចធ្លាយឈាមចេញពីសរសៃឈាមតូចណាមួយដែលរងសម្ពាធក្នុងកំលុងពេលបញ្ចេញទឹកកាម

ការប្រើប្រាស់ថ្នាំលើសឈាម ក្នុងករណីនេះអ្នកមានជំងឺលើសឈាម ក៏អាចពាក់ព័ន្ធនឹងជំងឺឈាមក្នុងទឹកកាមបានដែរ ក្នុង​ករណី​អ្នកជំងឺប្រើប្រាស់ថ្នាំលើសឈាមច្រើន។ អ្នកដែលមានជំងឺលើសឈាម ហើយប្រើប្រាស់ថ្នាំដើម្បីបញ្ចេះឈាម មានភាគរយខ្ពស់កើតជំងឺនេះជាងអ្នកដែលមិនមានជំងឺលើសឈាម។

ស្វែងយល់បន្ថែមតាមរយៈវីដេអូខាងក្រោម៖

ចង់ពិនិត្យជំងឺមហារីកសុដន់ ចុចទីនេះ!

ចង់ពិនិត្យជំងឺមហារីកមាត់ស្បូន ចុចទីនេះ!

ចង់ពិនិត្យជំងឺមហារីកក្រពេញអូវែ ចុចទីនេះ!

ចង់ពិនិត្យជំងឺមហារីកសួត ចុចទីនេះ!

បើជួបបញ្ហានេះមែនតើគួរទៅជួបវេជ្ជបណ្ឌិតដែរឬទេ?

ករណីនេះ អ្នកជំងឺអាចនឹងមាន​អារម្មណ៍​ភ័យ​ព្រួយ នៅពេលរួមភេទហើយមើលឃើញឈាមចេញមកស្ដែងៗច្បាស់នឹងភ្នែកមក​ជាមួយ​ទឹក​កាម​។ ក្នុងស្ថានភាពនេះ អ្នកជំងឺអាចធ្វើការកត់សម្គាល់ដោយខ្លួនឯង ថាអាការៈមួយនេះកើតឡើងជាញឹកញាប់ដែរទេរាល់ពេលរួមភេទ ហើយមានរយៈពេលយូរប៉ុនណាដែរហើយ។ មួយវិញទៀត អ្នកជំងឺត្រូវគិត​ថាតើកន្លងមកធ្លាប់មានការព្យាបាលផ្នែកអ្វីមួយនៃប្រព័ន្ធតម្រងនោមដែររឺទេ។ បើមិនមានប្រវត្ដិធ្លាប់ព្យា​បាលដូចរៀបរាប់ខាងលើទេ ហើយអាការៈនេះកើតឡើងយូរ ដូច្នេះត្រូវតែទៅជួបជាមួយគ្រូពេទ្យឯកទេសនៃជំងឺដែលពាក់ព័ន្ធនិងប្រព័ន្ធទឹកនោមដើម្បីពិភាក្សា និង ព្យាបាលឲ្យបានត្រឹមត្រូវ។