នៅពេលមនុស្សប្រុសយើងពិបាកក្នុងការរក្សាភាពរឹងរបស់លិង្គឲ្យនៅបានយូរដើម្បីរួមភេទ គ្រូពេទ្យអាចចាត់ទុកថាអ្នកនោះមានបញ្ហាខ្សោយលិង្គ។ ការស្វែងយល់ពីកត្តារាងកាយ ផ្លូវចិត្ត និងអារម្មណ៍ អាចរួមចំណែកជួយដល់បញ្ហាខ្សោយលិង្គបាន ដោយយើងអាចជ្រើសរើសរបបអាហារមានប្រយោជន៍ដល់សុខភាពលិង្គ។
១. មូលហេតុធ្វើឲ្យលិង្គខ្សោយ
មូលហេតុនាំឲ្យលិង្គខ្សោយអាចមកពី៖
- មានបញ្ហាលំហូរឈាមទៅកាន់លិង្គ
- ខូចខាតប្រព័ន្ធប្រសាទកណ្ដាលនៅក្នុងលិង្គ
- ផលរំខានដោយការប្រើថ្នាំព្យាបាលជំងឺ វិទ្យុសកម្ម ឬការព្យាបាលផ្នែកវេជ្ជសាស្រ្តមួយចំនួនទៀត។
- បាក់ទឹកចិត្ត ថប់បារម្ភ និងស្ត្រេស
ការដឹងពីមូលហេតុនាំឲ្យមានបញ្ហាខ្សោយលិង្គ ជាវិធីល្អមួយជួយព្យាបាលបញ្ហាខ្សោយលិង្គ។ ក្រៅពីនេះការញ៉ាំផ្លែឈើឲ្យបានច្រើនក៏មានប្រយោជន៍ចំពោះបញ្ហាខ្សោយលិង្គដែរ។
២. អាហារមានផលល្អចំពោះលិង្គ
ការសិក្សាមួយបានរកឃើញថាមនុស្សប្រុសដែលញ៉ាំផ្លែឈើបានច្រើន បានកាត់បន្ថយបញ្ហាប្រឈមនឹងលិង្គខ្សោយបានដល់ទៅ១៤ភាគរយ។ ផ្លែឈើ មានផ្ទុកសារធាតុ flavonoid អាចជួយបង្កើនសមត្ថភាពលិង្គរបស់ប្រុសៗបាន។ អាហារទាំងនោះរួមមាន៖
- ផលិតផលធ្វើពីកាកាវ
- ស្រាក្រហម
- ម្ទេស
- ទំពាំងបាយជូរ
- ផ្លែប៉ោម
- ពពួលផ្លែបឺរី
- តែបៃតង និងតែខ្មៅ
ក្រៅពីនេះ ការសិក្សាទៅលើសត្វក៏បានរកឃើញដែរថា ផ្លែឪឡឹកក៏មានប្រសិទ្ធភាពប្រឆាំងនឹងបញ្ហាខ្សោយលិង្គនេះដែរ។ នៅក្នុងផ្លែឪឡឹក មានអាមីណូអាស៊ីដ ដែលអាចជួយកែកុនបញ្ហាខ្សោយលិង្គ។
[embed-health-tool-bmi]
មនុស្សជាច្រើនបានយកចិត្តទុកដាក់លើរបបអាហារដើម្បីបង្កើនសមត្ថភាពផ្លូវភេទរបស់ខ្លួន។ ជាមួយគ្នានេះដែរ អ្នកស្រាវជ្រាវបានណែនាំដែរថា អ្នកជ្រើសរើសរបបអាហារដើម្បីបង្កើនចំណង់ផ្លូវភេទ ក៏ត្រូវញ៉ាំអាហារឲ្យមានតុល្យភាព និងជារបបអាហារដែលមិនប៉ះពាល់ដល់សុខភាពនេះដូង។
អត្ថបទគួរអាន៖
- ចំណង់ផ្លូវភេទស្រីៗឡើងខ្ពស់ អាចមកពីមូលហេតុទាំងនេះ
- តើការរួមភេទអាចដុតកាឡូរីបានច្រើនដូចការហាត់ប្រាណដែរ ឬអត់?
- “រួមភេទតាមមាត់” មានគុណវិបត្តិ ក៏មានគុណសម្បត្តិដែរ
- អាថ៌កំបាំងទាំង ៦ ជួយជីវិតផ្លូវភេទកាន់តែប្រសើរ
- ប្រុសៗប្រយ័ត្នផង! មិនចង់អសមត្ថភាពផ្លូវភេទ កុំឲ្យកើតជំងឺនេះ
- កត្តាទាំង៣ បញ្ជាក់ថាគេងគ្រប់គ្រាន់ជួយជំរុញបង្កើនផ្លូវភេទ
