លំហាត់ប្រាណជំនួយបេះដូងមានរបៀបហាត់ពិសេសខុសពីលំហាត់ប្រាណធម្មតា ហើយតម្រូវឱ្យយើងហាត់ស្រាលៗទេ តែបានប្រយោជន៍ច្រើនដល់សុខភាពបេះដូង។ លំហាត់ប្រាណមានច្រើនប្រភេទ និងមានមុខងារផ្សេងៗគ្នា យើងមិនអាចចេះតែហាត់ៗតាមនឹកឃើញទេ ទាល់តែយើងហាត់ត្រូវតាមក្បួនទើបទទួលផល។

១- លំហាត់ប្រាណជំនួយបេះដូង និងសរសៃឈាម

លំហាត់ប្រាណនេះហៅថា អ៊ែរ៉ូបិក (Aerobics) គឺហាត់ប្រាណស្រាលៗ ដោយលើកដៃលើកជើង ដើម្បីបង្កើនការស្រូបអុកស៊ីហ្សែន ឬពង្រឹងភាពអំណត់រាងកាយ។ Aerobics ធ្វើឲ្យយើងដកដង្ហើមកាន់តែញាប់ បេះដូងលោតកាន់តែលឿន ដោយសារតែយើងប្រើសាច់ដុំច្រើន ទើបបណ្ដាលឲ្យរាងកាយប្រើអុកស៊ីហ្សែនកាន់តែច្រើនដូចគ្នា។

ការហាត់បែបនេះជួយពង្រឹងបេះដូង និងសួតឱ្យកាន់តែមានសុខភាពល្អ ជួយសម្រួលសរសៃឈាម បញ្ចុះសម្ពាធឈាម និងជាតិស្ករ សម្រួលអារម្មណ៍ កាត់បន្ថយការរលាក និងបង្កើនកម្រិតកូលេស្ដេរ៉ុលល្អ។ ចំណុចល្អផ្សេងទៀត គឺជួយកាត់បន្ថយការប្រឈមជំងឺបេះដូង ដាច់សរសៃឈាមខួរក្បាល និងបញ្ហាសុខភាពដទៃទៀតបានច្រើន។

បើសិនយើងធ្លាប់គាំងបេះដូងវិញ Aerobics ក៏អាចជួយបង្ការកុំឲ្យការគាំងបេះដូងកើតឡើងវិញម្ដងទៀតដែរ តែយ៉ាងណាគួរប្រឹក្សាជាមួយគ្រូពេទ្យមុនចាប់ផ្ដើមហាត់។

ក្រៅពីលើកដៃលើកជើង ការហែលទឹក ដើរ រត់ រាំ ធាក់កង់ ឬឡើងចុះជណ្ដើរក៏ជាការហាត់ប្រាណងាយៗសម្រាប់ចាស់ៗដែរ។ ដូច្នេះយើងគួរហាត់ឲ្យបានទៀងទាត់ ឬហោចណាស់ ១៥០ នាទីក្នុងមួយសប្ដាហ៍។

ហាត់ប្រាណជួយបេះដូងល្អ

ចង់គណនា BMI ចុចទីនេះ!

ចង់គណនា BMR ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

ចង់ពិនិត្យសញ្ញាព្រមានសរសៃឈាមខួរក្បាល ចុចទីនេះ!

២- លំហាត់ប្រាណពង្រឹងសាច់ដុំ

យើងហាត់លំហាត់នេះដើម្បីឲ្យសាច់ដុំហាប់ណែនល្អ ជួយបញ្ចុះសម្ពាធឈាម ជាតិស្ករ ធ្វើឲ្យឆ្អឹងរឹងមាំ គ្រប់គ្រងដំណេកបានល្អ រក្សាគីឡូកុំឲ្យឡើងចុះ ព្រមទាំងមានជំហររាងកាយល្អ។ តែបើយើង ឬចាស់ៗមានជំងឺបេះដូង កុំហាត់បែបនេះ ព្រោះអាចបង្កបញ្ហាទៅវិញ។ ចំពោះក្បាច់ហាត់ គ្រូបង្ហាត់ ឬពេទ្យចលនា អាចមានរបៀបបង្ហាត់ ដើម្បីទទួលបានប្រសិទ្ធភាព។ ទោះរវល់យ៉ាងណាក៏ដោយ យើងក៏គួរឆ្លៀតហាត់យ៉ាងហោចណាស់ឲ្យបាន ២-៣ ដងក្នុងមួយសប្ដាហ៍ បើមិនបានរាល់ថ្ងៃ។

៣- លំហាត់ប្រាណពត់ខ្លួន

ដើម្បីរហ័សរហួន សម្រួលសាច់ដុំ មានចលនាប្រចាំថ្ងៃល្អ យើងគួរហាត់ពត់ខ្លួន។ ការហាត់បែបនេះ អាចល្អសម្រាប់ក្មេងៗ ប៉ុន្តែគួរកម្ដៅសាច់ដុំសិន (ពត់ដៃពត់ជើង) មុនចាប់ផ្ដើមហាត់ ដើម្បីកុំឲ្យរមួលសាច់ដុំ ឬយើងហៅថា រមួលក្រពើ។ ការពត់ខ្លួន យើងអាចបែងចែកផ្នែកដែលយើងចង់ហាត់ ដូចជា សាច់ដុំ កំភួនជើង ភ្លៅ ខ្នង ក ឬស្មាជាដើម។ យ៉ាងហោចណាស់ យើងគួរហាត់ឲ្យបាន ៣ ដងក្នុងមួយសប្ដាហ៍ បើរវល់ហាត់រាល់ថ្ងៃមិនបាន។

ហាត់ប្រាណជួយបេះដូងល្អ_

៤- លំហាត់ប្រាណរក្សាលំនឹងរាងកាយ

ប្រយោជន៍សំខាន់បំផុតពីលំហាត់ប្រាណមួយនេះ គឺជួយយើងរក្សាលំនឹង ការពារកុំឲ្យឆាប់ដួល ហើយជួយឲ្យរាងកាយមាំទាំ មានសុខភាពល្អ។ ហាត់យ៉ូហ្កា ឬថៃជី (កន្ធែកជើង ឬចលនារាងកាយ ផ្ដោតលើជំហរ) ជាជម្រើសហាត់ប្រាណល្អ ដែលចាស់ៗគួរហាត់។ បើចង់បានយោបល់ ឬការហាត់សមស្ថានភាពរាងកាយ ឬជំងឺ (បើមាន) ជាពិសេស ចាស់ៗមានជំងឺគាំងបេះដូង គួរពិគ្រោះជាមួយពេទ្យ ឬគ្រូបង្ហាត់ជាមុន។

លំហាត់ប្រាណប្រភេទនេះ មិនតម្រូវឲ្យយើងហាត់ទៀងទាត់ទេ ហាត់ពេលណាក៏បាន អាស្រ័យលើពេលវេលាអំណោយផលរបស់យើង តែយើងត្រូវហាត់យ៉ាងហោចឲ្យបាន ៣ ដងក្នុងមួយសប្ដាហ៍។

អត្ថបទគួរអាន៖

ចំណុចសំខាន់

លំហាត់ប្រាណជំនួយបេះដូងមាន ៤ ប្រភេទ៖

លំហាត់ប្រាណជំនួយបេះដូង និងសរសៃឈាម
លំហាត់ប្រាណពង្រឹងសាច់ដុំ
លំហាត់ប្រាណពត់ខ្លួន
លំហាត់ប្រាណរក្សាលំនឹងរាងកាយ

លំហាត់​ប្រាណ ៤ ប្រភេទ ជំនួយបេះដូងឱ្យមានសុខភាពល្អ

១- លំហាត់ប្រាណជំនួយ​បេះដូង​ និងសរសៃឈាម

២- លំហាត់ប្រាណពង្រឹងសាច់ដុំ

៣- លំហាត់ប្រាណពត់ខ្លួន

៤- លំហាត់ប្រាណ​រក្សា​លំនឹង​រាងកាយ

ចំណុចសំខាន់

លំហាត់ប្រាណ ៤ ប្រភេទ ជំនួយបេះដូងឱ្យមានសុខភាពល្អ

១- លំហាត់ប្រាណជំនួយបេះដូង និងសរសៃឈាម

៤- លំហាត់ប្រាណរក្សាលំនឹងរាងកាយ