ខ្សោយតម្រងនោម ខ្វះគ្រាប់ឈាមក្រហមទៀតហើយ សុខភាពដុនដាបធ្ងន់

    ខ្សោយតម្រងនោម ខ្វះគ្រាប់ឈាមក្រហមទៀតហើយ សុខភាពដុនដាបធ្ងន់

    ជំងឺ​ខ្សោយ​តម្រង​នោម កើត​ឡើង​បាន​ដោយ​មាន​មូលហេតុ​ចម្បង​២​រួម​គ្នា​ដូច​ជា ផល​វិបាក​នៃ​ជំងឺ​ទឹកនោម​ផ្អែម និង​ជា​ផល​វិបាក​នៃ​ជំងឺ​លើស​សម្ពាធ​ឈាម ដែល​កើត​ឡើង​រ៉ាំរ៉ៃ ហើយ​មិន​បាន​ទទួល​បាន​នូវ​ការ​ព្យាបាល​មួយ​ត្រឹម​ត្រូវ​។ នេះ​បើ​តាម​ការ​ផ្សព្វផ្សាយ​ឲ្យ​ដឹង​ពី​មន្ទីរពេទ្យ កាល់ម៉ែត

    ជំងឺ​ខ្សោយ​តម្រង​នោម​រ៉ាំរ៉ៃ​នេះ​ផ្ដល់​ផល​វិបាក​ធ្ងន់ធ្ងរ​ជា​ច្រើន​ដល់​សរីរាង្គ​មនុស្ស ដែល​មូលហេតុ​ចម្បង​គឺ​ដោយសារ​តែ​ការ​កើន​ឡើង​ជាតិ​ពុល​ច្រើន​ក្នុង​ឈាម ក្នុង​នោះ​កង្វះ​គ្រាប់ឈាម​ក្រហម​ក៏​ជា​ផល​វិបាក​មួយ​តែង​កើត​ឡើង​ជា​ញឹកញាប់​ផង​ដែរ។ ចំណែក​មូល​ហេតុ​រួម​ចំណែក​បង្ក​ឲ្យ​មាន​បញ្ហា​នេះ​រួម​មាន៖

    – កង្វះ​អ័រម៉ូន erythropoietin ដែល​ជា​ធម្មតា ត្រូវ​បាន​បញ្ចេញ​ដោយ​តម្រង​នោម
    – ការ​ថយ​ចុះ​អាយុ​របស់​គ្រាប់​ឈាម​ក្រហម ៧០-៨០ថ្ងៃ (ធម្មតា​១២០ថ្ងៃ)
    – ការ​កើន​ឡើង ​hepcidine
    -​ ការ​បាត់បង់​ជាតិ​ដែក​ វីតាមីន B9 និងB12។ល។

    រោគ​សញ្ញា៖

    • ស្លេក​ស្លាំង​ខ្លាំង​ខុស​ពី​ធម្មតា
    • ហេវហត់ អស់​កម្លាំង
    • ឧស្សាហ៍​វិល​មុខ ឈឺ​ក្បាល
    • ហ៊ឹង​ត្រចៀក
    • ស្រវាំង​ភ្នែក
    • ញ័រ​ដើម​ទ្រូង បេះ​ដូង​លោត​ញាប់ ចុក​ទ្រូង
    • ដង្ហក់ ឆាប់​ហត់ ខុស​ធម្មតា​ជាដើម។

    បញ្ហា​កង្វះ​គ្រាប់​ឈាម​ក្រហម​នេះ​កើន​ឡើង​ស្រប​ទៅ​នឹង​សភាព​ធ្ងន់ធ្ងរ​នៃ​ការ​ខ្សោយ​តម្រង​នោម។ កង្វះ​គ្រាប់​ឈាម​ក្រហម ផ្ដល់​ផល​ប៉ះពាល់​ជា​ច្រើន​ដល់​អ្នក​ជំងឺ​ដូច​ជា ស្លេក​ស្លាំង ឆាប់​ហត់ ប៉ះពាល់​ដល់​ជីវភាព ប្រចាំ​ថ្ងៃ ពិសេស​បង្កើន​អត្រា​ស្លាប់ និង​ពិការភាព​ខ្ពស់។

    ស្លេកស្លាំង

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 17/05/2021
    ត្រួតពិនិត្យដោយ វេជ្ជ. ចាន់ ស៊ីណេត