គ្នាយើង អ្នកណាក៏ដោយ ក៏ធ្លាប់មានបញ្ហាស្ត្រេស គិតអីមិនចេញដែល នាំឲ្យជួបវិវបត្តិផ្លូវចិត្តមួយហៅថា ពិបាកផ្ទង់អារម្មណ៍ គ្រាន់តែគ្នាយើងខ្លះ ចេះតិចនិកពិសេស អាចគេចចេញពីស្ត្រេស និងបញ្ហានេះបាន អាចប្រមូលអារម្មណ៍បានល្អ ធ្វើការងារ ក៏អាចសម្រេចបានលឿនដែរ។ ហេតុនេះ គ្នាយើងឧស្សាហ៍ស្ត្រេសខ្លាំងរឿងការងារ ឬបញ្ហាអ្វីមួយ អាចសាកល្បងតិចនិកពិសេសទាំងនេះ ប្រហែលជាជួយបានច្រើនក៏ថាបាន។
តិចនិកជួយប្រមូលអារម្មណ៍បានមូល លែងឈឺក្បាល និងស្ត្រេសទៀត!
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- អ្វីជាបញ្ហាពិបាកផ្ចង់អារម្មណ៍?
បញ្ហាពិបាកផ្ទង់អារម្មណ៍ សំដៅលើការថយចុះសមត្ថភាពផ្តោតអារម្មណ៍លើអ្វីមួយរយៈពេលយូរ។ ពេលជួបបញ្ហានេះ ច្រើនមានបញ្ហាផ្សេងទៀតមកជាមួយ រួមមាន គេងមិនលក់ ឆេវឆាវ គិតច្រើនផ្តេសផ្តាស ឬលែងសូវមានការប្រុងប្រយ័ត្នជាដើម។
២- មូលហេតុនាំឲ្យពិបាកផ្ទង់អារម្មណ៍
– អស់កម្លាំង៖ យោងតាមការស្រាវជ្រាវមួយបញ្ជាក់ថា ខួរក្បាលយើងនឹងមិនអាចធ្វើការបានល្អ ឬគិតអ្វីបានសព្វជ្រុងជ្រោយឡើយ នៅពេលយើងនឿយហត់ ឬអស់កម្លាំង។ ជាក់ស្តែង ពេលយើងគេងមិនបានគ្រប់គ្រាន់ជាដើម នោះការផ្ចង់អារម្មណ៍ ក៏នឹងថយចុះដែរ ហើយមិនអាចធ្វើការងារបានល្អ ដូចសព្វដងឡើយ។
– ធ្វើការច្រើនមុខក្នុងពេលតែមួយ៖ គ្នាយើងមួយចំនួន តែងមានអំនួតលើខ្លួនឯង អាចធ្វើការបានច្រើនមុខក្នុងពេលតែមួយ យ៉ាងណា គិត ឬធ្វើបែបនេះ មិនមែនជារឿងល្អឡើយ។ យោងតាមការសិក្សាបានបញ្ជាក់ថា ធ្វើការងារច្រើនក្នុងពេលតែមួយ មិនត្រឹមតែផ្តល់ផលអវិជ្ជមានលើការងារយើងធ្វើប៉ុណ្ណោះទេ (ខ្វះការប្រុងប្រយ័ត្ន មើលមិនសព្វជ្រុងជ្រោយ) ថែមទាំងជះឥទ្ធិពលមកល្អដល់ខួរក្បាលទៀតផង។ លើសពីនេះ ពេលទូរសព្ទ ឬកុំព្យូទ័រ លោតសំឡេងផ្តល់ដំណឹងផ្សេងៗ ក៏ជាការរំខានផងដែរ។ និយាយឲ្យស្រួលស្តាប់ ធ្វើការកាន់តែច្រើនមុខក្នុងពេលតែមួយ អារម្មណ៍កាន់តែអត់មូល។
– បញ្ហាសុខភាពផ្សេងៗ៖ សុខភាពផ្លូវកាយ និងចិត្តទាក់ទងគ្នាយ៉ាងស្អិតរមួត។ យើងនឹងកាន់តែពិបាកប្រមូលអារម្មណ៍ ពេលមានជំងឺណាមួយ កំពុងព្យាបាលជំងឺ ឬមានបញ្ហាផ្លូវចិត្ត រួមទាំងជំងឺ មួយចំនួន ដូចជា ជំងឺក្រពេញទីរ៉ូអ៊ីត ជំងឺស្លេកស្លាំង ទឹកនោមផ្អែម បាក់ទឹកចិត្ត ឬថប់បារម្ភជាដើម។
អត្ថបទពាក់ព័ន្ធ៖
- ៣សំណួរ អាចជួយយើងស្វែងរកអត្ថន័យ “ជីវិត”
- ទំនាក់ទំនងរវាងទុក្ខសោក ទៅជាជំងឺបាក់ទឹកចិត្ត
៣- ដំណោះស្រាយពេលមានបញ្ហាពិបាកផ្ចង់អារម្មណ៍
បញ្ហានេះ អាចមានមូលហេតុច្រើន តែក៏មានដំណោះស្រាយពិតប្រាកដ សម្រាប់មូលហេតុនីមួយៗដូចគ្នា ដូចជា៖
– មើលតម្រាប់មិនភក្តិ ឬបងប្អូនដែលពូកែផ្ចង់អារម្មណ៍៖ ពេលយើងក្រឡេកទៅមើលកាយវិការមនុស្សជុំវិញខ្លួនកំពុងផ្ចង់អារម្មណ៍ យើងនឹងឃើញថា ពួកគេនៅស្ងៀមធ្មឹង ក្រសែភ្នែកមុតស្រួច និងដកដង្ហើមយឺតៗ។ ចំនុចទាំងនេះ អាចយកទៅប្រើដើម្បី បង្កើនការផ្ចង់អារម្មណ៍ឲ្យបានល្អ។
– កុំសូវយកចិត្តទុកដាក់នឹងបរិស្ថានជុំវិញ៖ នៅកន្លែងមនុស្សច្រើន មានសំឡេងអ៊ូអរ អាចធ្វើយើងឆាប់បែកអារម្មណ៍បាន។ហេតុនេះ គួរតែចៀសវាងកន្លែងទាំងនោះ ដើម្បីធ្វើការងារបានល្អឡើងវិញ។
– សម្រាកបន្តិច៖ គួរចេញទៅក្រៅ មើលទេសភាពជុំវិញ ដើរលេងក្នុងសួនជាដើម ដើម្បីឲ្យធូរអារម្មណ៍។ ធ្វើបែបនេះ អាចជួយយើងមានអារម្មណ៍ល្អ ងាយប្រមូលអារម្មណ៍ឡើងវិញ។
– បែងចែកការងារដែលអាទិភាព៖ គួរចាប់ផ្តើមធ្វើការងារដែលសំខាន់មុន ការងាររាយរង ទុកធ្វើតាមក្រោយ។ ឧទាហរណ៍៖ ការងារសម្រាប់ថ្ងៃនេះ ការងារសម្រាប់ថ្ងៃស្អែក និងគួរបើកមើល ឆ្លើយតបសារនៅចុងក្រោយគេ។
– កុំសូវរវល់នឹងការងារផ្សេង៖ គួរកំណត់តារាងពេលវេលាប្រចាំថ្ងៃ ក្នុងការឆ្លើយសារ និងលេងអ៊ីនធើណេត ព្រោះអាចនឹងធ្វើឲ្យយើងចេះតែបើកមើលនេះ មើលនោះ រកផ្ចង់អារម្មណ៍លើធ្វើអីមួយឲ្យប្រាកដមិនបាន។
– រើសកន្លែងធ្វើការមានបរិយាកាសសក្តិសម៖ ចល័តកន្លែងធ្វើការ ពីហាងកាហ្វេ ឬបណ្ណាល័យ ញឹកញាប់ពេក អាចធ្វើឲ្យយើងយល់ថា ប្លែកកន្លែង ចេះតែបែកអារម្មណ៍ មើលនេះមើលនោះ។ ដូចនេះ គួររកន្លែងណាខ្លួនពេញចិត្ត អាចឲ្យយើងមិនសូវបែកអារម្មណ៍។
– រកកន្លែងស្ងាត់៖ បើសិនជាយើងត្រូវធ្វើការក្នុងកន្លែងរួមគ្នា គួររកកន្លែងក្បែរធ្វើការ ជាមួយកុំព្យូទ័រជាជាងទូរសព្ទ ហើយគួរនិយាយគ្នាជាមុនពីរឿងទៅជួបភ្ញៀវ ឬមិត្តភក្តិនៅកន្លែងផ្សេង ដើម្បីកុំឲ្យរំខានការផ្តោតអារម្មណ៍។
– កំណត់ម៉ោង៖ កំណត់ម៉ោងសម្រាក និងម៉ោងធ្វើការ ដើម្បីទាញអារម្មណ៍មកធ្វើការងារវិញ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម