វិធីពន្យារកំណើតបន្ទាន់ អាចប៉ះពាល់ដល់ការមករដូវស្រីៗយើងដែរទេ?

ការលេបថ្នាំពន្យារកំណើតបន្ទាន់ឬថ្នាំ​៧២​ម៉ោង គឺជាមធ្យោបាយមួយ ពេញនិយមប្រើច្រើនសម្រាប់ដៃគូបានរួមភេទមិនបានការពារដោយវិធីណាមួយ ម្យ៉ាងវិញទៀត វិធីនេះមានភាពងាយស្រួល និងមានប្រសិទ្ធភាព ៩៥% ប្រសិនអនុវត្ដបានត្រឹមត្រូវតាមការណែរនាំ។ ក៏ប៉ុន្ដែ មានការព្រួយបារម្ភមួយបានលើកឡើងថា បើប្រើប្រាស់ថ្នាំគ្រាប់នេះ អាចប៉ះពាល់ដល់ ដំណើរការមករដូវដែរទេ?

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់គណនាថ្ងៃមេជីវិតញីទុំធ្លាក់ ចុចទីនេះ!

ជាការពិតណាស់ ដោយសារតែថ្នាំពន្យារកំណើតបន្ទាន់ ជាប្រភេទថ្នាំអ័រម៉ូនមានមុខងាររារាំងការផលិតពងអូរ៉ុល(មេជីវិតញី) ដូច្នេះការប្រើប្រាស់វិធីនេះគឺពិតជាអាចប៉ះពាល់ដល់វដ្ដរដូវប្រចាំខែពិត​មែន។ ពោលបណ្ដាលឲ្យការមករដូវអាចយឺតជាង ឬ លឿនជាងធម្មតា មិនតែប៉ុណ្ណោះ ក៏បណ្ដាលឲ្យស្ដ្រីប្រឈមការឈឺចុកចាប់ខ្លាំងក្នុងកំលុងមករដូវ។ សូម្បីតែ អង្គការសុខភាពពិភពលោក ក៏បានលើកឡើងអំពីផលរំខាននេះផងដែរ។

ការសិក្សាមួយធ្វើឡើងមានអ្នកចូលរួមចំនួន៥៤៤នាក់ បានបង្ហាញលទ្ធផលថា ការប្រើប្រាស់វិធីពន្យារកំណើតបន្ទាន់អាចបណ្ដាលឲ្យអ្នកប្រើប្រាស់ប្រឈមការមករដូវលឿនជាងធម្មតា ៦៩% និងយូរជាងធម្មតា ២១% ។

• ជំងឺគីសស្រទាប់រដូវក្រពេញអូវ៉ែ បង្ក​ការ​ឈឺ​ចាប់​ ៥ ​យ៉ាង​នេះ​
• ជំងឺ​ដុំ​គីស​ទឹក​លើ​ក្រពេញ​អូវែ អាចជា​បញ្ហាធ្វើឲ្យ​ស្រីៗគ្មានកូន
• ចេញ​សញ្ញា​ទាំង​នេះ អាច​ថា​​មាន​ដុំ​គីស​ក្រពេញ​​អូវែ​
• ៥ ចំណុចទាក់ទងនឹងដុំសាច់ក្នុងស្បូន ស្រីៗគួរដឹង
• បើមានដុំសាច់ក្នុងស្បូន អាចជាដោយការញុំាថ្នាំឬទេ?
• មូលហេតុទាំងនេះហើយ ធ្វើឲ្យស្រីៗប្រឈមបញ្ហារលាកទ្វារមាស

តើពេលណាទើបវដ្ដរដូវអាចវិលត្រលប់មកធម្មតាវិញ?

វដ្ដរដូវអាចត្រលប់មកធម្មតាវិញនៅខែក្រោយពេលដែល យើងមិនបានបន្ដប្រើប្រាស់វិធីមួយនេះ។ ប៉ុន្ដែករណីខ្លះ ក៏អាស្រ័យលើសុខភាពជាក់ស្ដែង ដូចជា ការគិតច្រើន កើតស្ដ្រេស គេងមិនបានគ្រប់គ្រាន់ កត្ដាទាំងនេះក៏ជាហេតុធ្វើឲ្យវដ្ដរដូវប្រែប្រួលបានដែរ។ បន្ថែមពីនេះ ការមករដូវមិនទៀងទាត់ក៏អាចបណ្ដាមកពីសុខភាពមានបញ្ហារោគស្ដ្រី ក៏អាចប៉ះពាល់ដល់ការមករដូវ។

មួយវិញទៀត ជាចំណុចគួរចាប់អារម្មណ៍ ប្រសិនបើការមករដូវ មានលក្ខណៈយូរឈាន​ជាង​ការរំពឹង​ទុក​ដល់ ៣សប្ដាហ៍ មិនទាន់ឃើញមកទៀតនោះ គួរប្រញាប់ធ្វើតេស្ដទឹកនោមរកមើលថាតើអាចមានផ្ទៃពោះដែរឬទេ។ ថ្វីដ្បិតការមកវដ្ដរដូវមានការយឺតយ៉ាវមែន ប៉ុន្ដែមិនអាចលើសពី ៣សប្ដាហ៍នោះទេ។