backup og meta

ដៃគូគួរផ្ដល់ក្ដីសុខឲ្យគ្នាប៉ុន្មានដងក្នុង១សប្ដាហ៍?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ អឿ អ៊ុយ · កែ Jun 26, 2023

    ដៃគូគួរផ្ដល់ក្ដីសុខឲ្យគ្នាប៉ុន្មានដងក្នុង១សប្ដាហ៍?

    គិតទៅដល់ទំនាក់ទំនងផ្លូវភេទ ដៃគូនីមួយៗមិនអាចកំណត់ពីចំនួនពេលវេលានៅជាមួយគ្នា ឲ្យបានច្បាស់លាស់នោះទេ ហើយក៏មិនជាថ្វីនោះដែរប្រសិនជាដៃគូនៅជាមួយគ្នាញឹក អាចបីដងក្នុងមួយសប្ដាហ៍ ឬមិនសូវញឹកពេកអាច២សប្ដាហ៍ម្ដងក៏បាន។ ជាក់ស្ដែងអាស្រ័យលើការប្រែប្រួល នៃចំណូលចិត្ដដៃគូប៉ុណ្ណោះ។ យោងតាមការស្រាវជ្រាវរបស់សាកវិទ្យាល័យ Havard បានបង្ហាញថា ដៃគូដែលមានចំណង់រួមភេទញឹកញាប់ បង្ហាញពីភាពស្និទ្ធិស្នាល ភាពរីករាយកាន់តែខ្លាំង។

    ការបំពេញតម្រូវការ និងចំណង់ឲ្យគ្នាទៅវិញទៅមកទើបជារឿងចាំបាច់សម្រាប់ចំណងស្នេហ៍​រវាងដៃគូ។ ការកើតឡើងចំណង់​ដៃគូខ្លះគឺមិនដូចគ្នានោះទេ អាស្រ័យទៅលើជីវភាពរស់នៅ លក្ខខណ្ឌសុខភាព និងវ័យជាដើម។ ដៃគូខ្លះអាចជ្រើសរើសការរួមភេទ យ៉ាងហោច២ទៅ៣ដង ឬលើសពីនោះក្នុងមួយសប្ដាហ៍ ខ្លះ​ទៀត​ម្ដង​ក្នុងមួយសប្ដាហ៍ និងខ្លះទៀតអាច១ទៅ២ដងក្នុងមួយខែក៏មាន។

    បើយោងតាមការណែរនាំរបស់អ្នកស្រីវេជ្ជបណ្ឌិត Peter Kanaris ផ្នែកសុខភាពផ្លូវភេទនៅទីក្រុងញូវយ៉កមានប្រសាន៍ថា ជាមធ្យមដៃគូមានវ័យចន្លោះពី២០ទៅ២៩ឆ្នាំគួរតែមានពេលរួមភេទ ម្ដងទៅ ២ដងក្នុងមួយសប្ដាហ៍ទើបជាការល្អ។ ការជ្រើសរើសវិធីបែបនេះ គឺមានប្រយោជន៍ទាំងសុខភាពដៃគូស្នេហា និង សុខភាពរាងកាយ។ បុរសៗដែលជ្រើសរើសការរួមភេទច្រើនពេកវាមិនអាចបង្កការឈឺចាប់អ្វីនោះទេ គ្រាន់តែអាចប្រឈមនឹងការថយចុះថាមពល និង ចុះខ្សោយគុណភាពមេជីវិតប៉ុណ្ណោះ។ ថ្វីដ្បិតការរួមភេទ​ច្រើនដង ក្នុងមួយសប្ដាហ៍ អាចសម្រួលដល់ស្មារតី កាត់បន្ថយស្ដ្រេស និងបង្កើនអារម្មណ៍រីករាយមែន ប៉ុន្ដែក៏មិនអាចឈានដល់កម្រិត ចន្លោះពី១២ ទៅ១៤ដង ក្នុងមួយសប្ដាហ៍នោះដែរ។

    រួមភេទ

    ក្នុងពេលវេលាពិសេស ដៃគូដើរតួសំខាន់ជាងគេ​គឺភាគីខាងប្រុស ដែល​ត្រូវប្រើប្រាស់ថាមពលច្រើនជាងខាងស្រី រាប់ពីចំណុចចាប់ផ្ដើមរហូតដល់បញ្ចប់។ ដូច្នេះការផ្ដល់ពេលវេលាយ៉ាងហោចសម្រាប់ដៃគូ ដែលបុរសអាចធ្វើបាន អាច១ ទៅ ២ដង​ក្នុងមួយសប្ដាហ៍គឺការល្អបំផុត។ ប៉ុន្ដែក្នុងលក្ខខណ្ឌ ឆ្លើយតបទៅតាមត្រូវការចំណង់ខ្លះ បុរសៗមាន​ស្មារតីរឹងមាំ មានថាមពេញលេញ គាត់ក៏អាចផ្ដល់ឲ្យបានលើសពីនេះ។

    ដូចគ្នានឹងការសិក្សាមួយធ្វើឡើងនៅសាកលវិទ្យាល័យ Toronto ប្រទេសកាណាដា បានរកឃើញថា ត្រឹមតែការរួម​ភេទ ម្ដង​ក្នុងមួយសប្តាហ៍ គឺបានធ្វើឱ្យជីវិតគូមានពេលវេលាផ្អែមល្ហែម និងចំណងក្តីស្នេហាកាន់តែរឹងមាំ។ ដោយ​​ឡែកបន្ថែមពីនោះ លទ្ធផលស្រាវជ្រាវ ក៏បានរកឃើញទៀតថា ពេលវេលាឡើងឋានសួគ៌ច្រើនជាង ម្ដង​ក្នុងមួយ​សប្តាហ៍ ក៏ពុំបានប៉ះពាល់ទៅដល់ចំណងស្នេហាដៃគូនោះដែរ ប្រសិនដៃគូមានពេលវេលា និង​ចំណង់ដូចគ្នា។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ អឿ អ៊ុយ · កែ Jun 26, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម