backup og meta
មាតិកា
ឧបករណ៍សុខភាព
រក្សាទុក

សំណួរដែលសួរច្រើនបំផុត! បើចង់​​​បាន​​​កូន គួររួម​​​ភេទ​​​ពេល​​​ណា​​​​​​​​​ល្អ​​​?

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Sao Solynet · កែ Sep 14, 2023

សំណួរដែលសួរច្រើនបំផុត! បើចង់​​​បាន​​​កូន គួររួម​​​ភេទ​​​ពេល​​​ណា​​​​​​​​​ល្អ​​​?

ក្រោយថ្ងៃមង្គល រឿងបន្ទាប់ដែលត្រូវពិភាក្សាគ្នា គឺផែនការគ្រួសារ ជាពិសេសរឿងយកកូន។ អ្នកខ្លះ ការភ្លាម បានកូនភ្លែត។ ខ្លះការរាប់ឆ្នាំហើយ នៅតែអត់កូនទៀត ទោះចង់បានខ្លាំងប៉ុនណាក៏ដោយ។ ក្រៅពីមានដោយចៃដន្យ បើចង់បានកូន គេមានបច្ចេកទេសដូចជា ពេលណាល្អបំផុតដែលរួមភេទទៅ មានឱកាសមានកូនខ្ពស់។

១- រួមភេទពេលណាល្អ?

គឺមុនអូវុលរបស់ស្រីៗផ្ទុះបែក ព្រោះមេជីវិតស្រីៗអាចរស់បានតែ ១ ថ្ងៃប៉ុណ្ណោះ ខណៈមេជីវិតបុរស អាចរស់នៅបាន ៣-៥ ថ្ងៃ។ បង្កើនលទ្ធភាព និងឱកាសមានកូនបាន គឺគួររួមភេទ មុន “អូវុល” ផ្ទុះ ដើម្បីឲ្យមេជីវិតញី-មេជីវិតឈ្មោលជួបគ្នាបង្កកំណើត។ បើមេជីវិតទាំងពីរអត់ជួបគ្នាទេ ព្យាយាមរួមភេទយ៉ាងណា ក៏មិនអាចបង្កកំណើតបានដែរ។

គណនា​ទម្ងន់ស្ត្រីពពោះ ចុចទីនេះ

រឿងដែលពិបាកបំផុត គឺកំណត់ ឬដឹងច្បាស់ពីពេលវេលាអូវុលផ្ទុះបែក។ ប៉ុន្តែយើងអាចកំណត់ថ្ងៃ ឬចំណាំលើប្រតិទិនបាន។ ជាទូទៅ ស្រីៗមានវដ្ដរដូវ ២៨ ថ្ងៃ ហើយការផ្ទុះបែកអូវុល គឺនៅពាក់កណ្ដាលនៃវដ្ដរដូវ ឬមុន ២ អាទិត្យ មុនពេលវដ្ដរដូវថ្មីចាប់ផ្ដើម។ ផ្ទុយទៅវិញ បើស្រីៗមានវដ្ដរដូវ ៣៥ ថ្ងៃវិញ ថ្ងៃដែលផ្ទុះបែកអូវុលភាគច្រើន កើតឡើងនៅអាទិត្យទី ៣ នៃរដូវ មិនមែនពាក់កណ្ដាលនៅថ្ងៃទី ១៧ នៃវដ្ដរដូវទេ។

គួរស្វែងយល់បន្ថែមពី

  • មេជីវិតញី និងឈ្មោល ជួបគ្នាដោយវិធីណា?
  • ក្រោយ​ពេល​រួមភេទ មេជីវិតឈ្មោល​ធ្វើម៉េចអាចបង្កកំណើតបាន?
  • អាថ៌កំបាំង​ទាំង ៥ ពាក់​ព័ន្ធ​មេជីវិត​ឈ្មោល ប្រុសៗ​ភាគ​ច្រើន​អត់​ដឹង
  • រួមភេទ _ តារាងមេជីវិតញីធ្លាក់
    វដ្ដរដូវ ២៨ ថ្ងៃ

    ២- ធ្វើម៉េចដឹងថាអូវុលផ្ទុះបែក?

    ទាល់តែយកចិត្តទុកដាក់មែនទែន ទើបដឹង។ ជាធម្មតា យ៉ាងហោចណាស់ ស្រីៗគួរអង្កេតលើវដ្ដរដូវ ២ ខែជាប់គ្នា។ ខាងក្រោមនេះ ជាសញ្ញាមួយចំនួនដែលអាចកើតឡើង អំឡុងអូវុលផ្ទុះបែក៖

    – មានទឹករំអិលពណ៌សអន្ធិលៗហូរចេញពីទ្វារមាសច្រើនជាងធម្មតា

    – កម្ដៅ​ខ្លួនឡើងបន្តិច។ ការតាមដានកម្ដៅក្នុងខ្លួន ២-៣ ខែជាប់គ្នា អាចងាយស្រួលនឹងស្វែងរកថ្ងៃដែលអូវុលផ្ទុះបែក។

    រួមភេទ

    ៣- រដូវអត់ទៀង ពិបាកមានកូន?

    បញ្ហាសុខភាព អារម្មណ៍តានតឹង តប់ប្រមល់ មានសម្ពាធ ហាត់ប្រាណធ្ងន់ៗ គីឡូឡើងស្រកខ្លាំង សុទ្ធតែអាចប៉ះពាល់ដល់វដ្តរដូវរបស់ស្រីៗ។ វដ្តរដូវមិនទៀង ការកំណត់ថ្ងៃផ្ទុះបែករបស់អូវុលកាន់តែពិបាក។ រពិត ករណីរដូវមិនទៀង គេមានរូបមន្តគណនាថ្ងៃលទ្ធភាពមានកូន។ ឧទាហរណ៍ថា៖

    – ខែទី១ វដ្ដរដូវមាន ២៨ ថ្ងៃ

    – ខែទី២ វដ្ដរដូវមាន ២១ ថ្ងៃ

    – ខែទី៣ វដ្ដរដូវមាន ៣២ ថ្ងៃ

    អ៊ីចឹង ដើម្បីកំណត់ថ្ងៃលទ្ធភាពអាចមានកូន ពេលរួមភេទ គឺគេយកវដ្ដរដូវខ្លីបំផុត ដក ១៧ ចេញ និងវដ្ដរដូវវែងបំផុត ដក ១១ ចេញ។ ថ្ងៃដែលនៅសល់ចន្លោះនោះ គឺជាថ្ងៃដែលមានលទ្ធភាពមានកូន។

    ក្នុងករណីរដូវមកមិនទៀង ឬបាត់លើសពី ៣៥ ថ្ងៃ កុំនៅដំអក់ ប្រញាប់ទៅជួបពេទ្យឯកទេសរោគស្ត្រីព្យាបាល ដើម្បីពិនិត្យ​រកមូលហេតុពាក់ព័ន្ធនឹងការរាំងរដូវ ដូចជា ជំងឺគីសទឹកក្នុងអូវែ (PCOS) ការស្រកគីឡូខ្លាំងពេក ជំងឺក្រពេញទីរ៉ូអ៊ីត ឬក៏កើនឡើងរបស់អ័រម៉ូនប្រូឡាក់ទីនក្នុងឈាម ជាដើម។

    អត្ថបទគួរអាន៖

    ៤- ប្រើក្បាច់ស្រី

    បើខ្ជិលរាប់ថ្ងៃ ឬអង្កេតតាមដានវដ្តរដូវ អ្វីដែលគួរធ្វើ គឺប៉ូវកម្លាំង ធ្វើម៉េចព្យាយាមរួមភេទយ៉ាងហោចណាស់ ២ ទៅ ៣ ដងរៀងរាល់សប្ដាហ៍។

    ចំណុចសំខាន់

    គួររួមភេទមុនអូវុលរបស់ស្រីៗផ្ទុះបែក ព្រោះមេជីវិតស្រីៗអាចរស់បានតែ ១ ថ្ងៃប៉ុណ្ណោះ ខណៈមេជីវិតបុរស អាចរស់នៅបាន ៣-៥ ថ្ងៃ។ បង្កើនលទ្ធភាព និងឱកាសមានកូនបាន គឺគួររួមភេទ មុន “អូវុល” ផ្ទុះ ដើម្បីឲ្យមេជីវិតញី-ឈ្មោលជួបគ្នាបង្កកំណើត។ បើមេជីវិតទាំងពីរអត់ជួបគ្នាទេ ព្យាយាមរួមភេទយ៉ាងណា ក៏មិនអាចបង្កកំណើតបានដែរ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Sao Solynet · កែ Sep 14, 2023

    ad iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    ad iconផ្សព្វផ្សាយពាណិជ្ជកម្ម
    ad iconផ្សព្វផ្សាយពាណិជ្ជកម្ម