ពពែឆ្កែគឺជាជំងឺមួយប្រភេទស្ដែងឡើងដោយមានពកក្រហមអាចមានខ្ទុះលើត្របកភ្នែកខាងលើ ឬខាងក្រោម។ មូលហេតុដែលកើតជំងឺនេះគឺ មកពីការរលាកក្រពេញ មីបូមាន ដោយសារបាក់តេរី ឬវីរុស។ វាអាចកើតមានចន្លោះពី ១ ទៅ ២សប្ដាហ៍ ក្នុងករណីស្រាល តែករណីធ្ងន់អាចឈានដល់រាប់ ១ខែ។ ជំងឺនេះអាចជាសះស្បើយដោយខ្លួនឯង គ្រាន់តែចំណាយពេលយូរ តែជាការល្អគួរទៅជួបគ្រូពេទ្យភ្នែក ហើយក្រៅពីនេះយើងក៏មានវិធីនៅផ្ទះមួយចំនួនដែរ។
វិធីមួយចំនួនអាចព្យាបាលពពែឆ្កែនៅផ្ទះបានដោយខ្លួនឯង
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនារង្វាស់ចង្វាក់បេះដូង ចុចទីនេះ!
១.ស្អំកម្ដៅ
វិធីស្អំកម្ដៅគឺយើងត្រូវយកក្រណាត់ស្អាត ឬកូនកន្សែងដៃ មកជ្រលក់ក្នុងទឹកក្ដៅឧណ្ហៗ ពូតឲ្យស្ងួតបន្ដិច រួចស្អំនៅលើកន្លែង ដែលកកើតពពែឆ្កែនោះរយៈពេលម្ដង ១៥នាទី ត្រូវអនុវត្ដបែបនេះ ឲ្យបាន៣ដងក្នុងមួយថ្ងៃ ព្រឹក ថ្ងៃ និងល្ងាច។ ធ្វើបែបនេះដើម្បីឲ្យក្រពេញខ្លាញ់បើកចំហរ ដំណើរការធម្មតាឡើងវិញ។
២.ម៉ាស្សាត្របកភ្នែក
ការម៉ាស្សាមិនត្រឹមតែជាវិធីព្យាបាលប៉ុណ្ណោះទេ តែក៏ជួយអ្នកជំងឺកាត់បន្ថយការរមាស់ផងដែរ។ តួយ៉ាងអ្នកជំងឺពពែឆ្កែនឹងមានការមាស់តិចៗនៅត្រង់បរិវេណត្របកភ្នែក ដូច្នេះយើងអាចម៉ាស្សាថ្មមៗ នៅត្រង់បរិវេណនោះចន្លោះពី ៣ ទៅ ៤នាទី។ ការម៉ាស្សាអាចធ្វើ៣ដងក្នុងមួយថ្ងៃ ធ្វើបែបនេះដើម្បីឲ្យក្រពេញខ្លាញ់បើកចំហរ ដំណើរការធម្មតាឡើងវិញ។
៣.កុំពាក់លែន
ក្នុងអំឡុងពេលកើតពពែឆ្កែ មិនត្រូវពាក់លែនភ្នែកនោះទេ ត្រូវរក្សាអនាម័យឲ្យបានល្អ ទាំងត្របកភ្នែក និង គ្រាប់ភ្នែក។
៤.បិទប្រទាលកន្ទុយក្រពើ
យើងអាចយកប្រទាលកន្ទុយក្រពើ ដោយចៀរយកសាច់ មកបិទនៅកន្លែងដែលកើតពពែឆ្កែទុករយៈពេលយ៉ាងហោច១៥នាទី រួចចាំទៅលាងសម្អាតចេញ។ ប្រទាលកន្ទុយក្រពើមានសមត្ថភាព អាចកម្ចាត់មេរោគ ព្យាបាលការរលាក និង ជំរុញឲ្យការព្យាបាលកាន់តែមានប្រសិទ្ធភាព។
៥.កាកតែបៃតង
កាកតែបៃតង បន្ទាប់ពីយើងឆុងក្នុងទឹកក្ដៅហើយ ក៏អាចយកស្អំនៅកន្លែងដែលកើតពពែឆ្កែបានដែរ។ មិនសូវខុសគ្នានឹងវិធីទី១ដែលយើងប្រើក្រណាត់ ជ្រលក់ទឹកក្ដៅស្អំនោះទេ។ សាកអនុវត្ដវិធីនេះបាន ៥ ទៅ ១០នាទីក្នុងមួយដង និង ៣ដងក្នុងមួយថ្ងៃ នឹងជួយឲ្យឆាប់ជាសះស្បើយ។
អត្ថបទគួរអាន៖
- មីញ៉ូបជិត និងមីញ៉ូបឆ្ងាយ ខុសគ្នា ឬដូចគ្នាបែបណា?
- ជួបបញ្ហាបែងចែកពណ៌មិនដាច់ អាចមានជំងឺខ្វាក់ពណ៌
- រមាស់ភ្នែក ក្រហមភ្នែក ជាអាលែកហ្ស៊ី ឬឈឺភ្នែក?
- បើមានអាការៈក្ដៅផ្សាក្នុងភ្នែក គួរដោះស្រាយបែបណា?
- ប្រយ័ត្ន! ភ្នែកឡើងបាយ មកពីមូលហេតុប៉ុន្មាននេះ ហើយអាចធ្វើឲ្យងងឹត
- ជំងឺរលាកត្របកភ្នែកបង្កឡើងដោយសារអ្វី? គ្រោះថ្នាក់អត់?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម