តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ទាំងនេះ ជាតិចនិក​ដោះស្រាយ​អាការៈ​ចង់ញុំាច្រើន​មុន​មក​រដូវ

    ទាំងនេះ ជាតិចនិក​ដោះស្រាយ​អាការៈ​ចង់ញុំាច្រើន​មុន​មក​រដូវ

    អាការៈ​ចង់ញុំាច្រើន​មុន​មក​រដូវបណ្តាលមកពីការប្រែប្រួលអ័រម៉ូន ដែលជាហេតុអាចធ្វើឱ្យយើងឡើងគីឡូ។ អ៊ឹចឹងយើងគួរ​ដោះស្រាយ​បែបណាដើម្បី​រក្សាទម្ងន់?

    លោកស្រីវេជ្ជបណ្ឌិត Clare Ballingall ឯកទេសរោគទូទៅ និងជាប្រធាន​​មហាវិទ្យាល័យ​វេជ្ជសាស្រ្ត RACGP Tasmania នៅប្រទេសអូស្រ្តាលី​បានលើក​ឡើង​ថា មុនមករដូវអ័រម៉ូនអឹស្ត្រូសែន និង ប្រូហ្សេស្តេរ៉ូនកើនឡើង បន្ទាប់មកធ្លាក់ចុះដែល​ជាហេតុធ្វើឱ្យស្រីៗយើងចង់ញុំាអាហារច្រើន។

    ម្យ៉ាងទៀតការប្រែប្រួលអ័រម៉ូនមុនមករដូវធ្វើឱ្យកម្រិតជាតិស្ករក្នុង​ឈាម​ប្រែប្រួលក៏បណ្តាលឱ្យយើងចង់ញុំាអាហារច្រើនដែរ។ខាងក្រោមនេះជាតិចនិកមួយចំនួនដែលអាចគ្រប់គ្រងអាការៈចង់ញុំាច្រើនក្នុងអំឡុងពេលមុនមករដូវ កុំឱ្យយើងឡើងគីឡូ៖​

    ១. ញុំាកាបូអ៊ីដ្រាតល្អ

    យើងគួរញ៉ាំអាហារសម្បូរជាតិសរសៃដូចជា គ្រាប់ធញ្ញជាតិ អង្ករសម្រូប សណ្តែក និង​ដំឡូងជ្វាជាដើម​ដើម្បីរក្សាលំនឹងជាតិស្ករក្នុងឈាម កាត់បន្ថយការប្រែប្រួលអារម្មណ៍ និង​អាការៈឃ្លានអាហារ។

    ២. ញុំាអាហារសម្រន់

    ប្រសិនឃ្លាន យើងអាចញុំាអាហារសម្រន់ដែលល្អចំពោះសុខភាពដូចជា ផ្លែឈើ គ្រាប់​ផ្លែឈើ ឬដំឡូងជ្វា កុំបណ្តាលឱ្យឃ្លានជ្រុល ព្រោះអាច​នឹង​បណ្តាល​ឱ្យយើង​ញុំា​អាហារកាន់តែច្រើន។

    ៣. ហាត់ប្រាណ

    ការហាត់ប្រាណដូចជា ការដើរ ការហាត់យ៉ូហ្កា​ជាដើមអាចជួយកាត់បន្ថយ​​ភាព​តានតឹង​​ដែលបណ្តាលឱ្យយើងចង់ញុំាអាហារច្រើន។

    ចង់គណនា BMI ចុចទីនេះ!

    ហាត់ប្រាណ

    ៤. ញុំាអាហារសម្បូរកាល់ស្យូម

    យើងគួរញ៉ាំអាហារសម្បូរជាតិកាល់ស្យូមដូចជា បន្លែស្លឹកបៃតង កូនត្រីល្អិតៗ និង​ផលិតផលធ្វើ​ពី​​ទឹកដោះ។ តាមការសិក្សាបានឱ្យដឹងថា កាល់ស្យូមអាចជួយបង្កើនអ័រម៉ូន serotonin (អ័រម៉ូនធ្វើឱ្យយើងមានអារម្មណ៍ល្អ) និងអាចកាត់បន្ថយការឃ្លាន ហើមពោះ និងរមួលក្រពើ។

    ៤. ញុំាអាហារសម្បូរម៉ាញេស្យូម

    ម៉ាញេស្យូមមាននៅក្នុងបន្លែស្លឹកបៃតង គ្រាប់ធញ្ញជាតិ និង​គ្រាប់ផ្លែឈើ​ជា​ដើម​។ ម៉ាញេស្យូម​អាចជួយកាត់បន្ថយការចាល់ជាតិទឹកក្នុងខ្លួន ហើមពោះ ឈឺសុដន់ និង​ធ្វើ​ឱ្យ​យើងមានអារម្មណ៍ល្អ។

    ៥. ញុំាអាហារសម្បូរអាស៊ីដខ្លាញ់អូមេហ្គា ៣

    អាស៊ីដខ្លាញ់អូមេហ្គា ៣ អាចជួយគ្រប់គ្រងអារម្មណ៍របស់យើង កាត់បន្ថយ​ការរលាក និងជួយទប់ស្កាត់ការឃ្លាន។ អាស៊ីដខ្លាញ់អូមេហ្គា ៣ មាននៅក្នុងអាហារដូចជា គ្រាប់​ផ្លែឈើ ប្រេងអូលីវ និង​ត្រីសាល់ម៉ុនជាដើម​។

    ៦. ហាលថ្ងៃ

    យើងគួរហាលថ្ងៃនៅ​ចន្លោះម៉ោង ៧ ដល់ ម៉ោង ៩ ព្រឹក ព្រោះពន្លឺព្រះអាទិត្យ​អាច​ជួយ​រាងកាយ​យើងផលិតអ័រម៉ូន serotonin ដែលធ្វើឱ្យយើងមានអារម្មណ៍ល្អ និងកាត់បន្ថយ​អាការៈចង់ញុំាច្រើន។

    អាការៈចង់ញុំាច្រើនមុនមករដូវងាយធ្វើឱ្យយើងធាត់ណាស់ ដូច្នេះយើងគួរចៀសវាង​អាហារ​មានជាតិខ្លាញ់ ស្ករ និងអំបិលខ្ពស់។ លើសពីនេះទៅ​ទៀត យើងគួរញុំាទឹក បន្លែ ផ្លែឈើ គ្រាប់ធញ្ញជាតិ និងគ្រាប់ផ្លែឈើឱ្យបានច្រើន និងចៀសវាង​ញុំាអាហារ​កែច្នៃច្រើន​។

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    រយៈពេល​វដ្ដរដូវ

    (ថ្ងៃ)

    28

    វដ្ដរដូវ

    (ថ្ងៃ)

    7

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Here’s Why Your PMS Cravings Are Totally Okay, According to Science
    https://www.sciencealert.com/here-s-the-science-behind-those-pms-food-cravings

    Five Tips for Coping with PMS Cravings
    https://share.upmc.com/2014/11/five-tips-coping-pms-cravings/

    How To Stop Food Cravings, Emotional Eating And Weight-Gain During PMS And Menstruation
    https://laurahoussain.com/control-cravings-weight-gain-pms-periods/

    How To Deal With Period Cravings
    https://www.huffpost.com/entry/how-to-deal-with-period-cravings_n_61087602e4b0999d2084f3bd

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 27/12/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: