រោគសញ្ញាមុនមករដូវមួយចំនួនដូចរោគសញ្ញាមានផ្ទៃពោះដំបូងអ៊ឹចឹង ដែលធ្វើស្រីៗយើងដែលមានគ្រួសារហើយច្រឡំ ឬសង្ស័យថាមានផ្ទៃពោះ។ តើអាការៈមុនមករដូវ និងមានផ្ទៃពោះដំបូងដូចគ្នានិងខុសគ្នាដូចម្តេចខ្លះ?
អាការៈមុនមករដូវ អាចច្រឡំនឹងអាការៈមានផ្ទៃពោះដំបូង?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មុនពេលមករដូវ ២ សប្តាហ៍រាងកាយរបស់យើងផលិតអ័រម៉ូនប្រូហ្សេស្តេរ៉ូន (progesterone) ដែលជាអ័រម៉ូនសំខាន់សម្រាប់ទ្រទ្រង់ការមានគភ៌ដំបូង។
កម្រិតអ័រម៉ូននេះនឹងកើនខ្ពស់ក្នុងអំឡុងពេល ១សប្តាហ៍បន្ទាប់ ទោះបីជាយើងមិនមានផ្ទៃពោះក៏ដោយ។ ការកើនឡើងនៃកម្រិតអ័រម៉ូននេះអាចបណ្តាលឱ្យយើងមានការផ្លាស់ប្តូរទាំងផ្លូវកាយ និងផ្លូវចិត្ត ដែលជារោគសញ្ញាមុនមករដូវ។
ប្រសិនបើយើងមានផ្ទៃពោះ រោគសញ្ញានៃការមានផ្ទៃពោះអាចលេចឡើងមុនពេលយើងបាត់រដូវចាប់ពី ១សប្តាហ៍ទៅ ១០ថ្ងៃ ពោលគឺនៅសប្តាហ៍ទី ១ នៃការបង្កកំណើតតែម្តង។
ចង់គណនាថ្ងៃមេជីវិតញីទុំធ្លាក់ ចុចទីនេះ!
អាការៈមុនមករដូវ និងមានផ្ទៃពោះដំបូងអាចមានលក្ខណៈស្រដៀងគ្នាដូចខាងក្រោម៖
ភាពខុសគ្នា
- ការធ្លាក់ឈាមពេលមករដូវខុសពីការធ្លាក់ឈាមពេលមានផ្ទៃពោះដំបូង។ ការធ្លាក់ឈាមពេលមានផ្ទៃពោះដំបូងកើតឡើងដោយសារស៊ុតបង្កកំណើតភ្ជាប់ខ្លួននឹងជញ្ជាំងស្បូន (ស៊ុតកាច់សម្បុក) ហើយកើតឡើងនៅចន្លោះពេលនៃការមករដូវដែលធ្វើឱ្យយើងច្រឡំថាមករដូវ។ ប៉ុន្តែការធ្លាក់ឈាមនេះមិនសូវច្រើន និងមិនយូរដូចការធ្លាក់ឈាមពេលមករដូវទេ ហើយមានពណ៌ស្រាលជាង ឬមានពណ៌ត្នោត។
- ការរមួលក្រពើមុនពេលមុនមករដូវមានសភាពធ្ងន់ជាងពេលមានផ្ទៃពោះដំបូង។
- អាកាៈចង្អោរ និងក្អួតច្រើនកើតមានក្នុងពេលមានផ្ទៃពោះដំបូង។
- ចុងសុដន់ ឬតំបន់ជុំវិញក្បាលសុដន់ឡើងពណ៌ខ្មៅគឺជាសញ្ញានៃការមានផ្ទៃពោះដំបូង។
អាការៈមុនមករដូវ និងការមានផ្ទៃពោះដំបូងមានលក្ខណៈដូចគ្នាច្រើន ជាពិសេសការធ្លាក់ឈាមពេលស៊ុតកាច់សម្បុកដែលធ្វើឱ្យយើងច្រឡំថាមករដូវ។ វិធីសាស្រ្តល្អបំផុតក្នុងការបំបាត់មន្ទិលសង្ស័យគឺការធ្វើតេស្តទឹកនោមពិនិត្យផ្ទៃពោះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម