តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ហេតុអ្វីស្រីៗខ្លះ មានគីសលើក្រពេញអូវែ? នេះជាមូលហេតុគួរដឹង

ហេតុអ្វីស្រីៗខ្លះ មានគីសលើក្រពេញអូវែ? នេះជាមូលហេតុគួរដឹង

​​គីស​​នៅ​លើ​ក្រពេញ​អូវែ​ជា​ថង់​ទឹក​ ដែល​លូតលាស់​នៅ​​ខាង​ក្នុង​ ឬ​នៅ​លើ​អូវែ​។ ជា​ទូទៅ មាន​ស្ត្រី​ជា​ច្រើន​ជួប​ប្រទះ​បញ្ហា​គីស​ក្នុង​ក្រពេញ​អូវែ​​នៅ​ពេល​ណា​មួយ​ក្នុង​មួយ​ជីវិត​របស់​ខ្លួន​។ ពិត​ណាស់​ ស្ត្រី​យើង​ភាគ​ច្រើន​ មិន​បាន​ដឹង​​ថា​ខ្លួន​​មាន​គីស​នោះ​ទេ​ ពីព្រោះ​គីស​អាច​ជា​សះស្បើយ​ដោយ​ខ្លួន​ឯង​។ ប៉ុន្តែ​ ក្នុង​ករណី​ខ្លះ គីស​ក៏​អាច​បង្ក​ឲ្យ​មាន​ការ​ឈឺចាប់​ ​ជា​ពិសេស​នៅ​ពេល​ដែល​​វា​បែក​ធ្លាយ​​។

គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

រោគសញ្ញា​នៃ​គីស​ក្រពេញ​អូវែ

ជាក់ស្ដែង ដុំ​គីស​ជា​ច្រើន​មិន​បង្ក​ជា​គ្រោះថ្នាក់​ ឬ​រោគសញ្ញា​ណា​មួយ​ឡើយ។ ប៉ុន្តែ​ចំពោះ​ដុំ​គីស​ដែល​មាន​ទំហំ​ធំ អាច​បណ្ដាល​ឲ្យ​មាន​រោគសញ្ញា​ដូច​ខាង​ក្រោម​៖

Verifying...
  • ​​​ឈឺ​អាង​ត្រគាក
  • ការ​ធ្លាក់​ឈាម​តាម​ទ្វារ​មាស​មិន​ប្រក្រតី​
  • ឈឺចាប់​ពេល​មក​រដូវ​
  • ឈឺចាប់​​អំឡុង​ពេល​រួម​ភេទ​
  • នោម​ញឹកញាប់​ជាង​ធម្មតា​
  • មិន​អាច​បញ្ចេញ​ទឹក​នោម​ឲ្យ​អស់​ពី​ប្លោក​នោម​
  • ស្រក​ទម្ងន់​
  • ឈឺចាប់​នៅ​ភ្លៅ ឬ​ខ្នង​ផ្នែក​ខាង​ក្រោម

មូលហេតុ​បង្ក​នៃ​គីស​លើ​ក្រពេញ​អូវែ

១. អ័រម៉ូន​មិន​ទៀងទាត់​

មិន​ថា​បញ្ហា​អ័រម៉ូន​​​មិន​ទៀងទាត់​​កើត​ឡើង​​តាម​ធម្មជាតិ​​ ឬ​បណ្ដាល​មក​ពី​ការ​ប្រើ​ថ្នាំ​​ជួយ​ឲ្យ​មាន​កូន​​ក៏​ដោយ​ វា​​អាច​​​បង្ក​ឲ្យ​មាន​គីស​លើ​ក្រពេញ​អូវែ​បាន​។

អត្ថបទគួរអាន៖

២. ពពោះ

ជា​ធម្មតា គីស​លើ​ក្រពេញ​អូវែ​វិវត្ត​​នៅ​ពេល​ដែល​យើង​ជិត​ចាប់ផ្ដើម​​មាន​ផ្ទៃពោះ ដើម្បី​ជួយ​ទ្រទ្រង់​រហូត​ដល់​សុក​កកើត​​ឡើង។ យ៉ាងណា​ប្រសិនបើ​គីស​នៅ​តែ​​ស្ថិត​លើ​អូវែ បន្ត​​រហូត​ដល់​ដំណាក់កាល​​បន្ទាប់​នៃ​ការ​ពពោះ​ ​នោះ​យើង​ចាំបាច់​ត្រូវ​​យក​វា​ចេញ​។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

៣. ជំងឺ​Endometriosis

ជំងឺEndometriosis បង្ក​ឲ្យ​មាន​ការ​​ឈឺ​ចាប់​ដែល​បណ្ដាល​ឲ្យ​កោសិកា​លូតលាស់​នៅ​ខាង​ក្រៅ​ស្បូន​។ ​អ្នក​ដែល​កើត​ជំងឺ​នេះ អាច​វិវត្ត​ទៅ​ជា​ដុំ​គីស​អូវែ ដែល​នាំ​ឲ្យ​មាន​ការ​ឈឺ​ចាប់​នៅ​ពេល​រួម​ភេទ និង​នៅ​ពេល​មក​រដូវ​។

គីសក្រពេញអូវែ

៤. ការ​ឆ្លង​មេរោគ​អាង​ត្រគាក​ធ្ងន់ធ្ងរ​

នៅ​ក្នុង​ករណី​ខ្លះ ការ​ឆ្លង​មេរោគ​នៅ​អាង​ត្រគាក​អាច​រាលដាល​ដល់​ក្រពេញ​អូវែ និង​បង្ក​ឲ្យ​មាន​ដុំ​គីស​នៅ​ក្រពេញ​អូវែ​ថែម​ទៀត​ផង​។

ចំណុចសំខាន់

មូលហេតុបង្កនៃ​គីស​លើ​ក្រពេញ​អូវែ​មាន​៖
  • អ័រម៉ូន​មិន​ទៀងទាត់
  • ពពោះ
  • ជំងឺ​Endometriosis
  • ការ​ឆ្លង​មេរោគ​អាង​ត្រគាក​ធ្ងន់ធ្ងរ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 3 សប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត