ជំងឺដុំសាច់ស្បូន ឬ Uterine fibroids ជាពាក្យមួយដែលស្ត្រីគ្រប់រូបប្រាថ្នាមិនចង់ឲ្យកើតលើខ្លួនទេ ព្រោះឲ្យតែឮពាក្យដុំសាច់ច្បាស់ជាបារម្ភខ្លាំងរហូតគេងមិនលក់ក៏ថាបាន។ ជំងឺកើតនៅលើស្បូន ជាក្ដីព្រួយបារម្ភមួយចំពោះសុខភាពស្ត្រីដែលស្រីៗគួរតែយកចិត្តទុកដាក់ឲ្យបានខ្លាំង ព្រោះវាអាចប៉ះពាល់ច្រើនដល់សុខភាពយើង។
កើតជំងឺដុំសាច់ស្បូន ស្ត្រីប្រឈមគ្រោះថ្នាក់កម្រិតណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្វីទៅជាដុំសាច់ស្បូន? អាចគ្រោះថ្នាក់ទេ?
ទាក់ទងនឹងបញ្ហានេះ លោកវេជ្ជបណ្ឌិត ឃួន សុវណ្ណារិទ្ធ បានឲ្យដឹងថា ជំងឺដុំសាច់ស្បូន ជាដុំសាច់នៅនឹងស្បូន ដែលកើតពីកោសិកាសាច់ស្បូន ជាទូទៅពុំមែនជាដុំសាច់កាចទេ តែវាបង្កឲ្យមានការរំខាន និងមានលក្ខណៈធ្ងន់ ឬស្រាល ទៅតាមសណ្ឋានទីតាំងនៃដុំសាច់លើស្បូនដែលគេចែកចេញជា៣ទីតាំងដូចជា៖
ទី១. ដុំសាច់នៅក្នុងស្រទាប់ក្រៅស្បូន
ទី២. ដុំសាច់នៅក្នុងសាច់ដុំស្បូន
ទី៣. ដុំសាច់នៅក្នុងប្រហោង ឬភ្នាសក្នុងស្បូន។
វេជ្ជបណ្ឌិតឯកទេសផ្នែកសម្ភព និងរោគស្ត្រី បន្តឲ្យដឹងថា មកដល់ពេលនេះ មិនទាន់មានការសិក្សាស្រាវជ្រាវណាដែលបញ្ជាក់ច្បាស់លាស់ពីមូលហេតុបង្កឲ្យមានដុំសាច់នេះទេ។ ប៉ុន្តែគ្រូពេទ្យសង្កេតឃើញថា ជំងឺដុំស្បូននេះ ភាគច្រើនកើតនៅលើស្ត្រីធាត់ខ្លាំង ស្ត្រីជក់បារី គ្មានកូន អាយុច្រើនលើស៤០ឆ្នាំ ឬមានប្រវត្តិគ្រួសារមានជំងឺដុំសាច់ស្បូន។
ប្រសិនបើដុំសាច់នេះនៅក្នុងប្រហោងស្បូន ហើយលយប៉ះស្រទាប់ស្បូនរដូវ វាបង្កឲ្យធ្លាក់ឈាមរដូវច្រើន និងបន្តការធ្លាក់ឈាមបង្កជាវិបត្តិវដ្ដរដូវ រហូតដល់ស្លេកស្លាំង ដែលចាំបាច់ត្រូវការព្យាបាលជាបន្ទាន់។ ចំពោះស្ត្រីក្នុងវ័យបន្តពូជ អាចមានវិបត្តិគ្មានកូន ឬកូនរលូត ឬទារកកើតមិនគ្រប់ខែ។
លោកបានបន្ថែមឲ្យដឹងថា ក្នុងករណីដែលអ្នកជំងឺដឹងពីអាការៈលឿន (ដឹងមុនថា ខ្លួនកើតជំងឺនេះ) នោះអ្នកជំងឺគ្រាន់តែព្យាបាលដោយប្រើថ្នាំតាមវេជ្ជបញ្ជា តែបើអ្នកជំងឺប្រើពេលយូរមិនពិនិត្យ និងមិនព្យាបាលទាន់ពេលវេលា អាចប្រឈមនឹងការវះកាត់ ជាដំណាក់កាលចុងក្រោយ។
អាន៖
- ស្ត្រីប៉ុន្មានក្រុមនេះ ងាយប្រឈមនឹងកើតដុំសាច់ក្នុងស្បូន
- បង្ការបញ្ហាស្រុតស្បូនក្រោយសម្រាល តាមវិធីសាស្ត្រទាំងនេះ
- មូលហេតុមួយចំនួននេះ អាចបណ្តាលឱ្យកើតគីសលើទ្វារមាស
- ស្រីៗចង់ឲ្យក្លិនកន្លែងសម្ងាត់ល្អ សាកល្បងអាហារប៉ុន្មានមុខនេះ
- រោគសញ្ញាឆ្លងមេរោគផ្សិតប្រឈមនឹងមហារីកមាត់ស្បូន ស្រីៗគួរយកចិត្តទុកដាក់
- ទ្វារមាសសុខភាពល្អ អាចសង្កេតមើលសញ្ញាទាំង ៤នេះ
- មូលហេតុទាំង៤ អាចនាំឲ្យទ្វារមាសស្ងួត ដោះស្រាយបែបណា?
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម