បញ្ហាស្ត្រីផ្សេងទៀត

បញ្ហា​ស្ត្រី​ផ្សេងទៀត - បញ្ហា​ជា​ច្រើន​ជុំវិញ​សុខភាព​ស្រីៗ​ដែល​គ្រប់គ្នា​គួរ​តែ​យក​ចិត្ត​ទុកដាក់ តាមដាន​ជា​ប្រចាំ​ដើម្បី​សុខភាព​ខ្លួន​ឯង និង​​ដឹង​ថា​តើ​យើង​អាច​មាន​​បញ្ហា ឬ​ហានិភ័យ​អ្វី​ខ្លះ ឬ​បញ្ហា​​គួរ​ឲ្យ​សង្ស័យ​ជាក់លាក់​ណា​ ឬអត់?

ចំណេះដឹងទូទៅ

បញ្ហាស្ត្រីផ្សេងទៀត

ជំងឺ​Endometriosis ជា​​ស្ថានភាព​ឈឺចាប់​រ៉ាំរ៉ៃ​ ដែល​ជាលិកា​ស្រដៀង​នឹង​​​ភ្នាស​ក្នុង​ស្បូន​ចាប់ផ្ដើម​លូតលាស់​ខាង​ក្រៅ​ស្បូន​។ កោសិកា​ឈាម​ដែល​​ជាប់​  ​អាច​បណ្ដាល​ឲ្យ​រលាក​ ស្អិត ​​និង​​មាន​ជាលិកា​សម្លាក​អំឡុង​ពេល​មក​រដូវ នៅ​គ្រប់​តំបន់​ដែល​ជាលិកា​ដូច​ភ្នាស​ស្បូន​ លូតលាស់​។ កត្តា​នេះ អាច​បង្ក​ជា​ការ​ឈឺចាប់​ខ្លាំង និង​ធ្លាក់​ឈាម​ច្រើន​ នៅ​ពេល​មក​រដូវ​។ រោគសញ្ញា​ផ្សេង​ទៀត​នៃ​ជំងឺ​នេះ រួម​មាន​ឈឺ​អាង​ត្រគាក​ ឈឺ​ចាប់​ពេល​រួម​ភេទ អស់​កម្លាំង រាករូស ហើម​ពោះ ទល់​លាមក​ និង​​ឈឺ​ខ្នង​ផ្នែក​ខាង​ក្រោម។ យ៉ាង​ណា​មិញ ប្រសិនបើ​យើង​មិន​ព្យាបាល​បញ្ហា​សុខភាព​មួយ​នេះ​ទេ​នោះ វា​​ក៏​អាច​នាំ​ឲ្យ​គ្មាន​កូន​ផង​ដែរ។​ ពិត​ណាស់​ ជំងឺ​Endometriosis ​អាច​ធ្វើ​ឲ្យ​យើង​នឿយហត់​ និង​អស់​កម្លាំង ប៉ុន្តែ​យើង​អាច​គ្រប់គ្រង​រោគសញ្ញា​​​តាម​រយៈ​របប​អាហារ​មួយ​ចំនួន​ដែរ​។​ ​អាហារ​គួរ​ញ៉ាំ សម្រាប់​​អ្នក​​​មាន​អាការៈ​ឈឺ​ចាប់​ដោយ​សារ​ជំងឺ​Endometriosis ១. បន្លែ បន្លែ​ជា​ប្រភព​ដ៏​ល្អ​នៃ​អាហារ​ដែល​មាន​ជាតិ​សរសៃ​ វីតាមីន​ ជាតិ​រ៉ែ និង​សារធាតុ​ចិញ្ចឹម​ដែល​ផ្ដល់​អត្ថប្រយោជន៍​យ៉ាង​ច្រើន​ដល់​រាងកាយ​។ ការ​ញ៉ាំ​បន្លែ​ស្លឹក​បៃតង​ច្រើន​ អាច​ជួយ​កាត់បន្ថយ​ហានិភ័យ​នៃ​ការវិវត្តទៅ​ជា​ជំងឺ​​Endometriosis។ ដោយ​សារ​តែ​​ស្រី​ៗ​យើង​ដែល​កើត​ជំងឺ​នេះ​បាត់បង់​ឈាម​ច្រើន​អំឡុង​ពេល​មក​រដូវ​ ​យើង​អាច​​ប្រឈម​នឹង​ភាព​ស្លេកស្លាំង​ដោយ​សារ​កង្វះ​ជាតិ​ដែក​។ ការ​ញ៉ាំ​ស្ពៃ​ពួយឡេង​ ជាមួយ​ដំឡូង​បារាំង និង​ខាត់ណាខៀវ ​អាច​ជួយ​បង្កើន​ជាតិ​ដែក​ក្នុង​រាងកាយ​ ​ព្រម​ទាំង​ប្រឆាំង​នឹង​អាការៈ​អស់​កម្លាំង​បាន​​ផង​ដែរ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ២. ផ្លែឈើ​ ទន្ទឹម​នឹង​នេះ ផ្លែឈើ​​ជា​អាហារ​ដែល​មិន​អាច​ខ្វះ​បាន​ ប្រសិនបើ​យើង​មាន​ជំងឺ​​Endometriosis ពីព្រោះ​ពពួក​ផ្លែឈើ​​ទាំង​នេះ​ផ្ទុក​​​សារធាតុ​ប្រឆាំង​នឹង​អុកស៊ីតកម្ម​ ដែល​អាច​ជួយ​កាត់បន្ថយ​​បរិមាណ​រ៉ាឌីកាល់​សេរី​ កាត់​បន្ថយ​ការ​រលាក​ និង​ភាព​តានតឹង​អុកស៊ីតកម្ម​ […]

អត្ថបទផ្សេងទៀតពី បញ្ហាស្ត្រីផ្សេងទៀត

បញ្ហាស្ត្រីផ្សេងទៀត

ការ​បៀតបៀន​ផ្លូវ​ភេទ​ជា​ឥរិយាបថ​មិន​សមរម្យ​ និង​មិន​គួរ​គប្បី​ក្នុង​ការ​ប្រព្រឹត្ត​ទៅ​លើ​អ្នក​ណា​ម្នាក់​ឡើយ​ ទោះ​ជា​នៅ​ក្នុង​ស្ថានភាព​ណា​ក៏​ដោយ​។ ការ​បៀតបៀន​ផ្លូវ​ភេទ​កើត​ឡើង​នៅ​ពេល​ដែល​មាន​ការ​បៀតបៀន​ក្នុង​ទម្រង់​ផ្លូវ​ភេទ ឬ​ទាក់ទង​នឹង​ភេទ ឬ​រឿង​ភេទ​របស់​បុគ្គល​ម្នាក់​​ ហើយ​វា​មាន​រូបភាព​ខុស​ៗ​​គ្នា ដែល​អាច​តាម​រាងកាយ​ ពាក្យ​សំដី ឬ​កាយ​វិការ​ នេះ​បើ​តាម​អង្គការ​ CARE Cambodia។ តើ-​ការ​បៀតបៀន​ផ្លូវ​ភេទ​ប៉ះពាល់​អ្វី​ខ្លះ​ដល់​ជន​រង​គ្រោះ​? ការ​បៀតបៀន​ផ្លូវ​ភេទ​ដោយ​ពាក្យ​សំដី ការ​ប្រើប្រាស់​ភាសា​មិន​សមរម្យ ឬ​អាសអាភាស និង​និយាយ​លេង​សើច​បែប​អាសអាភាស​ ការ​លួងលោម​ដដែល​ៗ​ ដើម្បី​បំពេញ​ចំណង់​ផ្លូវ​ភេទ ឬ​ការ​ណាត់​ជួប​ក្នុង​គោល​បំណង​ផ្លូវ​ភេទ​ ការ​និយាយ​ស្ដី​ដែល​មាន​លក្ខណៈ​ផ្លូវ​ភេទ​ ការ​វាយ​ប្រហារ​ឯកជន​ភាព ទាំង​ក្នុង​ និង​ក្រៅ​សាលា​រៀន​ ឬ​កន្លែង​ធ្វើការ ​ការ​ស្នើ​ដាក់​លក្ខខណ្ឌ​ដោះដូរ ដើម្បី​បំពេញ​ចំណង់​ផ្លូវ​ភេទ​ផ្ទាល់​ខ្លួន​ ដូចជា​ការ​ផ្ទេរ ការ​ដំឡើង​ឋានៈ​ ប្រាក់​ខែ។ គំរាម​កំហែង​វាយ​ធ្វើ​បាប​ ឬ​បង្ខិតបង្ខំ ឬ​រំលោភ​ផ្លូវ​ភេទ​។ ការ​បៀតបៀន​ផ្លូវ​ភេទ​ដោយ​កាយវិការ​ ការ​តាំង​បង្ហាញ​វត្ថុ​ដែល​ធ្វើ​ឲ្យ​នឹក​ឃើញ​ដល់​ផ្លូវ​ភេទ មិន​ថា​រូប​ភាព​ ទស្សនាវដ្ដី ផ្ទាំង​រូបភាព ការ​សម្លក់​សម្លឹង ឬ​សញ្ញា​កាយវិការ​ដែល​ទាក់ទង​នឹង​ផ្លូវ​ភេទ​ ​ការ​ប៉ះ ថើប​ ឱប​ក្រសោប ការ​ធ្វើ​សរសៃ​ ឬ​អង្អែល​លើ​រាងកាយ​ដោយ​មិន​មានការ​យល់​ព្រម ការ​វាយ​ធ្វើ​បាប ឬ​បង្ខិតបង្ខំ និង​រំលោភ​ផ្លូវ​ភេទ​។​ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ​ការ​បៀតបៀន​ផ្លូវ​ភេទ​​ផ្ដល់​ផល​ប៉ះពាល់​អ្វី​ខ្លះ​ដល់​ជន​រងគ្រោះ​? ទោះ​ជា​ការ​បៀតបៀន​ផ្លូវ​ភេទ​មិន​បន្សល់​ទុក​របួស ឬ​ស្នាម​ជាំ​ក៏​ដោយ​​ ក៏​អាច​ធ្វើ​ឲ្យ​​ជនរងគ្រោះ​ឈឺ​ចាប់​ និង​អាច​ផ្លាស់ប្ដូរ​បែប​ផែន​ជីវិត​របស់​ជន​រងគ្រោះ​បាន​ផង​ដែរ​។ […]

បញ្ហាស្ត្រីផ្សេងទៀត

ពិត​ណាស់​ ទាំង​បុរស​ និង​ស្ត្រី​សុទ្ធ​តែ​ប្រឈម​នឹង​បញ្ហា​សុខភាព​​រៀង​ៗ​ខ្លួន​។ យ៉ាង​ណា​មិញ ក៏​មាន​ជំងឺ​ជាក់លាក់​​មួយ​ចំនួន​​​តែងតែ​កើត​ឡើង​ជា​ញឹកញាប់​ចំពោះ​ស្រី​ៗ​យើង​ផង​ដែរ​​។ ដូច្នេះ​ហើយ​ ដើម្បី​​ការពារ​ខ្លួន​ពី​ហានិភ័យ​ផ្សេង​ៗ គ្នា​​​យើង​គួរ​យល់​ដឹង​ពី​​កត្តា​ប្រឈម​ ក៏​ដូចជា​រោគសញ្ញា​ឲ្យ​បាន​ច្បាស់លាស់​ ទើប​ជា​ការ​​ប្រសើរ។ បញ្ហា​សុខភាព​ទាំង​៥ ដែល​ឧស្សាហ៍​កើត​លើ​ស្ត្រី​មានដូចជា៖ ១. ជំងឺ​បេះដូង​ ជំងឺ​បេះដូង​ជា​​ជំងឺ​​ដែល​ឆក់​យក​ជីវិត​ស្ត្រី​ច្រើន​ជាង​គេ​បំផុត​។ រោគសញ្ញា​នៃ​ជំងឺ​នេះ​រួម​មាន​ ឈឺ​ទ្រូង ដកដង្ហើម​ខ្លី​ៗ​ និង​ខ្សោយ​ដៃ​ទាំង​២។ ​ស្ត្រី​អាច​នឹង​ប្រឈម​នឹង​អាការៈ​ដកដង្ហើម​ខ្លី​ៗ ចង្អោរ​ ឬ​ក្អួត​។ យ៉ាង​ណា​មិញ​ ការ​អស់​រដូវ​មិន​អាច​បណ្ដាល​ឲ្យ​មាន​ជំងឺ​បេះដូង​ឡើយ​។ ផ្ទុយ​ទៅ​វិញ ស្រី​ៗ​យើង​អាច​ជួប​ប្រទះ​កត្តា​ហានិភ័យ​ជាក់លាក់​ដែល​កើត​ឡើង​ក្រោយ​អស់​រដូវ​ដូចជា សម្ពាធ​ឈាម​ខ្ពស់ កូលេស្តេរ៉ូល​ខ្ពស់ និង​អ័រម៉ូន​Estrogenទាប​​ជា​ដើម​។ កម្មវិធីពិនិត្យ​បញ្ហាលិង្គមិនឡើងរឹងអនឡាញ កម្មវិធីពិនិត្យ​បញ្ហាឆាប់ចេញទឹកកាម​អនឡាញ​ ២. គ្រោះថ្នាក់​សរសៃ​ឈាម​ខួរ​ក្បាល​ ​​​​​ជា​រៀង​រាល់​ឆ្នាំ បញ្ហា​គ្រោះថ្នាក់​សរសៃ​ឈាម​ខួរ​ក្បាល​ប៉ះពាល់​លើ​ស្ត្រី​ ៥៥០ ០០០​នាក់​ ច្រើន​ជាង​បុរស​។ ​ទោះ​បី​ជា​រោគសញ្ញា​​ប្រែប្រួល​​អាស្រ័យ​លើ​មូលហេតុ​បង្ក​​នៃ​គ្រោះថ្នាក់​សរសៃ​ឈាម​ខួរ​ក្បាល​ក៏​ពិត​មែន​ ប៉ុន្តែ​រោគសញ្ញា​សំខាន់​ៗ​រួម​មាន​ ពិបាក​និយាយ​ស្ដី និង​ស្ពឹក​​នៅ​ចុង​ដៃ​ចុង​ជើង​។ ចំណែក​ឯ​ជំងឺ​បម្រុង​ក្រឡា​ភ្លើង​ ដែល​សម្គាល់​ដោយ​បញ្ហា​សម្ពាធ​ឈាម​ខ្ពស់​អំឡុង​ពេល​ពពោះ ក៏​អាច​បង្កើន​ហានិភ័យ​នៃ​ជំងឺ​ដាច់​សរសៃ​ឈាម​ខួរ​ក្បាល​​ដូច​គ្នា។ ៣. ជំងឺ​ទឹក​នោម​ផ្អែម​ ទន្ទឹម​នឹង​នេះ​ដែរ ជំងឺ​​ទឹក​នោម​ផ្អែម​ក៏​បង្កើន​ហានិភ័យ​នៃ​​ជំងឺ​បេះដូង​​ដល់​ទៅ ​៤​ដង​ចំពោះ​ស្ត្រី​។ ​ជា​ទូ​ទៅ ស្រី​ៗ​​យើង​ងាយ​ប្រឈម​នឹង​ផលវិបាក​ដែល​ទាក់ទង​នឹង​ជំងឺ​ទឹក​នោម​ផ្អែម​ ជា​ពិសេស​អ្នក​ដែល​មាន​ជំងឺ​តម្រង​នោម​ និង​ជំងឺ​បាក់​ទឹក​ចិត្ត​។ ទន្ទឹម​​នឹង​នេះ​ ជំងឺ​ទឹក​នោម​ផ្អែម​ក៏​អាច​បង្កើន​ផលវិបាក​អំឡុង​ពេល​ពពោះ​ ដូចជា​រលូត​កូន​ និង​កូន​​ខូច​ទ្រង់ទ្រាយ​ពី​កំណើត​។ ដើម្បី​កាត់​បន្ថយ​ហានិភ័យ​នៃ​ជំងឺ​ទឹក​នោម​ផ្អែម​ប្រភេទ​២ យើង​​គួរ​រក្សា​ទម្ងន់​ខ្លួន​ឲ្យ​បាន​សម​ល្មម​ ហាត់​ប្រាណ​ជា​ទៀងទាត់​ និង​ឈប់​ជក់​បារី​។ គណនា BMI គណនា BMR កម្មវិធីពិនិត្យជំងឺបម្រុងទឹកនោមផ្អែមអនឡាញ ៤. […]

បញ្ហាស្ត្រីផ្សេងទៀត

ដំបូន្មាន​ទូទៅ​មួយ​ដែល​ស្រីៗ​យើង​គួរ​ដឹង និង​ចែក​រំលែក​ឲ្យ​បាន​ច្រើន​ដោយ​មិន​គួរ​មាន​ការ​អៀន​ខ្មាស​នោះ​គឺ​ការ​នោម​ក្រោយ​រួម​ភេទ​រួច។ តាម​ពិត​ទៅ​នេះ ជា​ទម្លាប់​ដ៏​ល្អ​មួយ​ដែល​គ្នា​យើង​ស្រីៗ​គួរ​តែ​នោម​ក្រោយរួមភេទ​ ព្រោះ​អាច​ជួយ​សុខភាព​យើង​បាន​ច្រើន​យ៉ាង។ ១. ការ​ឆ្លង​មេរោគ​លើ​ផ្លូវ​ទឹក​នោម ការ​ឆ្លង​មេរោគ​លើ​ផ្លូវ​ទឹក​នោម (Urinary Tract Infection) ជា​ការ​ឆ្លង​មេរោគ​កើត​ឡើង​នៅ​ក្នុង​តំបន់​ណា​មួយ​នៃ​ប្រព័ន្ធ​ទឹក​នោម​ដូច​ជា ប្លោក​នោម បង្ហួរ​នោម ឬ​តម្រង​នោម។ ជា​ទូទៅ ការ​ឆ្លង​មេរោគ​តាម​ផ្លូវ​ទឹក​នោម​កើត​ឡើង​នៅ​ពេល​បាក់តេរី​ចូល​ទៅ​ក្នុង​ផ្លូវ​ទឹក​នោម​តាម​រយៈ​បង្ហួរ​នោម ហើយ​ចាប់​ផ្ដើម​កើន​ឡើង​នៅ​ក្នុង​ប្លោក​នោម។ បើ​រនាំង​ការពារ​ធម្មជាតិ​នៃ​ផ្លូវ​ទឹក​នោម​របស់​យើង​ខ្សោយ នោះ​បាក់តេរី​អាច​លូតលាស់ និង​បង្ក​ឲ្យ​មាន​ការ​ឆ្លង​មេរោគ។ រោគ​សញ្ញា​នៃ​បញ្ហា​ការ​ឆ្លង​មេរោគ​លើ​ផ្លូវ​ទឹក​នោម​មាន​ដូច​ជា៖ ឈឺ​នោម​ភ្លាមៗ បង្កើន​ការ​នោម​ញឹកញាប់ មាន​អារម្មណ៍​ក្រហាយ ឬ​ឈឺ​ចាប់​ពេល​កំពុង​នោម ទឹកនោម​មាន​ក្លិន​ស្អុយ ឈាម​ក្នុង​ទឹក​នោម ឈឺចាប់​នៅ​ផ្នែក​ខាង​ក្រោម​ពោះ មាន​អារម្មណ៍​មិន​ស្រួល ឬ​អស់​កម្លាំង ការ​ផ្លាស់​ប្ដូរ​អាកប្បកិរិយា ពិសេស​ចំពោះ​ស្ត្រី​វ័យ​ចំណាស់។ ការ​ទៅ​នោម​ក្រោយ​រួម​ភេទ ជួយ​បង្ការ​ការ​ឆ្លង​រោគ​នេះ​បាន​ដែរ​។​ កម្មវិធីពិនិត្យ​បញ្ហាលិង្គមិនឡើងរឹងអនឡាញ កម្មវិធីពិនិត្យ​បញ្ហាឆាប់ចេញទឹកកាម​អនឡាញ​ ២. បង្ហួរ​នោម​ស្រី បង្ហួរ​នោម​ជា​សរីរាង្គ​ដែល​មាន​រាង​ដូច​បំពង់​ដែល​ជួយ​បញ្ចេញ​ទឹក​នោម​ចេញ​ពី​ប្លោក​នោម។ បង្ហួរ​នោម​មនុស្ស​ស្រី​មាន​សភាព​ខ្លី​ជាង​មនុស្ស​ប្រុស ជាហេតុ​បណ្ដាល​ឲ្យ​ស្រី​ៗ​ងាយ​នឹង​ប្រឈម​ការ​ឆ្លង​មេរោគ​លើ​ផ្លូវ​ទឹក​នោម ដោយ​សារ​បាក់តេរី​អាច​ធ្វើ​ដំណើរ​ក្នុង​ចម្ងាយ​ខ្លី​ដើម្បី​ចូល​ទៅ​ក្នុង​ប្លោក​នោម។ បង្ហួរ​នោម​ស្ត្រី​មាន​ប្រវែង​ប្រហែល ២,៥-៤សង់ទីម៉ែត្រ រីឯ​មនុស្ស​ប្រុស​មាន​ប្រវែង​ប្រហែល ១៥-២០សង់ទីម៉ែត្រ ដូច្នេះ​ស្ត្រី​គួរ​នោម​ក្រោយ​រួម​ភេទ​រួច ដើម្បី​កុំ​ឲ្យ​បាក់តេរី​អាក្រក់​ឆ្លង​ចូលក្នុង​ប្រព័ន្ធ​ផ្លូវ​ទឹក​នោម​​។ ៣. ប្លោក​នោម ក្នុង​អំឡុង​ពេល​រួមភេទ បាក់តេរី​អាច​ចូល​ទៅ​ក្នុង​បង្ហួរ​នោម​របស់​យើង ដែល​បង្កើន​ឱកាស​នៃ​ការ​ឆ្លង​មេរោគ។ នេះ​ជា​មូលហេតុ​ដែល​ចាំបាច់​ត្រូវ​នោម​ក្រោយ​រួម​ភេទ​ជា​និច្ច ព្រោះ​ការ​នោម ជួយ​បញ្ចេញ​​មេរោគ​មក​ក្រៅ​។ លើស​ពី​នេះ ការ​រួម​ភេទ​ចំ​ពេល​ប្លោក​នោម​ពេញ​ក៏​បង្កើន​ឱកាស​ឲ្យ​​ស្រីៗ​មាន​បញ្ហា​តាន​តឹង​ក្នុង​ការ​នោម។ បញ្ហា​នេះ​អាច​ធ្វើ​ឲ្យ​សាច់​ដុំ​អាង​ត្រគាក​ខ្សោយ ឬ​សាច់​ដុំ​បង្ហួរ​នោម​ខ្សោយ ហើយ​យើង​អាច​លេច​នោម​បាន​​អំឡុង​ពេល​ចលនា​ណា​មួយ​ […]

បញ្ហាស្ត្រីផ្សេងទៀត

ការពាក់អាវក្នុងដែលសមតាមទម្រង់ដើមទ្រូង (សុដន់) ជួយឱ្យដើមទ្រូង​មើល​ទៅ​ស្អាត ហើយក៏អាច​ជួយកាត់បន្ថយអា​ការៈឈឺ​ខ្នង និង​ស្មា​ទៀត​ផង។ តើដើម​​ទ្រូង​​យើងមានប៉ុន្មានទម្រង់ ហើយយើងគួរជ្រើសរើស​អាវក្នុង​បែប​ណាដើម្បីសមតាម​ទម្រង់​ដើមទ្រូង? លោអ្នក​ឯកទេសអាវក្នុងលើកឡើងថា ទម្រង់ដើមទ្រូងស្រីៗយើងមាន ៩ ហើយយើង​គួរជ្រើសរើស​អាវក្នុង​តាម​ទម្រង់​នីមួយៗ៖ ១. ដើមទ្រូងមូលក្លំ ដើមទ្រូងមូលក្លំមានរាងពេញស្មើលើស្មើក្រោម។ ដើមទ្រូងទម្រង់នេះ​ត្រូវការអាវ​ក្នុង​ដែល​អាច​ទ្រទម្ងន់ និងគ្រប់សុដន់បានល្អ។ ជម្រើសអាវក្នុងដ៏ល្អបំផុត​គឺជាអាវ​ក្នុង​ប្រភេទ​ T-shirt, balconetteនិង plunge។ ២. ដើមទ្រូងរាងកណ្តឹង ដើមទ្រូងរាងកណ្តឹងមានរាងតូចលើ ធំក្រោម។ ដើមទ្រូងទម្រង់នេះត្រូវការអាវក្នុងដែល​មានគោមធំ និងមានកងដែកទ្រ (ប្រភេទ full cup) ដើម្បីទ្រដើមទ្រូងផ្នែកខាងក្រោម និង​ជួយលើកដើមទ្រូង។ ៣. ដើមទ្រូងរាងដំណក់ទឹក ដើមទ្រូងរាងដំណក់ទឹកមានរាងមូលនៅផ្នែកខាងក្រោម និងមានរាងតូចលើបន្តិច។ ដើមទ្រូងទម្រង់នេះត្រូវការអាវក្នុងប្រភេទ balconette ដែលមានកងដែកទ្រ ឬប្រភេទ demi ដែលមានថ្នេរបញ្ឈរដើម្បីលើកដើមទ្រូងឱ្យមើលទៅមូលក្លំនៅផ្នែកខាងលើ។ ៤. ដើមទ្រូងមិនស្មើរគ្នា ដើមទ្រូងមិនស្មើរគ្នាជាដើមទ្រូងដែលមានរាងធំម្ខាងតូចម្ខាង។ ដើមទ្រូងទម្រង់​នេះត្រូវ​ការអាវក្នុងប្រភេទ T-shirt អត់មាន​ថ្នេរ​ដែលអាចគ្របសុដន់បានពេញ​ដើម្បី​បិទបាំងទំហំដើមទ្រូងដែលមិនស្មើគ្នា។ លើសពីនេះទៅទៀតយើង​ត្រូវរើស​អាវ​ក្នុង​ដែលមានទំហំប៉ុនទំហំសុដន់ម្ខាងដែលធំ។ ៥. ដើមទ្រូងស្វិត ដើមទ្រូងស្វិតមានរាងវែង តូច និងសំយុងចុះក្រោម។ ដើមទ្រូងទម្រង់នេះត្រូវការ​អាវ​ក្នុង​ប្រភេទមានថ្នេរដែលត្រូវបានរចនាឡើង​ដើម្បីកែទម្រង់ដើមទ្រូង​ឱ្យមើល​ទៅ​មូល​ក្លំ។   ចង់គណនា BMI ចុចទីនេះ! ៦. ដើមទ្រូងរាប ដើមទ្រូងរាបមានរាងរាបស្មើនឹងទ្រូង។ ដើមទ្រូងទម្រង់នេះត្រូវការអាវក្នុង​​ប្រភេទ​កល់​ច្រើន ដើម្បីធ្វើឱ្យដើមទ្រូងមើលទៅធំ។ ប្រសិន​បើយើងចង់ឱ្យដើមទ្រូង​មើល​ទៅដូចធម្មជាតិ យើងអាចជ្រើសរើស​អាវក្នុងប្រភេទមានគោមរាងត្រីកោណ  ដែលអត់មានកងដែកទ្រ ព្រោះបើអាវប្រភេទនេះ​មានកងដែកទ្រ​នឹងធ្វើឱ្យ​ដើម​ទ្រូង​យើងឃ្លាតគ្នាកាន់តែធំ​ និងមិនអាចជួយលើកដើមទ្រូងយើងទេ។ ៧. ដើមទ្រូងបែរមុខចេញពីគ្នា ដើមទ្រូងប្រភេទនេះមានសុដន់ និងចុងសុដន់បែរចេញក្រៅដងខ្លួន […]

បញ្ហាស្ត្រីផ្សេងទៀត

​ពិត​ណាស់​ ការ​នោម​ក្រោយ​រួម​ភេទ​រួច អាច​ជួយ​​កម្ចាត់​ចោល​ពពួក​បាក់តេរី​គ្រោះថ្នាក់​ដែល​តោង​ជាប់​នៅ​ក្នុង​បង្ហួរ​នោម​។ យ៉ាង​ណា​មិញ ​ការ​នោម​​ក្រោយ​រួម​ភេទ​​រួច​ ​មិន​អាច​បង្ការ​ការ​មាន​ផ្ទៃពោះ​បាន​ឡើយ​។ នោម​ក្រោយ​រួម​ភេទ​ អាច​បង្ការ​ការ​បង្ក​រោគ​លើ​ផ្លូវ​ទឹក​នោម​បាន​អត់​? មិន​មាន​ភស្តុតាង​ណា​មួយ​បញ្ជាក់​ថា​ការ​នោម​ក្រោយ​រួម​ភេទ​រួច អាច​ការពារ​ការ​បង្ក​រោគ​លើ​ផ្លូវ​ទឹក​នោម​បាន​ទេ ប៉ុន្តែ​វា​អាច​កាត់បន្ថយ​ហានិភ័យ​នៃ​​ការ​បង្ក​រោគ​នេះ​​ តាម​រយៈ​ការ​អនុវត្ត​តាម​ជំហាន​ដូច​ខាង​ក្រោម​៖ នោម​មុន​ និង​ក្រោយ​ពេល​រួម​ភេទ​ រក្សា​ជាតិ​ទឹក​ ដោយ​ញ៉ាំ​ទឹក​មួយ​កែវ​ក្រោយ​រួម​ភេទ ​ជូត​សម្អាត​ពី​ផ្នែក​ខាង​មុខ​ទៅ​ខាង​ក្រោយ​ បន្ទាប់​ពី​នោម និង​រួម​ភេទ​រួច​ ប្រើ​ទឹក​រម្អិល​ទ្វារ​មាស​ ដើម្បី​បញ្ចៀស​ការ​កកិត​ ដែល​អាច​ធ្វើ​ឲ្យ​រលាក​បង្ហួរ​នោម​ ក៏​ដូចជា​បង្កើន​ហានិភ័យ​នៃ​ការ​ឆ្លង​មេរោគ។ ស្រី​ៗ​យើង​គួរ​នោម​​ក្រោយ​រួម​ភេទ​រួច​ប៉ុន្មាន​នាទី​? យើង​គប្បី​នោម​ក្នុង​ចន្លោះ​រយៈពេល​៣០​នាទី​ក្រោយ​រួម​ភេទ​ ដើម្បី​បញ្ចៀស​ការ​បង្ក​រោគ​លើ​ផ្លូវ​ទឹក​នោម​។​ ​ការ​នោម​ក្រោយ​រួម​ភេទ​រួច អាច​បង្ការ​ជំងឺ​កាមរោគ​បាន​អត់​? បាក់តេរី​ដែល​បង្ក​ជំងឺ​កាមរោគ ខុស​គ្នា​ពី​បាក់តេរី​ដែល​បង្ក​​រោគ​លើ​ផ្លូវ​ទឹក​នោម។ ដោយ​ឡែក​ បាក់តេរី​ដែល​បង្ក​ជំងឺ​កាមរោគ​ស្រូប​ចូល​ទៅ​ក្នុង​រាងកាយ​របស់​យើង​តាម​រយៈ​​ការ​ដាច់​​រលាត់​តូច​ៗ​នៅ​ក្នុង​ភ្នាស​រម្អិល​នៃ​ទ្វារ​មាស​ ហើយ​ការ​នោម​ក្រោយ​រួម​ភេទ​មិន​អាច​បង្ការ​ជំងឺ​កាមរោគ​បាន​ឡើយ​។ វិធីសាស្ត្រ​ដ៏​ល្អ​បំផុត​ក្នុង​ការ​ការពារ​ខ្លួន​ពី​ជំងឺ​មួយ​នេះ គឺ​ការ​ប្រើប្រាស់​ស្រោម​អនាម័យ​។ បើ​ស្រី​ៗ​យើង​ចង់​មាន​ផ្ទៃពោះ តើ​យើង​​អាច​នោម​ក្រោយ​រួម​ភេទ​បា​ន​​ទេ​? ​ទោះ​បី​ជា​យើង​ព្យាយាម​យក​កូន​ យើង​នៅ​តែ​អាច​នោម​ក្រោយ​រួម​ភេទ​បាន​។ ជាក់​ស្ដែង មេ​ជីវិត​ឈ្មោល​ផ្លាស់​ទី​តាម​​រន្ធ​មាត់ស្បូន​ ទៅ​ក្នុង​ស្បូន​ និង​​​ទៅ​ដល់​ដៃ​ស្បូន​  ដែល​ជា​កន្លែង​ដែល​ស៊ុត​ញី​រង់ចាំ​បង្ក​កំណើត​។ បន្ទាប់​ពី​បញ្ចេញ​ទឹក​កាម​ មេ​ជីវិត​ឈ្មោល​នឹង​ចំណាយ​ពេល​ពី​២​ ទៅ​១០​នាទី​ ដើម្បី​ទៅ​ដល់​ដៃ​ស្បូន​ ។

បញ្ហាស្ត្រីផ្សេងទៀត

ការ​ធ្លាក់​ទឹក​រម្អិល​ទ្វារ​មាស​​ គឺ​ជា​រឿង​ធម្មតា​ប៉ុណ្ណោះ ប៉ុន្តែ​ប្រសិនបើ​ស្រី​ៗ​យើង​ជួប​ប្រទះ​ការ​ធ្លាក់​ទឹក​រម្អិល​ដែល​មាន​លាយ​ឡំ​នឹង​ឈាម​ ​នោះអាច​ជា​​សញ្ញា​នៃ​បញ្ហា​សុខភាព​ធ្ងន់ធ្ងរ​​​មួយ​ចំនួន​។ ពណ៌​ និង​ក្លិន​នៃ​ទឹក​រម្អិល អាច​បង្ហាញ​ពី​​បញ្ហា​សុខភាព​ទូទៅ​​ រួម​ទាំង​​ភាព​មាន​កូន​ តុល្យភាព​អ័រម៉ូន​ និង​សុខភាព​នៃ​ប្រព័ន្ធ​បន្ត​ពូជ​។ ជា​ទូទៅ ការ​ធ្លាក់​ទឹក​រម្អិល​ធម្មតា​​មាន​ពណ៌​ស ​ ខាប់​ ស្អិត ឬ​រម្អិល និង​មិន​ធុំ​ក្លិន។ ​ចំណែក​​ឯ​ការ​ធ្លាក់​ទឹក​រម្អិល​ទ្វារ​មាស​ដែល​មាន​ឈាម ​ដោយ​មិន​ពាក់ព័ន្ធ​នឹង​ការ​មក​រដូវ​ អាច​ជា​សញ្ញា​ដ៏​គួរ​ឲ្យ​បារម្ភ​មួយ​។ ​គណនាថ្ងៃមេជីវិតញីទុំធ្លាក់ នៅទីនេះ មូលហេតុ​​នៃ​ការ​ធ្លាក់​ទឹក​រម្អិល​ទ្វារ​មាស​​​មាន​ឈាម​ ​​១. ការ​រង​របួស ការ​ធ្លាក់​ទឹក​រម្អិល​​មាន​ឈាម​ អាច​បណ្ដាល​មក​ពី​ការ​រង​របួស​រាងកាយ ឬការប៉ះទង្កិច​ណាមួយ​លើ​ទ្វារ​មាស ​ដែល​នាំ​ឲ្យ​រារាំង​លំហូរ​នៃ​ទឹក​រម្អិល​ទ្វារ​មាស។ ក្នុង​ករណី​នេះ យើង​គប្បី​ទៅ​ពិគ្រោះ​ជាមួយ​គ្រូពេទ្យ​ ទើប​ជា​ការ​ប្រសើរ​។ ២. ការ​​ឆ្លង​មេរោគ​ ​​​​​ការ​ឆ្លង​មេរោគ​តាម​ទ្វារ​មាស ដូចជា​ជំងឺ​កាមរោគ (STI) អាច​ធ្វើ​ឲ្យ​មាន​ធ្លាក់​ឈាម​ពី​ទ្វារ​មាស។ ការ​រលាក​ទ្វារ​មាស ជំងឺ​ប្រមេះ​ទឹក​ថ្លា និង​​ជំងឺ​រលាក​អាង​ត្រគាក (PID) ក៏​ជា​មូលហេតុ​ចម្បង​ដែល​នាំ​ឲ្យ​ស្រី​ៗ​យើង​ធ្លាក់​ទឹក​រម្អិល​មាន​ឈាម​ដូច​គ្នា​។ ៣. ផលវិបាក​នៃ​ការ​ពពោះ​ ការ​ធ្លាក់​ឈាម​ដែល​កើត​ឡើង​អំឡុង​ពេល​ពពោះ ​អាច​ជា​សញ្ញា​នៃ​ផលវិបាក​ធ្ងន់ធ្ងរ​​នៅ​ពេល​ពពោះ ដូចជា​ការ​រលូត​កូន​ ឬ​ការ​​ដាច់​រហែក​ចេញ​ពី​ជញ្ជាំង​ស្បូន  ជា​​ស្ថានភាព​ដែល​សុករបើកចេញ​ពី​ស្រទាប់​ខាង​ក្នុង​នៃ​ស្បូន​។ ៤. ការ​ពត់ពែន​ខ្លួន នៅ​ពេល​ខ្លះ ការ​ហាត់​ប្រាណ​ខ្លាំង​ក្លា​ជ្រុល​ ក៏​អាច​បង្ក​ជា​ការ​ធ្លាក់​ទឹក​រម្អិលមាន​ឈាម​។ ហេតុ​នេះ​ហើយ​ ចូរ​ជៀសវាង​ការ​ហាត់​ប្រាណ​​បែប​នេះ នៅ​ពេល​ដែល​យើង​ជិត​មក​រដូវ​។ ៥. អតុល្យភាព​អ័រម៉ូន​ ប្រសិន​បើ​គ្នា​​យើង​ធ្លាក់​ទឹក​រម្អិល​មាន​ឈាម​ ឬ​មាន​ពណ៌​ត្នោត​​ រយៈពេល​មួយ​ថ្ងៃ​ ឬ​ពីរ​ថ្ងៃ​មុន​ពេល​មក​រដូវ​ ​នេះ​អាច​បណ្ដាល​មក​ពី​ស្រ្តេស​ ដែល​បង្កើត​អតុល្យភាព​អ័រម៉ូន​នៅ​ក្នុង​រាងកាយ​ និង​នាំ​ឲ្យ​យើង​ធ្លាក់​ទឹក​រម្អិល​ពណ៌​ត្នោត​ដូច​នេះ។ […]

បញ្ហាស្ត្រីផ្សេងទៀត

គ្នា​យើង​មួយ​ចំនួន​តែង​តែ​គិត​ថា​ការ​​ពាក់​អាវ​ក្នុង​ពេល​គេង​អាច​មិន​មាន​អ្វី​កើត​ឡើង​ចំពោះ​សុខ​ភាព​នោះទេ តែ​តាម​ពិត​ទៅ​ការ​ពាក់​អាច​ទ្រនាប់​ពេល​គេង​យប់​ក៏​អាច​មាន​ផល​មិន​ល្អ​ចំពោះ​សុខ​ភាព​មួយ​ចំនួន​ដែរ​ ដែល​ស្រដីៗ​យើង​អាច​ពិចារណាបាន​។​ខាង​ក្រោម​នេះគឺ​ជា​​អត្ថប្រយោជន៍នៃ​ការ​គេង​មិន​ពាក់​អាវក្នុង​ និង​ផល​ប៉ះ​ពាល់​នៃ​ការ​ពាក់​អាវ​ក្នុង​ពេលគេង។ ផល​ប៉ះ​ពាល់​​ពី​ការ​ពាក់​អាវ​ក្នុង​គេង ១. ធ្វើ​ឲ្យ​ឈាម​ដំណើរ​ការ​មិន​ប្រក្រតី ប្រសិន​បើ​អាវ​ក្នុង​របស់​យើង​តឹង​នោះ​អាចនឹង​រឹត​​​សង្កត់​​លើ​ចរន្ត​ឈាម ហើយ​អាច​ប្រឆាំង​នឹង​ស្បែក​ធ្វើ​ឱ្យ​សាច់​ទ្រូង​របស់​យើង​ឡើង​តឹង។ ការ​ពាក់​អាវ​ក្នុង​រឹត​ខ្លាំង​ក៏​អាច​ធ្វើ​ឲ្យ​រារាំង​លំហូរ​ឈាម​ទៅ​កាន់​សរសៃ​ប្រសាទ​នៅ​ក្នុង​ដៃ​របស់​យើង​ និង​រាង​កាយ​ថែម​ទៀត​ផង។ ការ​ពាក់​អាវ​រឹប​ខ្លាំង ក៏​អាច​រារាំង​​មិន​ឲ្យ​ឈាម​រត់​ទៅ​ដល់​ជាលិកា​ដើម​ទ្រូង និង​ធ្វើ​ឲ្យ​ចរន្ត​ឈាម​ខ្សោយ​នាំ​ឱ្យ​វិល​មុខ​និង​រមួល​សាច់​ដុំ។ ២. រំខាន​ដល់​ការ​គេង​ និង​រលាក​ស្បែក យើង​ប្រហែល​ជា​ដឹង​ហើយ​ថា​ការ​គេង​ក្នុង​សំលៀក​បំពាក់​ដែល​តូច​ជាង​ខ្លួន​ពិត​ជា​អាច​ធ្វើ​ឲ្យ​យើង​​ពិបាក​ក្នុង​ការ​គេង ហើយ​ការ​ពាក់​អាវ​ក្នុង​ពេល​គេង​ដោយ​ភាព​រឹត​តឹង​ក៏​ដូច​គ្នា​ដែរ។ ក្រៅ​ពី​ការ​រំខាន​ អាចទ្រនាប់​ក៏​អាច​ធ្វើ​ឲ្យ​ស្បែក​យើង​រលាក ដោយ​សារ​តែ​ទំពក់ ​និង​ខ្សែ​នៃ​អាវ​រឹប​ទៅ​លើ​ផ្ទៃ​ស្បែក​ដែល​អាច​បង្ក​ឱ្យ​មាន​ការ​ឈឺ​ចាប់​ និង​រលាក​ផង​ដែរ។ ៣.ធ្វើ​ឲ្យ​ស្បែក​ឡើង​ខ្មៅ ស្បែក​ឡើង​ខ្មៅ​មក​ពី​ការ​កើន​ឡើង​កម្រិត​មេឡានីន​នៅ​ក្នុង​រាង​កាយ​របស់​យើង។ សារ​ធាតុ​ពណ៌​មេឡានីន​កំណត់​ស្បែក​របស់​យើង ក្នុង​ស្រទាប់​ខាង​ក្រៅ​នៃ​ស្បែក។ ការ​ពាក់​អាវ​ក្នុង​នៅ​ពេល​យប់​អាច​បង្កើត​ការ​កកិត ដែល​ជា​ការ​ផលិត​មេឡាណូស៊ីត​និង​បង្កើត​ចំណុច​ខ្មៅ​ និង​ធ្វើ​ឲ្យ​ពណ៌​ស្បែក​មិន​ស្មើ​គ្នា។ ៤. ​បង្កើន​ការ​ឆ្លង​មេរោគ​ផ្សិត និង​ផ្លាស់​ប្ដូរ​រូបរាង​​ទ្រូង ក្នុង​បរិយាកាស​ក្ដៅ​យើង​បែក​ញើស នោះ​អាវ​ក្នុង​យើង​នឹង​សើម​ហើយ​ហប់ ដែល​អាច​បង្កើត​ជា​ការ​បង្ក​រោគ​ផ្សិត។ មូល​ហេតុ​ដែល​ល្អ​នោះ​យើង​គួរ​តែ​ចៀសវាង​ការ​ពាក់​អាវ​ក្នុង​នៅ​ពេល​គេង ប្រសិន​បើ​អាកាស​ធាតុ​ក្ដៅ។ ម្យ៉ាង​វិញ​ទៀត តាម​ការ​សិក្សា​បង្ហាញ​ថា​ការ​ពាក់​អាវ​ក្នុង​នៅ​ពេល​យប់​ជះ​ឥទ្ធិពល​អវិជ្ជមាន​ដល់​ប្រព័ន្ធ ឡាំហ្វាទិច ដែល​យក​ជាតិ​ពុល​ចេញ​ពី​សុដន់​យើង​តាម​រយៈ​កូន​កណ្ដុរ​នៅ​ក្រោម​ក្លៀក។ ការ​ពាក់​អាវ​រឹប ឬ​ដែល​មាន​ខ្សែ​រឹប​អាច​រារាំង​ប្រព័ន្ធ ឡាំហ្វាទិច មិន​ឱ្យ​ហូរ​ និង​រាំរាំងការ​ច្រោះ​ជាតិ​ពុល​ដែល​ជា​ហេតុ​អាច​ធ្វើ​ឱ្យ​យើង​ងាយ​កើត​អាការ​ហើម ​និង​រលាក​សុដន់​រ៉ាំរ៉ៃ​ផង​ដែរ។   អត្ថ​ប្រយោជន៍​នៃ​ការ​មិន​ពាក់​អាវ​ក្នុង​គេង​យប់ អ្នក​ជំនាញ​ណែ​នាំ​ពី​អត្ថប្រយោជន៍​ទាក់​ទង​នឹង​ការ​គេង​មិន​ពាក់​អាវ​ក្នុង មាន​ដូច​ជា៖ ១.ដក​ដង្ហើម​ស្រួល​ជាង​ពេល​ពាក់ នៅ​ពេល​ដែល​គេង​ផ្លូវ​ដង្ហើម​ផ្នែក​ខាង​លើ​រាង​ចង្អៀត ដែល​ធ្វើ​ឱ្យ​ខ្យល់​ពិបាក​ទៅ​ដល់​សួត។ ការ​ស្លៀក​ពាក់​តឹងៗ អាច​ធ្វើ​ឲ្យ​ចលនា​ខ្យល់​នៅ​ក្នុង​ទ្រូង​ពិបាក​ដំណើរ​ការ ដោយ​រឹប​តឹង​ខ្លាំង​ធ្វើ​ឲ្យ​ឆ្អឹង​ជំនីរ​មិន​អាច​ពង្រីក​បាន​ពេញ​លេញ​ និង​ដោយ​សេរី។ ការ​ពាក់​អាវ​ក្នុង​គេង​អាច​ធ្វើ​ឲ្យ​យើង​មាន​អារម្មណ៍​ថា​ហត់ និង​ទទួល​យក​អុកស៊ីសែន​មិន​បាន​គ្រប់​គ្រាន់។ ប្រសិន​បើ​យើង​គេង​ដោយ​មិន​ពាក់​អាវ​ក្នុង​នោះ​អាច​នឹង​ល្អ​ជាង​ការ​ដែល​ពាក់​អាវ​ក្នុង​គេង។ ២.អនាម័យ​កាន់​តែ​ប្រសើរ ការ​គេង​ដោយ​ពាក់​អាវ​ក្នុង​ក្នុង​អាកាស​ធាតុ​ក្ដៅ​អាច​ធ្វើ​ឱ្យ​បែក​ញើស​ខ្លាំង។ ការ​បែក​ញើស​នៅ​ក្នុង​អាវ​ទ្រនាប់​​ក៏​ជា​ហេតុ​នាំ​ឱ្យ​មាន ក្លិន​ខ្លួន​និង​កើត​មុន។ ដើម្បី​ឱ្យ​ស្បែក​បាន​ស្អាត​គួរ​ជៀស​វាង​ការ​ពាក់​អាវ​ក្នុង​នៅ​ពេល​គេង។ ៣.ការ​ពារ​ពី​ការ​មាន​របួស អាវ​ក្នុង​ក៏​ជា​មូល​ហេតុ​បង្ក​ឲ្យ​មាន​របួស​ស្រាល​ដែរ។ ដោយ​សារ​តែ ទំពក់​និង​ខ្សែ​រឹប​ទៅ​លើ​ស្បែក​យើង​និង​បណ្ដាល​ឲ្យ​ស្បែក​ឡើង​ក្រហម​ និង​ក្រហាយ។ […]

បញ្ហាស្ត្រីផ្សេងទៀត

ស្បូនគឺជាសរីរាង្គសំខាន់របស់ស្ត្រី។ បើយើងមានស្បូនដែលមានសុខភាពល្អ ​សុខភាពបន្តពូជរបស់យើងក៏ល្អដែរ។ លើសពីនេះទៅទៀតស្បូន​សុខ​ភាពល្អជួយការពារ​យើង​ពី​ការ​មក​រដូវមិនទៀងទាត់ កាត់បន្ថយការឈឺចាប់ពេលមករដូវ កាត់បន្ថយ​ការបង្ករោគក្នុងស្បូន ការពារ​កើត​ដុំសាច់ក្នុងស្បូន ឈឺស្បូន និង​ឈឺ​អាងត្រគាក។ យើងអាច​សាកល្បងអនុវត្តតាម​ការណែនាំ​ខាង​ក្រោម​ដើម្បីថែរក្សាស្បូនឱ្យមានសុខភាពល្អ៖ កុំទប់នោម៖ ការទប់នោមអាចបង្កឱ្យមាន​កាកសំណល់​ក្នុងប្លោក​នោម​ដែល​បណ្តាលឱ្យឆ្លង​មេរោគ​ក្នុងប្លោកនោម។ ការឆ្លងមេរោគក្នុង​ប្លោកនោម​អាចឆ្លងចូលដល់ស្បូន​បាន​ព្រោះសរីរាង្គទាំងពីរ​នេះ​នៅជិតគ្នា។ លើសពីនេះទៅទៀត​ការទប់នោមធ្វើឱ្យប្លោកនោម​រីកធំដែលអាច​អាចបន្ថែម​សម្ពាធដល់ស្បូន។ កាត់បន្ថយភាពតានតឹងផ្លូវចិត្ត​៖ ការមានភាពតានតឹងខ្លាំងអាចជះឥទ្ធិពលអវិជ្ជមានដល់ស្បូន និងអាច​បណ្តាលឱ្យមករដូវមិនទៀង។ យើងអាចកាត់បន្ថយភាពតានតឹងដោយធ្វើសមាធិ ហាត់យូហ្កា ឬធ្វើ​សកម្មភាពកម្សាន្តផ្សេងៗ។ ចៀសវាងការជក់បារី៖ ការសិក្សាបានបង្ហាញថា ការជក់បារីកាត់បន្ថយលទ្ធភាព​នៃការមាន​ផ្ទៃ​ពោះ ព្រោះអាច​ប៉ះពាល់ដល់អូវែ និងប៉ះពាល់​ដល់​សមត្ថភាព​របស់ស្បូន​ក្នុងការឱ្យ​អំប្រ៊ីយ៉ុង​បង្ក​កំណើត។ ចៀសវាងញុំាគ្រឿងស្រវឹងច្រើន និងញឹកញាប់៖  គ្រឿងស្រវឹងកាត់បន្ថយ​កម្រិត​អ័រម៉ូន​តេស្តូស្តេរ៉ូន និងបង្កើនកម្រិតអ័រម៉ូនអឺស្ត្រូសែន។ បញ្ហានេះអាចបណ្តាលឱ្យស្រ្តីក្តៅក្រហល់ក្រហាយ មករដូវមិនទៀង ពិបាក​មានផ្ទៃពោះ ឬរក្សាគភ៌ និងឈឺសុដន់។ កាត់បន្ថយការញុំាជាតិកាហ្វេអ៊ីន៖ ការញុំាជាតិកាហ្វេអ៊ីនច្រើនអាចបណ្តាលឱ្យរលូតកូន និងបង្កឱ្យមានផលវិបាកសុខភាព។ ជាតិកាហ្វេអ៊ីនបង្កើនការផលិតអ័រម៉ូនអឺស្ត្រូសែន និង​អាច​បង្កឱ្យមានដុំសាច់ក្នុងស្បូន។ ចៀសវាងការអង្គុយ​យូរ​៖ ការអង្គុយយូរពេក​អាចធ្វើឱ្យស្ទះ​ចរន្តឈាមនៅ​ក្នុង​តំបន់អាងត្រគាក​ដែលបណ្តាលឱ្យជញ្ជាំងស្បូនកាន់តែក្រាស់ និងបង្កើនឱកាសនៃការកើតជំងឺ endometriosis (ជាលិកាស្រដៀងនឹងស្រទាប់ស្បូនដុះនៅក្នុងអូវែ និងដៃស្បូន)។ ដូច្នេះបើយើងអង្គុយធ្វើការយូរ យើងគួរក្រោកដើរឲ្យ​បាន​ញឹក​ញាប់​។ ធ្វើលំហាត់ប្រាណ៖ ការដើរ ការរត់ ការរត់ជិះកង់ ឬ​ការរាំ មិនត្រឹម​តែល្អចំពោះ​សុខភាព​យើង​ប៉ុណ្ណោះទេ ថែមទាំងបង្កើនចលនាឈាមរត់នៅតំបន់អាងត្រគាកទៀតផង។ ការធ្វើលំហាត់​ប្រាណពង្រឹងសាច់​ដុំអាងត្រគាកអាចជួយទប់ស្បូនមិនឱ្យធ្លាក់ចុះក្រោម។ អ្នកជំនាញបានលើក​ឡើង​ថា ការហែលទឹក ២ ម៉ោងក្នុងមួយសប្តាហ៍អាចកាត់បន្ថយការឈឺខ្នង បន្ថយការឈឺ​ចាប់​ពេល​មករដូវ និងជួយក្នុងការសម្រាលកូន។ គ្រប់គ្រងទម្ងន់កុំឱ្យធាត់ពេក៖ ការធាត់លើស​គីឡូពេកធ្វើឱ្យមានជាលិកាខ្លាញ់​ច្រើន […]

បញ្ហាស្ត្រីផ្សេងទៀត

ស្រី​ៗ​​គ្នា​យើង​ធ្លាប់​ជួប​បញ្ហា​ឈឺ​​ចុង​សុដន់​​ឬ​ទេ? ពិត​ណាស់​ អាការៈ​ឈឺ​ចុង​សុដន់​អាច​អម​ជាមួយ​​នឹង​​រោគសញ្ញា​ផ្សេង​ទៀត​ដូចជា​ឈឺ​សុដន់​ ហូរ​សារធាតុ​រាវ​ចេញ​ពី​ចុង​សុដន់ ដុំ​ពក​ក្នុង​សុដន់​ រមាស់​ស្បែក​ ឬ​​ស្បែក​មាន​ការ​ប្រែប្រួល​។ អាការៈ​ឈឺ​ចាប់​​នៅ​ចុង​សុដន់​នេះ​ កើត​ឡើង​ជា​ទូទៅ​ចំពោះ​ស្រី​ៗ​យើង​នៅ​ពេល​ណា​មួយ​​ ជា​ពិសេស​នៅ​អំឡុង​ពេល​យើង​បំបៅ​ដោះ​កូន​តែ​ម្តង​។ យ៉ាង​ណា​មិញ ការ​បំបៅ​ដោះ​កូន​មិន​មែន​ជា​មូលហេតុ​តែ​មួយ​គត់​ ដែល​បង្ក​ជា​អាការៈ​ឈឺ​ចុង​សុដន់​នោះ​ទេ កត្តា​ទាំង​​៥​​​នេះ​ក៏​អាច​ធ្វើ​ឲ្យ​យើង​ឈឺ​ចុង​សុដន់​ដូច​គ្នា​។ ១. ការ​បង្ក​រោគ​ ការ​ឈឺ​ចុង​សុដន់​អាច​បណ្ដាល​មក​ពី​វិបត្តិ​ជាក់លាក់​ ពិសេស​ការ​រលាក​ ។ ទាំង​រោគ​រលាក​សុដន់​  និង​អាប់សែ​សុដន់ សុទ្ធ​តែ​អាច​ធ្វើ​ឲ្យ​យើង​ឈឺ​ចុង​សុដន់​។ ជា​ទូ​ទៅ ការ​ឈឺចាប់​​ដែល​កើត​ឡើង​ដោយ​ការ​បង្ក​រោគ អាច​នាំ​ឲ្យ​សុដន់​មាន​​ស្នាម​ក្រហម​ ហើម​ ឬ​​ឈឺចាប់​នៅ​ពេល​ប៉ះពាល់​។ បើ​ស្រី​ៗ​យើង​សង្កេត​ឃើញ​សញ្ញា​នៃ​ការ​បង្ក​រោគ​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ ទើប​ជា​ការ​ប្រសើរ​។ កម្មវិធី​ពិនិត្យ​​ជំងឺ​មហារីក​សុដន់​​​អន​ឡាញ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. ប្រែប្រួល​អ័រម៉ូន​ មូលហេតុ​ទូទៅ​មួយ​ទៀត​នៃ​ការ​ឈឺ​ចុង​សុដន់​ ដែល​កើត​លើ​ស្រី​ៗ​មិន​បំបៅ​ដោះ​កូន​ អាច​មក​ពី​ការ​ប្រែប្រួល​អ័រម៉ូន​។ ជា​ធម្មតា វា​កើត​ឡើង​មុន​ពេល​មក​រដូវ​ពីរ​បី​ថ្ងៃ ​ឬ​នៅ​ពេល​ទើប​មាន​ផ្ទៃពោះ​។ ដោយ​សារ​តែ​អតុល្យភាព​អ័រម៉ូន​ ការ​ផលិត​អ័រម៉ូន​Estrogen និង​Progesterone ​មាន​ការ​រំខាន ជា​ហេតុ​នាំ​ឲ្យ​ឈឺ​​ចុង​សុដន់​។ ដើម្បី​បង្ការ​ការ​ឈឺ​សុដន់​មុន​ពេល​មក​រដូវ គ្នា​យើង​គប្បី​ញ៉ាំ​អាហារ​សុភាព ហាត់​ប្រាណ កាត់បន្ថយ​ជាតិ​កាហ្វេអ៊ីន​ និង​គ្រឿង​ស្រវឹង​។ ៣. រង​របួស ជួនកាល​ របួស​សុដន់​ ឬ​ជញ្ជាំង​ទ្រូង ដូច​ជា​ការ​ទាញ​សាច់ដុំ​ ឬ​ការ​រលាក​នៅ​ឆ្អឹងជំនី​ ក៏​អាច​​បង្ក​ជា​ការ​ឈឺចាប់​នៅ​សុដន់​ និង​ចុង​សុដន់​ផង​ដែរ​។ ៤. […]

បញ្ហាស្ត្រីផ្សេងទៀត

គ្នា​យើង​ឲ្យ​តែ​និយាយ​ពី​បញ្ហា​ស្បែក ​គឺ​តែង​តែ​រក​គ្រប់​វិធី​ដើម្បី​ចង់​បាន​ស្បែក​ស្អាត​ម៉ត់​រលោង​ និង​ក្មេង​ជាង​វ័យ។ ការ​ថែទាំ​ស្បែក​និង​ជម្រើស​ពី​របៀប​រស់នៅ​​ក៏​អាច​ជួយ​ពន្យារ​ភាព​ចាស់​តាម​ធម្មជាតិ​ និង​ការពារ​បញ្ហា​ស្បែក​ផ្សេងៗ​ផង​ដែរ។ ខាង​ក្រោម​នេះ​គឺ​ជា​តិចនិក​មួយ​ចំនួន​ដែល​ជួយ​ឲ្យ​ស្រីៗ​គ្នា​យើងទទួល​បាន​ស្បែក​ស្អាត។ ១.ការពារ​ខ្លួន​អ្នក​ពី​ពន្លឺ​ព្រះ​អាទិត្យ វិធី​សំខាន់​បំផុត​ក្នុង​ការ​ថែរក្សា​ស្បែក​ គឺ​យើង​ត្រូវ​ការពារ​ខ្លួន​ពី​ពន្លឺ​ព្រះអាទិត្យ​ ព្រោះ​ការ​ប៉ះ​នឹង​កម្ដៅ​ថ្ងៃ​យូរ​​អាច​បណ្ដាល​ឱ្យ​យើង​មាន​ស្នាម​ជ្រីវ​ជ្រួញ​ និង​បញ្ហា​ស្បែក​ផ្សេង​ទៀត​ព្រម​ទាំង​អាច​បង្កើន​ហានិភ័យ​ជា​ជំងឺ​មហារីក​ស្បែក​ផង​ដែរ។ ដើម្បី​ការពារ​ស្បែក​យើង​ពី​ពន្លឺ​ព្រះអាទិត្យ​យើង​ត្រូវ៖ ប្រើ​ឡេ​ការពារ​កម្ដៅ​ថ្ងៃ​ដែល​មាន​កម្រិត SPF យ៉ាង​តិច ១៥ ដោយ​លាប​ឲ្យ​​បាន​ច្រើន​រៀង​រាល់ ២ ម៉ោង​ម្ដង ​ឬ​ញឹក​ញាប់​ជាង​នេះ។ ស្វែង​រក​ម្លប់​ដើម្បី​ជៀស​វាង​ពី​កម្ដៅ​ព្រះអាទិត្យ​នៅ​ចន្លោះ​ម៉ោង ១០ ព្រឹក​ដល់​ម៉ោង ៤ រសៀ ល​ព្រោះ​ជា​ពេល​ដែល​កាំ​រស្មី​ព្រះអាទិត្យ​ក្ដៅ​ខ្លាំង​បំផុត។ ស្លៀក​ពាក់​អាវ​វែង​គ្រប​ស្បែក​របស់​យើង​ពី​ពន្លឺ​ព្រះអាទិត្យ​ប្រសិន​បើ​ចេញ​ទៅ​ខាង​ក្រៅ។ ២.កុំ​ជក់​បារី ការ​ជក់​បារី​ធ្វើ​ឱ្យ​ស្បែក​របស់​យើង​មើល​ទៅ​ចាស់​ជាង​វ័យ​ និង​បង្ក​ឲ្យ​មាន​ភាព​ជ្រីវ​ជ្រួញ ហើយ​ថែម​ទាំង​ធ្វើ​ឱ្យ​សរសៃ​ឈាម​តូចៗ​ដែល​នៅ​ក្នុង​ស្រទាប់​ខាង​ក្រៅ​នៃ​ស្បែក​កាត់​បន្ថយ​លំហូរ​ឈាម​ និង​ធ្វើ​ឱ្យ​ស្បែក​ស្រអាប់​ផង​ដែរ។ វា​ក៏​អាច​ធ្វើ​ឱ្យ​ស្បែក​បាត់​បង់​អុកស៊ីសែន ​និង​សារ​ធាតុ​ចិញ្ចឹម​ដែល​មាន​សារ​សំខាន់​ចំពោះ​សុខភាព​ស្បែក​ទៀត​ផង។ ការ​ជក់​បារី​ ក៏​បំផ្លាញ​ ខូឡាជែន​  ភាពរលាស់នៃ​ស្បែគ​ ​និង​ភាព​យឺត​របស់​​ស្បែក​។ លើស​ពី​នេះ​បារី ក៏​បង្កើន​ហានិភ័យ​នៃ​ជំងឺ​មហារីក​កោសិកា​ស្បែក​ squamous ។ ៣.ញាំ​របប​អាហារ​សុខភាព របប​អាហារ​​ល្អ​ គឺ​អាច​​ធ្វើ​ឲ្យ​យើង​មាន​​សុខភាព​ល្អ។ ដើម្បី​សុខ​ភាព​ស្បែក យើង​គួរ​ញាំ​ផ្លែ​ឈើ បន្លែ​ ​ពពួក​គ្រាប់​ធញ្ញជាតិ​ និង​អាហារ​ដែល​សម្បូរ​ប្រូតេអ៊ីន​ឲ្យ​បាន​ច្រើន។ តាម​ការ​ស្រាវ​ជ្រាវ​បាន​លើក​ឡើង​ថា​ការ​ញាំ​អាហារ​ដែល​សម្បូរ​ដោយ​សារធាតុ​ខ្លាញ់​ដូច​ជា​ខ្លាញ់​ត្រី​ឬ​សារធាតុ​បំប៉ន​ដែល​គេ​យក​ចេញ​ពី​ខ្លាញ់​ត្រី កាបូអ៊ីដ្រាត​កែច្នៃ​ទាប ​អាច​ជួយ​ឱ្យ​ស្បែក​ក្មេង​ជាង​វ័យ។ ការ​ញ៉ាំ​ទឹក​ឱ្យ​បាន​ច្រើន​គ្រប់​គ្រាន់​ក៏​ជួយ​រក្សា​ស្បែក​របស់​យើង​មាន​សំណើម​ផ​ងដែរ​។ ៤.គ្រប់​គ្រង​ភាព​តាន​តឹង ពេល យើង មិន អាច គ្រប់គ្រង ភាព​តាន​តឹង​បាន​ នោះ​អាច​ធ្វើ​ឱ្យ​ស្បែក​របស់​យើង​ងាយ​នឹង​ប្រតិកម្ម​ និង​បង្ក​ឱ្យ​កើត​មាន​មុន​ ព្រម​ជាមួយ​បញ្ហា​ស្បែក​ផ្សេង​ទៀត។ ដើម្បី​ធ្វើ​ឱ្យ​ស្បែក​មាន​សុខភាព​ល្អ​យើង​ត្រូវ​គ្រប់​គ្រង​ភាព​តាន​តឹង​របស់​យើង​ដោយ […]