ជំងឺស្រុតស្បូន គឺសំដៅលើសរីរាង្គមួយ ឬច្រើនក្នុងចំណោមសរីរាង្គជាប់រចនាសម្ព័ន្ធគ្នា ដូចជា ស្បូន ចុងពោះវៀនធំ ប្លោកនោម និងបំពង់បង្ហួរនោម ចុះខ្សោយ ឬខូច ធ្វើឲ្យសុ្រតខុសទីតាំងដើម។ ហើយបើគ្មានការព្យាបាលត្រឹមត្រូវទេ សរីរាង្គទាំងនេះ នឹងបន្តស្រុតចុះរហូត លៀនចេញមកក្រៅទ្វារមាសតែម្តង។
បើតាមការផ្សព្វផ្សាយរបស់មន្ទីរពេទ្យកាល់ម៉ែត ស្រុតស្បូនជាជំងឺជួបប្រទះលើស្ត្រីវ័យចំណាស់ ដោយអាចមានចេញរោគសញ្ញាដូចជា មានសភាពតឹងៗ ឬមានដុំ Bulge vaginal ខាងក្នុង ឬខាងក្រៅទ្វារមាស ពិបាកនោម ពិបាកបន្ទោបង់ ឈឺចុករួយចង្កេះ។
មូលហេតុបង្ក
– សម្រាលកូនធំពេក៖ សម្រាលកូនតែងធ្វើឲ្យខូចខាតលើជាលិកា សាច់ដុំ និងសរសៃពួរខាងក្នុង និងជុំវិញទ្វារមាស។ លើសពីនេះ សម្រាលប្រើពេលយូរ (ពិបាកសម្រាល) ឬបេប៊ីមានទំហំធំ កាន់តែធ្វើឲ្យខូចខាតខ្លាំងឡើង។ ករណីនេះ ជាមូលហេតុចម្បង នាំឲ្យប្លោកនោមស្រុតចុះទៅក្នុងទ្វារមាស ជួនកាលបំពង់បង្ហួរនោមស្រុតចុះមកជាមួយផងដែរ។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
– អស់រដូវ៖ ដោយសារអ័រម៉ូនអឺស្ត្រូសែន មាននាទីជួយរក្សាសាច់ដុំ រួមនិងជាលិកាទ្រទ្រង់សរីរាង្គក្នុងអាងត្រគាកឲ្យរឹងមាំ អស់រដូវបរិមាណអ័រម៉ូនធ្លាក់ចុះ បង្កឲ្យសរីរាង្គចុះខ្សោយដូចគ្នា។
– កាត់ស្បូន៖ ស្បូនជាសរីរាង្គសំខាន់ដែលទ្រទ្រង់ផ្នែកខាងលើទ្វារមាស។ នៅពេលស្បូនត្រូវ កាត់ចោល សាច់ដុំផ្នែកខាងលើទ្វារមាស នឹងធ្លាក់ស្រុតចុះមករន្ធទ្វារមាសតែម្តង នាំឲ្យសរសៃពួរនៅជុំវិញ ចាប់ផ្តើមទទួលរងសម្ពាធ បណ្តាលឲ្យពោះវៀនតូចស្រុតចុះមកផងដែរ។
![មហារីកស្បូន](https://cdn.hellokrupet.com/wp-content/uploads/2023/02/Re-opt-46.jpg)
– ជាលិកាសន្ឋានមិនប្រក្រតី
– មានបញ្ហាទាក់ទងសរសៃប្រសាទ និងជាលិកា
– ធ្លាប់វះកាត់សរីរាង្គក្នុងអាងត្រគាកពីមុន (វះកាត់សម្រាលកូន)។