បញ្ហាមុន ជាការរលាកស្បែករ៉ាំរ៉ៃ ដែលច្រើនតែកើតលើផ្ទៃមុខ ប៉ុន្តែក៏អាចកើតលើស្មា ខ្នង ក ទ្រូង និងដើមដៃផងដែរ។ ពិតណាស់ មានមូលហេតុផ្សេងៗជាច្រើនដែលនាំឲ្យកើតមុន។ ក្នុងករណីដែលស្រីៗយើង កើតមុនតែនៅលើកន្លែងខ្លះនៃផ្ទៃមុខ នោះអាចបង្កឡើងដោយសារបាក់តេរី និងធូលីដីដែលនៅជុំវិញខ្លួន។ យ៉ាងណាមិញ គ្នាយើងអាចសាកល្បងតិចនិកមួយចំនួន ដើម្បីបង្ការបញ្ហាមុននេះប្រកបដោយប្រសិទ្ធភាព។
គន្លឹះបង្ការបញ្ហាមុនតែនៅលើផ្នែកខ្លះនៃផ្ទៃមុខ
១. ជូតសម្អាតទូរស័ព្ទដៃឲ្យស្អាតជានិច្ច
ពិតណាស់ ទូរស័ព្ទដៃផ្ទុកបាក់តេរី និងមេរោគជាច្រើន ហើយដាក់ទូរស័ព្ទដៃនៅលើផ្ទៃមុខ និងនិយាយរយៈពេលយូរ អាចបន្សល់ទុកធូលីដី និងបាក់តេរីនៅក្នុងរន្ធញើស ដែលជាហេតុនាំឲ្យស្ទះរន្ធញើស និងបង្កជាបញ្ហាមុនបាន។ ហេតុនេះយើងត្រូវសម្អាតទូរស័ព្ទដៃឲ្យស្អាតជានិច្ច។
២. បោកគក់ស្រោមខ្នើយជាទៀងទាត់
ទន្ទឹមនឹងនេះដែរ ខ្នើយដែលយើងគេងកើយជារៀងរាល់យប់ អាចកកកុញទៅដោយធូលីដី ក៏ដូចជាខ្លាញ់ពីផ្ទៃមុខយើង ព្រមទាំងផលិតផលថែរក្សាស្បែកផ្សេងៗ។ មួយវិញទៀត ស្រោមខ្នើយដែលធ្វើពីកប្បាស ងាយប្រមូលផ្ដុំបាក់តេរី និងភ្នាក់ងារបង្កអាលែកហ្ស៊ី ដែលបណ្ដាលឲ្យស្បែកងាយនឹងកើតមុន។ ដូច្នេះហើយ គ្នាយើងគួរផ្លាស់ប្ដូរស្រោមខ្នើយឲ្យបានញឹកញាប់ និងជារៀងរាល់២ ឬ៣ថ្ងៃម្ដង ទើបជាការប្រសើរ។
៣. ជៀសវាងប៉ះពាល់ផ្ទៃមុខពេលដៃកខ្វក់
គ្នាយើងដឹងអត់ថា ការប៉ះពាល់ផ្ទៃមុខញឹកញាប់ ដោយមិនបានលាងសម្អាតដៃឲ្យបានស្អាតជាមុន អាចនាំឲ្យបាក់តេរី និងធូលីដីឆ្លងទៅកាន់ផ្ទៃមុខបាន ដែលបង្កឲ្យមានការកើតមុនបានយ៉ាងងាយ។
[embed-health-tool-bmi]
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
៤. ចងសក់ឲ្យបានត្រឹមត្រូវ
នៅពេលដែលយើងមិនចងសក់ឲ្យបានត្រឹមត្រូវទេនោះ សក់ដែលឡើងប្រេង អាចប៉ះនឹងផ្ទៃមុខ ព្រមទាំងអាចបង្កជាការស្ទះរន្ធញើស។ ជួនកាល ផលិតផលថែរក្សាសក់ រួមមានស្រ្ពៃយ៍បាញ់សក់ ជែល ឬប្រេងលាបសក់ ក៏អាចបណ្ដាលឲ្យស្បែកប្រតិកម្ម និងឡើងប្រេងលើសកម្រិត ជាហេតុនាំឲ្យកើតមុនលើថ្ងាសដូចគ្នា។
ចំណុចសំខាន់
- ប្រើទូរសព្ទដៃកខ្វក់ និងមិនបានជូតសម្អាត
- មិនបានបោកគក់ស្រោមខ្នើយឲ្យបានទៀងទាត់
- ចូលចិត្តយកដៃស្ទាបអង្អែលផ្ទៃមុខដោយមិនបានលាងសម្អាតដៃជាមុន
- មិនបានចងសក់ឲ្យបានត្រឹមត្រូវ។
