តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ទម្លាប់​ពេល​ព្រឹក​ទាំង ​៤ អាចបំផ្លាញ​​សុខភាព​ស្បែក​​​មិន​ដឹង​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

    ទម្លាប់​ពេល​ព្រឹក​ទាំង ​៤ អាចបំផ្លាញ​​សុខភាព​ស្បែក​​​មិន​ដឹង​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

    ការ​ថែទាំ​ស្បែក​​​​ មាន​សារសំខាន់​ណាស់​ចំពោះ​ស្រី​ៗ​យើង​ ដើម្បី​ទទួល​បាន​ស្បែក​ដ៏​ស្រស់​ស្អាត និង​ក្មេង​ជាង​វ័យ​។ យ៉ាង​ណា​មិញ កំហុស​នៃ​ការ​ថែទាំ​ស្បែក​មួយ​ចំនួន​ អាច​នឹង​បំផ្លាញ​សម្រស់​យើង​ដោយ​មិន​ដឹង​ខ្លួន។ ដូច្នេះ​ហើយ​ ដើម្បី​ជៀសវាង​បញ្ហា​ផ្សេង​ៗ​នៃ​ស្បែក​ ដូចជា​ការ​កើត​​មុន​ ស្នាម​ជ្រីវជ្រួញ​មុន​វ័យ​​ យើង​គប្បី​ជៀសវាង​កំហុស​ឆ្គង​​ពេល​ព្រឹក​ទាំង​នេះ​។

    ១. ញ៉ាំ​ម្សៅ​Oatmeal​រៀងរាល់​ព្រឹក​

    ថ្វី​ត្បិត​តែ​ការ​ញ៉ាំ​ម្សៅ​Oatmealនៅ​ពេល​​ព្រឹក​ល្អ​ចំពោះ​សុខភាព​ក៏​ពិត​មែន​ ប៉ុន្តែ​បើ​យើង​ញ៉ាំ​រាល់​ព្រឹក ​អាច​បំផ្លាញ​រាងកាយ​ និង​ស្បែក​របស់​យើង​បាន​។ ជាក់​ស្ដែង​ ការ​ញ៉ាំ​ម្សៅ​Oatmeal​ញឹកញាប់​ពេក​ អាច​បង្អាក់​រាងកាយ​យើង​មិន​ឲ្យ​ទទួល​បាន​សារធាតុ​ចិញ្ចឹម​សំខាន់​ៗ​ផ្សេង​ទៀត​ ដែល​ជា​ហេតុ​នាំ​ឲ្យ​មាន​កង្វះ​អាហារូបត្ថម្ភ ក៏​ដូចជា​ធ្វើ​ឲ្យ​ស្បែក​របស់​យើង​ស្ងួត និង​ប្រេះ​។

    ២. ងូត​ទឹក​យូរ​ពេក​

    ទម្លាប់​​ងូត​ទឹក​ក្ដៅ​ឧណ្ហ​ៗ​រយៈពេល​វែង អាច​ជួយ​ឲ្យ​យើង​មាន​អារម្មណ៍​ស្រស់ស្រាយ​នៅ​ពេល​ព្រឹក​ ជា​ពិសេស​នៅ​ពេល​ដែល​អាកាសធាតុ​ចុះ​​ត្រជាក់​។ ប៉ុន្តែ​ទម្លាប់​មួយ​នេះ​ ​អាច​បំផ្លាញ​សុខភាព​ស្បែក​របស់​យើង​ដោយ​មិន​ដឹង​ខ្លួន​។ ទឹក​ក្ដៅ​អាច​បំផ្លាញ​ស្រទាប់​ការពារ​ស្បែក​ដែល​ជួយ​ទប់​សំណើម ​ជា​ហេតុ​នាំ​ឲ្យ​ស្បែក​ឆាប់​ចាស់​។

    ៣. ញ៉ាំ​កាហ្វេ​មុនអាហារ​ពេល​ព្រឹក​

    កាហ្វេ​មិន​ត្រឹម​តែ​ឆ្ងាញ់​ប៉ុណ្ណោះ​ទេ​ ថែម​ទាំង​ផ្ដល់​​អត្ថប្រយោជន៍​ដល់​ស្បែក​របស់​យើង​ផង​ដែរ​។ ប៉ុន្តែ បើ​យើង​ផឹក​កាហ្វេ​​ជា​រៀង​រាល់​ថ្ងៃ​​មុន​ពេល​ញ៉ាំ​អាហារ​ពេល​ព្រឹក​ ភេសជ្ជៈ​មួយ​ប្រភេទ​នេះ​អាច​​ផ្ដល់​ផល​ប៉ះពាល់​ចំពោះ​ស្បែក​ទៅ​វិញ​។ ពិត​ណាស់​ កាហ្វេ​ជា​ថ្នាំ​បញ្ចុះ​ទឹក​នោម​ ដែល​អាច​បណ្ដាល​ឲ្យ​យើង​ខ្សោះ​ជាតិ​ទឹក ក៏​ដូចជា​ពិបាក​ក្នុង​ការ​បណ្ដេញ​ជាតិ​ពុល​ពី​រាងកាយ​តាម​ស្បែក ​ជា​ហេតុ​នាំ​ឲ្យ​​លេច​ឡើង​ស្នាម​ជ្រីវជ្រួញ​មុន​វ័យ​។

    ទម្លាប់បំផ្លាញស្បែក២

    ៤. លាប​ក្រែម​ការពារ​កម្ដៅ​ថ្ងៃ​ តែ​ពេល​ចេញ​ក្រៅ​

    ជាមួយ​គ្នា​នេះ​ដែរ ក្រែម​ការពារ​កម្ដៅ​ថ្ងៃ​ អាច​ជួយ​ការពារ​ស្បែ​ក​ នៅ​ពេល​ដែល​យើង​ចេញ​ទៅ​ខាង​ក្រៅ​ក្នុង​រដូវ​ក្ដៅ ប៉ុន្តែ​ការ​លាប​ក្រែម​ការពារ​កម្ដៅ​ថ្ងៃ​ជា​រៀង​រាល់​ថ្ងៃ​ ទោះ​ជា​ពេល​ដែល​យើង​នៅ​ផ្ទះ អាច​ជួយ​ការពារ​ស្បែក​កុំ​ឲ្យ​វិវត្ត​ទៅ​រក​ភាព​ចាស់​។ ដូច្នេះ​ហើយ​ ស្រី​ៗ​យើង​គប្បី​លាប​ក្រែម​ការពារ​កម្ដៅ​ថ្ងៃ​ជា​ប្រចាំ​ មិន​ថា​ត្រូវ​ចេញ​ទៅ​ខាង​ក្រៅ ឬ​នៅ​ក្នុង​ផ្ទះ​នោះ​ទេ​។

    health-tool-icon

    គណនាថ្ងៃសម្រាលកូន

    ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

    រយៈពេល​វដ្ដរដូវ

    28 ចំំនួន​ថ្ងៃ​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    ​6 Morning Habits That Can Damage Your Skin

    https://brightside.me/inspiration-health/6-morning-habits-that-can-damage-your-skin-804238/

    These 6 Morning Habits Can Damage Your Skin, You Know!

    https://1news.my.id/2021/11/21/these-6-morning-habits-can-damage-your-skin-you-know/

    Three reasons your morning routine could be ruining your skin and how to fix it

    https://www.dailyrecord.co.uk/lifestyle/three-reasons-your-morning-routine-25395405

    រូបថត​របស់​អ្នក​និពន្ធbadge
    ដោយ នូ សោភ័ណ្ឌ កែសម្រួល​ចុងក្រោយ 25/11/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: