ម៉ាក់ៗពេលឃើញកូនទើបកើតមានស្នាមខៀវៗនៅស្បែកប្រាកដជាមានការព្រួយបារម្ភខ្លះៗ ព្រោះខ្លាចជាប់រហូតពេញមួយជីវិត។ ចំពោះបញ្ហាស្នាមខៀវស្រាល ឬខៀវក្រមៅលើស្បែកទារកនេះ លោកវេជ្ជបណ្ឌិត ប៉ែន កក្កដា បានឲ្យដឹងថា វាមិនមែនជារឿងធំដុំគួរឲ្យគិតឡើយ។
គ្រូពេទ្យឯកទេសកុមារនៅមន្ទីរពេទ្យកុមារជាតិរូបនេះបានបន្តទៀតថា ស្នាមខៀវនេះហៅថា Mongolian spot គឺជារឿងធម្មតានៃការបម្រែបម្រួលពណ៌ស្បែក ដែលមានតាំងពីកំណើតរបស់ទារក ឬមួយរយៈក្រោយកើតរួច ហើយវានឹងបាត់ទៅវិញនៅពេលកូនមានអាយុ ៤-៥ ឆ្នាំ។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ក្នុងករណីនេះលោកវេជ្ជបណ្ឌិត ប៉ែន កក្កដា បានបញ្ជាក់ថា កើតឡើងដោយសារបម្រែបម្រួលអ័រម៉ូន ព្រោះកោសិកាដែលផលិតជាតិពណ៌លើស្បែក Melanocyte វាបានបង្កើតជាតិពណ៌ច្រើនលើសកម្រិត រីឯមូលហេតុធ្វើឲ្យបង្កើតខុសប្រក្រតីបែបនោះ អ្នកវិទ្យាសាស្ត្រមិនទាន់រកឃើញនៅឡើយទេ។ ចំណែកឯទីតាំងដែលស្នាមខៀវឧស្សាហ៍ឃើញកើតមានជាងគេ ជើង គូទ ខ្នង ហើយមានមួយចំនួនតូចនៅលើមុខដែរ។
[embed-health-tool-child-growth-chart]
ចំពោះផលប៉ះពាល់ចំពោះទារកវិញ ម្ចាស់បន្ទប់ពិគ្រោះជំងឺកុមារខាងលើបានបន្ថែមទៀតថា មិនមានអ្វីដែលអាក្រក់ចំពោះសុខភាពរាងកាយ ឬស្នាមនោះធ្វើឲ្យមានការឈឺចាប់ឡើយ គ្រាន់តែវាប៉ះពាល់ដល់ផ្នែកសម្រស់តែប៉ុណ្ណោះ បើមាននៅលើមុខ។
បើគិតរកថ្នាំដើម្បីលាបបំបាត់ក៏គ្មានដែរ ព្រោះដល់ពេលវានឹងរលុបដោយឯងៗ ហើយភាគច្រើនក្រោមអាយុ ១០ ឆ្នាំ ហើយមួយវិញទៀតស្នាមខៀវនេះ វាខុសពីស្នាមដៅខ្មៅៗ ឬក្រហម។
អត្ថបទគួរអាន៖
- ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា
- គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន
- ឃើញសញ្ញាទាំងនេះ អាចថាអូនៗកំពុងមានបញ្ហាប្រព័ន្ធរំលាយអាហារហើយ
- សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង?
- អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស
- កូនកើតជំងឺពងបែកមាត់ដៃជើងគួរថែទាំម៉េច?
