ការថែទាំប្រដាប់ភេទរបស់ទារក និងទារិកា ទើបកើតមានសារសំខាន់ណាស់ ដើម្បីបញ្ចៀសការឆ្លងមេរោគ និងជួយឲ្យកូនមានសុខភាពល្អ។ ពិតណាស់ ដើម្បីសម្អាតប្រដាប់ភេទរបស់ទារក ឬទារិកា ម៉ាក់ៗគប្បីប្រើទឹកក្ដៅឧណ្ហ ជាមួយនឹងសំឡី។ បន្ថែមពីនេះ យើងក៏អាចបន្ថែមសាប៊ូមិនមានជាតិកាត់ ប៉ុន្តែម៉ាក់ៗត្រូវសម្អាតសាប៊ូនោះចេញពីប្រដាប់ភេទកូនឲ្យបានស្អាតល្អដែរ។

ជាមួយគ្នានេះដែរ ម៉ាក់ៗអាចលាងសម្អាតប្រដាប់ភេទកូន នៅពេលផ្លាស់ប្ដូរខោទឹកនោម និងនៅពេលងូតទឹកផងដែរ។

ការសម្អាតប្រដាប់ភេទរបស់ទារក

ម៉ាក់ៗគប្បីសម្អាតប្រដាប់ភេទ និងពងស្វាសរបស់កូនថ្នមៗជាមួយនឹងទឹកក្ដៅឧណ្ហៗ និងសំឡី។ បន្ទាប់មក សម្ងួតបរិវេណនោះ ដោយជូតថ្នមៗជាមួយនឹងកូនកន្សែង។ លើសពីនេះ យើងគួរសម្អាតតែផ្នែកខាងក្រៅនៃស្រោមចុងប្រដាប់ភេទ គឺគ្រប់គ្រាន់ហើយ។ ពិតណាស់ វាគឺជារឿងធម្មតាប៉ុណ្ណោះ ដែលសារធាតុពណ៌សល្អក់ (ហៅថាSmegma) ប្រមូលផ្គុំខាងក្រោមស្បែកគ្របចុងប្រដាប់ភេទ។ សារធាតុនេះគឺកកើតចេញពីកោសិកាស្បែកងាប់ និងសារធាតុរាវបញ្ចេញពីប្រដាប់ភេទ តាមធម្មជាតិ ដែលយើងមិនចាំបាច់បារម្ភឡើយ។

ការសម្អាតបបូរយោនីរបស់ទារិកា

ក្រែមលាបការពារកន្ទួលដោយសារខោទឹកនោម ញើស និងសារធាតុផ្សេងទៀតអាចប្រមូលផ្ដុំនៅក្នុង និងជុំវិញបរិវេណបបូរយោនី។ ប៉ុន្តែជាទូទៅ ម៉ាក់ៗត្រូវសម្អាតនៅខាងក្នុង និងបរិវេណបបូរយោនី ដើម្បីជម្រះលាមកចេញ។

ដើម្បីលាងសម្អាតបបូរយោនីរបស់ទារិកា យើងត្រូវប្រើសំឡី និងទឹកក្ដៅឧណ្ហៗ ដោយកាន់ជើងកូនឲ្យញែកពីគ្នា និងជូតសម្អាតនៅចន្លោះបបូរយោនីជាមួយនឹងសំឡី។ ចាប់ផ្ដើមជូតពីផ្នែកខាងមុខទៅខាងក្រោយថ្នមៗ។ យ៉ាងណាមិញ ប្រសិនបើម៉ាក់ៗចាំបាច់ជូតម្ដងទៀត គួរប្រើសំឡីថ្មីទើបប្រសើរ។ បន្ទាប់មក សម្ងួតបរិវេណប្រដាប់ភេទកូនថ្នមៗ ដោយប្រើកូនកន្សែងស្អាត។

ថែទាំកូន

មួយវិញទៀត ចូរកុំប្រើទឹកអនាម័យនៅក្នុងប្រដាប់ភេទកូនឲ្យសោះ ពីព្រោះវាអាចប៉ះពាល់ដល់តុល្យភាពគីមីធម្មជាតិនៃប្រដាប់ភេទរបស់ទារិកា ព្រមទាំងអាចបង្កើតហានិភ័យនៃការឆ្លងមេរោគថែមទៀតផង។

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

នៅពេលខ្លះ ទារិកាអាចមានធ្លាក់ទឹករម្អិលល្អក់ក្រាស់ដែលយើងមិនចាំបាច់ធ្វើការសម្អាតចេញឡើយ។ ប្រសិនម៉ាក់ៗមិនប្រាកដអំពីការធ្លាក់ទឹករម្អិលនេះ ចូរពិគ្រោះយោបល់ជាមួយនឹងគ្រូពេទ្យកុមារ។

អត្ថបទគួរអាន៖

តិចនិក​ងាយ​ៗ​សម្រាប់ម៉ាក់ៗថែទាំ​ និង​សម្អាត​ប្រដាប់​​ភេទកូនទើបកើត

​ការ​សម្អាត​ប្រដាប់​ភេទ​របស់​ទារក

ការ​សម្អាត​បបូរ​យោនី​របស់​ទារិកា​

តិចនិកងាយៗសម្រាប់ម៉ាក់ៗថែទាំ និងសម្អាតប្រដាប់ភេទកូនទើបកើត

ការសម្អាតប្រដាប់ភេទរបស់ទារក

ការសម្អាតបបូរយោនីរបស់ទារិកា