ជាទូទៅទារកដែលមានសីតុណ្ហភាពរាងកាយចុះទាបខ្លាំង អាចមានបបូរមាត់ ឬម្រាមដៃពណ៌ខៀវ និងអាចមានអាការៈទន់ល្ហិតល្ហៃ ឬឈឺ។ តើប៉ាម៉ាក់ឆ្ងល់អត់ថា ម៉េចបានកូនទើបកើតមានសីតុណ្ហភាពរាងកាយត្រជាក់ម្ល៉េះ?
១. អាចបាត់បង់កម្ដៅយ៉ាងឆាប់រហ័ស
ពិតណាស់ នៅពេលដែលទារកទើបកើតភ្លាមៗ កូននៅមិនទាន់អាចសម្របទៅនឹងការប្រែប្រួលសីតុណ្ហភាពខាងក្រៅ ដូចទៅនឹងមនុស្សពេញវ័យឡើយ។ មួយវិញទៀត សួតរបស់កូននៅមិនទាន់អភិវឌ្ឍបានល្អ ដែលជាហេតុនាំឲ្យទារកបាត់បង់កម្ដៅភ្លាមៗ រហូតដល់ជិត៤ដងលឿនជាងមនុស្សពេញវ័យ។ ថ្វីត្បិតតែទារកដែលមានសុខភាពល្អ អាចមានសីតុណ្ហភាពរាងកាយទាបក៏ពិតមែន ប៉ុន្តែបើសីតុណ្ហភាពទាបខ្លាំងពេក ក៏អាចបង្ហាញពីបញ្ហាសុខភាពធ្ងន់ធ្ងរដូចគ្នា។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
២. ទារកមិនអាចគ្រប់គ្រងសីតុណ្ហភាពរាងកាយរបស់ខ្លួនបាន
ទន្ទឹមនឹងនេះដែរ ទារកទើបកើតច្រើនតែមានសីតុណ្ហភាពរាងកាយទាប ដោយសារតែអាអូនមិនអាចគ្រប់គ្រងសីតុណ្ហភាពរាងកាយបានប្រសើរដូចមនុស្សពេញវ័យ។ ចំណែកឯកត្តាជាច្រើនទៀត ដូចជាអាកាសធាតុត្រជាក់ ឬមិនបានជូតខ្លួនឲ្យកូនឲ្យស្ងួតល្អក្រោយងូតទឹករួច ក៏រួមចំណែកធ្វើឲ្យសីតុណ្ហភាពរាងកាយក្មេងចុះទាបដែរ។
៣. បបូរមាត់ ម្រាមដៃពណ៌ខៀវ និងសំឡេងយំខ្សោយៗ
ក្នុងករណីដែលទារកកើតមិនគ្រប់ខែ ឬមិនគ្រប់គីឡូ រាងកាយរបស់អាអូនរងផលប៉ះពាល់ទៅនឹងការប្រែប្រួលសីតុណ្ហភាព ដែលជួនកាលអាចបង្កជាជំងឺធ្ងន់ធ្ងរ និងអាចបាត់បង់ជីវិតក៏មាន។ ទារកដែលមានសីតុណ្ហភាពទាបខ្លាំង មានបបូរមាត់ និងម្រាមដៃពណ៌ខៀវ ព្រមទាំងមានអាការៈល្ហិតល្ហៃ និងមិនស្រួលខ្លួន។
[embed-health-tool-child-growth-chart]
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
៤. ការប៉ះស្បែកនឹងស្បែករវាងកូន និងម៉ាក់
ពេលខ្លះ ប្រសិនបើទារកសម្រាលនៅកន្លែងដែលត្រជាក់ នោះសីតុណ្ហភាពរាងកាយរបស់ក្មេងក៏ចុះត្រជាក់។ ដោយសារតែហេតុនេះហើយ ទើបគ្រូពេទ្យបានដាក់កូនឲ្យប៉ះទៅនឹងស្បែកម៉ាក់ភ្លាមៗ ហើយអាចពន្យារពេលងូតទឹកដំបូងឲ្យអាអូនរហូតដល់១២ម៉ោងក្រោយ។
