ក្មេងជំទង់ប្រឈមនឹងបញ្ហាផ្លូវចិត្តជាច្រើន អំឡុងពេលនៃការអភិវឌ្ឍ និងលូតលាស់របស់ខ្លួន ហើយទំនាក់ទំនងរវាងប៉ាម៉ាក់ និងកូន ក៏អាចមានការប្រែប្រួលផងដែរ នៅពេលដែលក្មេងកាន់តែមានភាពឯករាជ្យ។ ពិតណាស់ ប៉ាម៉ាក់អាចពិបាកប្រឈមនឹងបញ្ហាមួយនេះ និងនាំឲ្យមានការខកចិត្ត ច្របូកច្របល់ ឬជម្លោះរវាងប៉ាម៉ាក់ ហើយនិងកូនផងក៏មាន។ ហេតុនេះហើយ ការយល់ដឹងពីឫសគល់នៃបញ្ហា មានសារៈសំខាន់ណាស់ ដើម្បីឲ្យយើងស្វែងរកដំណោះស្រាយដ៏សមស្របក្នុងការអប់រំ និងទូន្មានកូនប្រកបដោយប្រសិទ្ធភាព។