ជាទូទៅ វ័យជំទង់ជាវ័យដែលងាយប្រឈមនឹងបញ្ហាផ្លូវចិត្តខ្លាំងជាងគេ ហើយក្មេងដែលស្ថិតនៅវ័យនេះ ច្រើនតែកើតមានអាការៈថប់បារម្ភ បាក់ទឹកចិត្ត ដែលជាហេតុនាំឲ្យកូនចេះគេចសាលារៀន ភ័យខ្លាច គេងមិនលក់ មិនឃ្លានអាហារ ឬប្រែប្រួលអារម្មណ៍ញឹកញាប់។ ជួនកាល កូនចាប់ផ្ដើមបាត់បង់ទំនុកចិត្តលើរូបរាងខ្លួនឯង និងអាចគិតរឿងអវិជ្ជមានផ្សេងៗក៏មាន។ ដូច្នេះហើយ ប៉ាម៉ាក់គួរតែព្យាយាមជួយកូនឲ្យគេចផុតពីបញ្ហាផ្លូវចិត្តទាំងនេះ ដោយអនុវត្តន៍តាមវិធីសាស្ត្រមួយចំនួន។
បើក្មេងជំទង់ប្រឈមនឹងបញ្ហាផ្លូវចិត្ត ប៉ាម៉ាក់អាចជួយកូនតាមវិធីទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. លើកទឹកចិត្តឲ្យកូនចែករំលែកអារម្មណ៍ជាមួយប៉ាម៉ាក់
- ជជែកលេងជាមួយកូនឲ្យបានច្រើនដើម្បីបង្កើនភាពស្និទ្ធស្នាល។
- បង្ហាញអារម្មណ៍របស់យើងថា ប៉ាម៉ាក់នៅក្បែរកូន និងចាំស្ដាប់ពីបញ្ហា និងគំនិតរបស់កូន ក៏ដូចជាចាំជួយជ្រោមជ្រែងកូនជានិច្ច។
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
២. គាំទ្រកូន
- បង្កើតទម្លាប់ថ្មីៗរួមគ្នា និងសម្រេចគោលដៅប្រចាំថ្ងៃ ដូចជាការធ្វើកិច្ចការសាលារៀនឲ្យរួចរាល់ មុនពេលញ៉ាំអាហារពេលល្ងាច។
- ពិតណាស់ ក្មេងជំទង់តែងត្រូវការពេលវេលាផ្ទាល់ខ្លួន ដូច្នេះហើយ ប៉ាម៉ាក់គួរទុកពេលឲ្យកូនរៀនស្វែងយល់ពីខ្លួនឯងខ្លះ។
- ស្វែងរកវិធីមួយចំនួន ដើម្បីគាំទ្រ និងលើកទឹកចិត្តកូនឲ្យសម្រាកខ្លះពីកិច្ចការផ្សេងៗ ដូចជាកិច្ចការសាលារៀន ការងារផ្ទះ ឬសកម្មភាពផ្សេងៗ ដើម្បីធ្វើរឿងរ៉ាវដែលកូនពេញចិត្ត។ ប្រសិនបើកូនមានអារម្មណ៍ខឹងមួម៉ៅ ប៉ាម៉ាក់គួរស្វែងរកដំណោះស្រាយដ៏សមស្របជាមួយនឹងកូន។ លើសពីនេះ យើងមិនគួរដាក់សម្ពាធលើកូនជ្រុលពេក ដោយឲ្យក្មេងធ្វើតាមអ្វីដែលយើងប្រាប់ទាំងអស់នោះឡើយ។
អត្ថបទគួរអាន៖
៣. រួមគ្នាដោះស្រាយជម្លោះ
- ស្ដាប់ពីគំនិតរបស់កូន និងព្យាយាមដោះស្រាយជម្លោះតាមសន្តិវិធី។
- ជៀសវាងជជែកពីបញ្ហានៅពេលដែលយើងកំពុងតែខឹង។
- ស្មោះត្រង់ និងនិយាយដោយបើកចំហជាមួយនឹងកូន ដូចជាប្រាប់ឲ្យកូនដឹងថាពេលខ្លះ ប៉ាម៉ាក់ក៏ប្រឈមនឹងបញ្ហាស្រ្តេសដូចគ្នា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម