សុខភាពកូនក្មេងខុសពីយើងមនុស្សពេញវ័យដោយសារប្រព័ន្ធការពាររាងកាយក្មេងមិនទាន់រឹងមាំខ្លាំង ជាហេតុបណ្ដាលឲ្យអាអូនងាយកើតជំងឺតូចតាចដូច រលាកបំពង់ក ឬរលាកទងសួតជាដើម។ ពេលខ្លះ បើអាអូនមានជំងឺរលាកបំពង់ក ឬរលាកសួត អាចធ្វើឲ្យមេរោគចូលទៅដល់ក្នុងឈាម ហើយឡើងទៅដល់ស្រោមខួរក្បាល បណ្ដាលឲ្យរលាកស្រោមខួរក្បាលបាន។
ទន្ទឹមនឹងនេះ ជំងឺរលាកស្រោមខួរក្បាលដោយ Meningococcal អាចបង្កភាពធ្ងន់ធ្ងរ ហើយក៏អាចបង្កហានិភ័យសុខភាពយូរអង្វែងក្រោយព្យាបាលរួច។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
អ្វីទៅជាជំងឺរលាកស្រោមខួរក្បាល Meningococcal?
ជំងឺ Meningococcal បណ្ដាលមកពីបាក់តេរីហៅថា Neisseria meningitidis ហើយវាអាចឆ្លងបានតាមរយៈទឹករម្អិលពីអ្នកឈឺ។ ជំងឺ Meningococcal ជាការឆ្លងមេរោគដ៏កម្រមួយ ប៉ុន្តែមានភាពធ្ងន់ធ្ងរ និងអាចគំរាមកំហែងដល់អាយុជីវិត។ រោគសញ្ញានៃជំងឺរលាកស្រោមខួរក្បាលប្រភេទនេះ អាចលេចឡើងភ្លាមៗ ហើយយើងអាចស្លាប់បានយ៉ាងឆាប់រហ័ស ក្នុងករណីមិនបានទទួលការព្យាបាលទេនោះ។
រោគសញ្ញានៃជំងឺរលាកស្រោមខួរក្បាល Meningococcal
ជំងឺ Meningococcal មានរោគសញ្ញាជាច្រើនអាស្រ័យទៅលើភាពធ្ងន់ធ្ងររបស់វា ហើយទារក និងកុមារតូចមានរោគសញ្ញាខុសគ្នាពីក្មេងធំ និងមនុស្សពេញវ័យ។
- កន្ទួលក្រហម ឬស្វាយ ឬមានស្នាមជាំធំ
- គ្រុនក្ដៅ
- ឈឺក្បាល
- រឹងក
- មិនអាចសម្លឹងរបស់ភ្លឺបាន
- ចង្អោរ ឬក្អួត
- រាករូស
- មានអារម្មណ៍មិនស្រួលខ្លួន
រោគសញ្ញាបន្ទាប់បន្សំ៖ បាត់បង់ចំណង់អាហារ វង្វេង អស់កម្លាំងល្ហិតល្ហៃ (លើក្មេងតូច) ពិបាកនិយាយ ឆេវឆាវ ឬមួម៉ៅច្រើន (លើក្មេងតូច)។
ផលពិបាករយៈពេលយូរអង្វែងក្រោយកើតជំងឺរលាកខួរក្បាល Meningococcal មានដូចជា ឈឺសន្លាក់ មានស្នាមលើស្បែក ត្រចៀកស្ដាប់មិនឮ ឈឺក្បាល ខ្សោយតម្រងនោម ឬថ្លើម មើលមិនឃើញ ឬស្រវាំងភ្នែក។
ចំពោះជំងឺរលាកស្រោមខួរក្បាលប្រភេទនេះ ជម្រើសបង្ការដ៏ល្អបំផុតនោះគឺការចាក់ថ្នាំបង្ការដែលបានណែនាំដោយអង្គការសុខភាពពិភពលោកទៅតាមអាយុរបស់កុមារ។
ចំណុចសំខាន់
- ជំងឺរលាកស្រោមខួរក្បាលដោយ Meningococcal អាចបង្កភាពធ្ងន់ធ្ងរ ហើយក៏អាចបង្កហានិភ័យសុខភាពយូរអង្វែងក្រោយព្យាបាលរួច។
- វាអាចឆ្លងបានតាមរយៈទំនាក់ទំនងយ៉ាងជិតស្និទ្ធ និងយូរជាមួយនឹងទឹករម្អិលពីអ្នកឈឺ។
- រោគសញ្ញាជាច្រើនអាស្រ័យទៅលើភាពធ្ងន់ធ្ងររបស់វា ហើយទារក និងកុមារតូចមានរោគសញ្ញាខុសគ្នាពីក្មេងធំ និងមនុស្សពេញវ័យ។
- ជំងឺរលាកស្រោមខួរក្បាលប្រភេទនេះ ជម្រើសបង្ការដ៏ល្អបំផុតនោះគឺការចាក់ថ្នាំបង្ការដែលបានណែនាំដោយអង្គការសុខភាពពិភពលោក។
អត្ថបទពាក់ព័ន្ធ៖
- កូនទើបកើតរលាកកញ្ចក់ភ្នែក ម៉ាក់ប៉ាគួរធ្វើបែបណា?
- ជំងឺរលាកសួតលើកុមារ គ្រោះថ្នាក់ណាស់! ចុះធ្វើម៉េចអាចដឹងកូនកំពុងរលាក?
- ខែក្តៅ អូនតូចៗងាយនឹងរលាកទងសួត ម៉ាក់ប៉ាត្រូវដឹងពីរោគសញ្ញានិងវិធីការពារ
- មកដឹងលម្អិតពីរោគសញ្ញាជំងឺរលាកស្រោមខួរលើកូនក្មេង
- វិធីការពារកូនតូចៗពីជំងឺរលាកទងសួត និងរលាកបំពង់ក
- ក្មេងៗ ប្រើក្បាលតែតបាល់ ប្រឈមបញ្ហារបួសខួរក្បាលគួរឲ្យបារម្
[embed-health-tool-heart-rate]
