រឿងឈឺធ្មេញមួយ កុំថាឡើយក្មេងសូម្បីតែយើងធំហើយក៏ខ្លាចដែរ ពិសេសឈឺពេលយប់តែម្តង។ បញ្ហាឈឺធ្មេញ គឺចៀសមិនផុតទេ ពិសេសកូនៗ ពេលខ្លះបើឈឺជំនួសបានម៉ាក់ប៉ាសុខចិត្តទទួលកុំឲ្យកូនយំ កម្សត់ បនេះ។ កុំធ្វើដូចពិបាកពេក គ្មានប៉ាម៉ាក់ណាអាចឈឺជំនួស អូនៗបានទេ ប៉ុន្តែប៉ាម៉ាក់អាចជួយអូនៗបានដោយគ្រាន់តែចេះតិចនិកងាយៗទាំងនេះ។
១- វិធីដោះស្រាយអាការៈឈឺធ្មេញជំហានដំបូងចំពោះក្មេងៗ
បើសិនជាអូនៗមានបញ្ហាឈឺធ្មេញ ពិសេសនៅពេលយប់ ក្នុងផ្ទះអត់មានថ្នាំ ប៉ាម៉ាក់អាចសាកល្បងវិធីរំងាប់ការឈឺចាប់បែបធម្មជាតិបាន ដោយប្រើអំបិលជា និងទឹកក្តៅ។ ទោះយ៉ាងណា វិធីនេះអាចប្រើបានលុះត្រាតែអូនៗធំគ្រប់គ្រាន់ចេះបៀម និងខ្ពុរទឹកចេញមកក្រៅប៉ុណ្ណោះ។ បើតាមការណែនាំពីទន្តពេទ្យអាមេរិក (American Academy of Pediatric Dentistry) ប៉ាម៉ាក់ អាចឲ្យអូនៗបៀមទឹកក្តៅឧណ្ហៗ លាយជាមួយអំបិល ដើម្បីជួយកាត់បន្ថយអាការៈរលាកក្នុងមាត់ ដែលជាមូលហេតុបង្កឲ្យឈឺធ្មេញ។ ប៉ាម៉ាក់អាចប្រើអំបិលមួយស្លាបព្រាបាយលាយជាមួយទឹកមួយកូនកែវជ័រ ហើយឲ្យអូនៗបៀមខ្ពុរក្នុងមាត់ រង់ចាំមួយសន្ទុះ នៅពេលអូនៗមានអារម្មណ៍ស្ពឹកលែងសូវឈឺចាប់ចាំខ្ជាក់ចោល។
បើវិធីនេះនៅតែមិនបានផល ប៉ាម៉ាក់អាចសាកបិទប៉ុងត្រជាក់នៅថ្ពាល់ខាងក្រៅ កន្លែងដែលធ្មេញខាងក្នុងកំពុងឈឺ ដើម្បីកាត់បន្ថយសម្ពាធហើមក្នុងមាត់ជួយឲ្យអាការៈឈឺធ្មេញធូរស្រាលបាន។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
២- ជំហានបន្ទាប់គឺប្រើថ្នាំបំបាត់ការឈឺចាប់
ថ្នាំបំបាត់ការឈឺចាប់ដែលអាចប្រើបានដោយមិនចាប់បាច់វេជ្ជបញ្ជា គួរតែមាននៅក្នុងផ្ទះជាស្រេច។ ឲ្យថ្នាំប្រឆាំងការរលាកក្នុងមាត់ទៅកូន ដោយកម្រិតថ្នាំអាស្រ័យទៅតាមអាយុ (សាកសួរឱសថការី ឬអាចមើលនៅលើប្រអប់ថ្នាំពីការណែនាំ)។ ជាការល្អ គួរតែឲ្យថ្នាំប្រភេទស៊ីរ៉ូមទៅក្មេង ព្រោះថ្មាំគ្រាប់ខ្លះដែលត្រូវទំពារនាំឲ្យក្មេងពិបាកលេប។
កាន់តែពិសេសមួយទៀត ប្រេងកូឡា (Clove oil) ក៏អាចប្រើជាថ្នាំបំបាត់ការឈឺចាប់ និងប្រឆាំងបាក់តេរីក្នុងមាត់ធ្មេញដូចគ្នា ដោយប៉ាម៉ាក់អាចប្រើសំឡីបៀកប្រេងកូឡា និងបិទទៅលើកន្លែងដែលរងផលប៉ះពាល់នៅជុំវិញធ្មេញកំពុងឈឺ។
បើតិចនិកទាំងនេះនៅតែមិនអាចជួយបានទៀត ជំហានបន្ទាប់កុំរង់ចាំឲ្យអាការៈឈឺធ្មេញរបស់កូនបាត់ដោយឯកឯងអី ព្រោះនឹងធ្វើឲ្យប៉ះពាល់សុខភាពក្មេង គួរប្រញាប់ទៅរកឱសថស្ថានណាបើកលក់ថ្នាំ ២៤ម៉ោង រកថ្នាំព្យាបាលអាការៈឈឺធ្មេញណា មានផ្ទុកបន្ថែមជាតិប្រេងកូឡា និងមានសុវត្ថិភាពសម្រាប់ក្មេង។
អត្ថបទពាក់ព័ន្ធ៖
- តិចនិករើសយកច្រាសដុះធ្មេញ ជួយធ្មេញកាន់តែមានសុខភាពល្អ
- តិចនិកបង្រៀនកូចតូចៗឲ្យចេះដុសសម្អាតធ្មេញ
- វិធីថែធ្មេញកូន មិនឲ្យខូចដោយសារញ៉ាំស្ករគ្រាប់ ឬចំណីផ្អែមៗ
- មិនចង់ឲ្យកូនឈឺធ្មេញតាំងពីតូច ម៉ាក់ប៉ាគួរធ្វើម៉េច?
- កូនបៅទឹកដោះគោម្សៅ ត្រូវប្រយ័ត្នបញ្ហាពុកធ្មេញព្រោះកំប៉ុងទឹកដោះគោ
- សុខភាពមាត់ធ្មេញកុមារសំខាន់ណាស់ ម៉ាក់ប៉ាយកចិត្តទុកដាក់ឲ្យមែនទែន
ចំណុចសំខាន់
- ជំហានដំបូង ប៉ាម៉ាក់អាចសាកល្បងវិធីរំងាប់ការឈឺចាប់បែបធម្មជាតិបាន ដោយឱ្យកូនខ្ពុរមាត់ជាមួយអំបិល និងទឹកក្តៅ
- ជំហានបន្ទាប់គឺប្រើថ្នាំបំបាត់ការឈឺចាប់
[embed-health-tool-vaccination-tool]
