ជំងឺគ្រុនពោះវៀន បង្កឡើងដោយបាក់តេរីម្យ៉ាងឈ្មោះថា Salmonella typhi ហើយការបង្ករោគចម្បងនោះតាមរយៈចំណីអាហារ បរិភោគទឹកមិនស្អាត ការលាងសម្អាតដៃមិនស្អាតក្រោយបន្ទោរបង់ ឬនៅពេលចាប់កាន់ចំណីអាហារ។ នៅពេលដែលបាក់តេរីឆ្លងចូលទៅក្នុងរាងកាយក្មេង វានឹងរាលដាលទៅដល់ចរន្តឈាម។ ជំងឺគ្រុនពោះវៀន អាចបង្កគ្រោះថ្នាក់ធ្ងន់ធ្ងរដល់កូនតូចបាន បើប៉ាម៉ាក់មិនប្រយ័ត្ន!
ជាទូទៅ ជំងឺគ្រុនពោះវៀនអាចកើតឡើងភ្លាមៗ ឬបន្តិចម្តងៗក្នុងរយៈពេលពីរបីសប្តាហ៍។ ជំងឺនេះ អាចបណ្តាលឲ្យក្មេងក្តៅខ្លួន ឈឺពោះ និងឈឺចាប់រយៈពេលមួយ ឬពីរសប្តាហ៍ក្រោយឆ្លងបាក់តេរី។
ក្នុងករណីដែលមិនធ្វើការព្យាបាលទេនោះ អាអូនអាចនឹងស្រកទម្ងន់ ហើមពោះ ឬឡើងស្នាមក្រហមនៅទ្រូងផ្នែកខាងក្រោម ឬពោះផ្នែកខាងលើ។ ជំងឺគ្រុនពោះវៀនអាចបន្តរហូតដល់មួយខែ ឬច្រើនខែ ឬអាចគ្រោះថ្នាក់ដល់អាយុជីវិតថែមទៀងផង។
