រដូវកាលបុណ្យទាន ការដើរលេងកំសាន្តជួបជុំគ្រួសារ គឺជាការផ្តល់នូវការយកចិត្តទុកដាក់ និងភាពកក់ក្តៅដល់ក្រុមគ្រួសារទាំងមូល។ យ៉ាងណាមិញ សម្រាប់ប៉ាម៉ាក់ដែលនាំកូនៗដើរលេង អំឡុងពេលមានមនុស្សច្រើនកុះករ គួរយល់ដឹងពីវិធីបង្ការ និងដោះស្រាយភ្លាមៗ នៅពេលដែលកុមារជួបបញ្ហាខ្យល់គរ។
ជាទូទៅ ប្រសិនបើលំហូរឈាមទៅកាន់ខួរក្បាល មានការធ្លាក់ចុះ កុមារអាចប្រឈមនឹងបញ្ហាខ្យល់គរ។ ជាក់ស្តែង អាការៈមួយនេះកើតឡើងដោយសារតែកង្វះជាតិទឹក ឈរយូរពេក កម្តៅ បញ្ហាសុខភាព ថប់បារម្ភ ស្រ្តេស ឬឃ្លានជាដើម។
សញ្ញា និងរោគសញ្ញានៃអាការៈខ្យល់គរកើតលើកុមារ
- វិលមុខ និងធីងធោង
- បែកញើស
- ចង្អោរ
- ចង្វាក់បេះដូងលោតញាប់
- ងងឹតមុខ
- ញ័រដៃ និងស្លេកស្លាំង
ក្នុងករណីដែលកុមារ បម្រុងនឹងខ្យល់គរ ប៉ាម៉ាក់អាចអនុវត្តន៍វិធីសាស្រ្តដូចខាងក្រោម៖
- ដាក់ឲ្យកូនអង្គុយចុះ ឬគេងភ្លាមៗ នៅពេលដែលកុមារមានអាការៈធីងធោង
- បង្កើនជាតិទឹកក្នុងរាងកាយ ដោយឲ្យកូនញ៉ាំទឹកឲ្យបានច្រើន នៅពេលសីតុណ្ហភាពក្តៅខ្លាំង
ប៉ុន្តែ គួរជៀសវាងភេសជ្ជៈដែលមានជាតិស្ករ ឬកាហ្វេអ៊ីន ពីព្រោះភេសជ្ជៈប្រភេទនេះ ធ្វើឲ្យក្មេងខ្សោះជាតិទឹកកាន់តែខ្លាំង
- ណែនាំឲ្យកូនងើបអង្គុយ ឬក្រោកឈរឡើងយឺតៗ ពីព្រោះការផ្លាស់ប្តូរឥរិយាបថភ្លាមៗ អាចនាំឲ្យកើតមានអាការៈខ្យល់គរ
- ប្រសិនបើក្មេងឧស្សាហ៍ខ្យល់គរ សន្លប់ ឬវិលមុខ គ្រូពេទ្យអាចចេញវេជ្ជបញ្ជាក្នុងការប្រើប្រាស់ថ្នាំដល់កុមារ។
[embed-health-tool-child-growth-chart]
ប្រសិនបើកូនខ្យល់គរ ប៉ាម៉ាក់គួរតែ៖
- ដាក់ឲ្យកូនគេងផ្ទាល់នៅលើទីតាំងខ្យល់គរ រហូតដល់កូនដឹងខ្លួនឡើងវិញ ដើម្បីជួយឲ្យលំហូរឈាមធ្វើដំណើរទៅកាន់ខួរក្បាលវិញ
- ជៀសវាងសំលៀកបំពាក់រឹបណែបពេក
- កុមារភាគច្រើន នឹងដឹងខ្លួនភ្លាមៗ បន្ទាប់ពីខ្យល់គរ ប៉ុន្តែប្រសិនបើកូនមិនប្រសើរឡើងវិញទេ ប៉ាម៉ាក់គួរប្រញាប់បញ្ជូនកូនទៅកាន់មន្ទីរពេទ្យ។
ប៉ាម៉ាក់គួរនាំកូនទៅកាន់មន្ទីរពេទ្យភ្លាមៗ ក្នុងករណី៖
- ក្មេងដួល និងមានរបួស ឬចេញឈាម
- ឈឺទ្រូង ឈឺក្បាល
- បបូរមាត់ ឬផ្ទៃមុខឡើងខៀវ
- ពិបាកដកដង្ហើម
- វង្វេងស្មារតី
- មិនដឹងខ្លួន
- មានបញ្ហាគំហើញ។
ចំណុចសំខាន់
ជាទូទៅ ប្រសិនបើលំហូរឈាមទៅកាន់ខួរក្បាល មានការធ្លាក់ចុះ កុមារអាចប្រឈមនឹងបញ្ហាខ្យល់គរ។ ជាក់ស្តែង អាការៈមួយនេះកើតឡើងដោយសារតែកង្វះជាតិទឹក ឈរយូរពេក កម្តៅ បញ្ហាសុខភាព ថប់បារម្ភ ស្រ្តេស ឬឃ្លានជាដើម។
សញ្ញា និងរោគសញ្ញានៃអាការៈខ្យល់គរកើតលើកុមារ
សញ្ញា និងរោគសញ្ញានៃអាការៈខ្យល់គរកើតលើកុមារ
- វិលមុខ និងធីងធោង
- បែកញើស
- ចង្អោរ
- ចង្វាក់បេះដូងលោតញាប់
- ងងឹតមុខ
- ញ័រដៃ និងស្លេកស្លាំង
អត្ថបទពាក់ព័ន្ធ៖
- ម៉ាក់ប៉ាប្រយ័ត្នណា កូនតូចៗងាយនឹងកើតជំងឺ ៤ មុខនេះបំផុតនាខែក្តៅ
- ខែក្តៅ កុំឲ្យកូនតូចញ៉ាំអាហារប៉ុន្មានមុខនេះឲ្យសោះ
- មូលហេតុទាំងនេះ ធ្វើឲ្យកូនតូចរាករូសញឹកញាប់ ម៉ាក់ប៉ាមិនត្រូវមើលរំលង
- វិធីងាយៗនេះអាចជួយអូនតូចៗបាន ពេលរាកតិចតួច
- នេះមូលហេតុសំខាន់ៗ និងរោគសញ្ញាចាំបាច់ បើកូនរាក
