គ្រុនឈាមត្រឡប់មកវិញហើយ! ក្រុមមនុស្សទាំងនេះ គួរប្រយ័ត្នឱ្យមែនទែន!

ជំងឺគ្រុនឈាម បង្កឡើងដោយមូសខ្លាញី ដែលជាទូទៅខាំនៅពេលថ្ងៃ ប៉ុន្តែជំងឺនេះមិនឆ្លងពីមនុស្សម្នាក់ទៅមនុស្សម្នាក់ផ្សេងទៀត តាមរយៈការប៉ះពាល់ ឬខ្យល់អាកាសឡើយ។

សម្គាល់រោគសញ្ញានៃជំងឺគ្រុនឈាមបែបណា?

ចំពោះរោគសញ្ញានៃជំងឺគ្រុនឈាមអាចលេចឡើងក្នុងរយៈពេល៤ ទៅ១០ថ្ងៃបន្ទាប់ពីសត្វមូសខាំ។ ហើយរោគសញ្ញាទាំងនេះរួមមាន៖

• ក្តៅខ្លួនខ្លាំងភ្លាមៗ

• ឈឺក្បាលខ្លាំង

• ឈឺសាច់ដុំ

• មានកន្ទួលក្រហមតូចៗ

• ក្អួត និងចង្អោរ

• អស់កម្លាំង

• ចេញឈាមតិចតួច (ឈាមអញ្ចាញ ឬច្រមុះ)

[embed-health-tool-vaccination-tool]

ក្នុងករណីធ្ងន់ធ្ងរ អ្នកជំងឺអាចមានរោគសញ្ញាព្រមានទាំង ៦ នេះ ដែលមានដូចជា៖

• ក្អួតមិនបាត់

• ពិបាកដកដង្ហើម

• ក្អួតមានឈាម ឬលាមកមានឈាម

• ឈឺពោះ

• រសេះរសោះ

• ផ្លាកែតចុះទាប

ប្រសិនបើមិនធ្វើការព្យាបាលទាន់ពេលវេលាទេនោះ ជំងឺគ្រុនឈាមអាចបណ្តាលឱ្យខូចសរីរាង្គណាមួយក្នុងរាងកាយ ឬអាចបាត់បង់ជីវិតផងក៏មាន។

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

អ្នកណាខ្លះមានហានិភ័យខ្ពស់កើតជំងឺគ្រុនឈាមធ្ងន់ធ្ងរ?

ស្របពេលដែលជំងឺគ្រុនឈាមអាចប៉ះពាល់ដល់អ្នកគ្រប់គ្នា ប៉ុន្តែក្រុមមនុស្សខ្លះងាយប្រឈម និងមានហានិភ័យខ្ពស់ជាងគេ៖

• ទារក និងកុមារ
•  មនុស្សចាស់ ឬអ្នកមានជំងឺទឹកនោមផ្អែម ឬលើសសម្ពាធឈាម សុទ្ធតែអាចប្រឈមនឹងផលប៉ះពាល់ធ្ងន់ធ្ងរ
• ស្រ្តីពពោះ ដែលអាចបណ្តាលឱ្យទារកក្នុងផ្ទៃកើតមិនគ្រប់គីឡូ សម្រាលមុនខែ ឬធ្លាក់ឈាមច្រើន
• អ្នកដែលមានជំងឺហឺត ឬប្រព័ន្ធភាពស៊ាំប្រឆាំងនឹងខ្លួនឯង

បង្ការយ៉ាងម៉េច?

• លាបក្រែមការពារមូស
• ស្លៀកសំលៀកបំពាក់ជិតៗ
• គេងក្នុងមុងជានិច្ច
• លុបបំបាត់ចោលប្រភពទឹកដក់នៅក្នុងផ្ទះ និងបរិវេណជុំវិញ។

បន្ថែមពីនេះ គ្នាយើងក៏អាចចាក់វ៉ាក់សាំងបង្ការជំងឺគ្រុនឈាម ដែលអាចរកបាននៅបណ្តាប្រទេសមួយចំនួន រួមទាំងប្រទេសនៅតំបន់អាស៊ីអាគ្នេយ៍យើង។ អ្នកដែលធ្លាប់កើតជំងឺគ្រុនឈាមពីមុន និងអ្នកគ្រប់គ្នា គួរចាក់វ៉ាក់សាំងគ្រុនឈាមដើម្បីការពារខ្លួន ទើបជាការប្រសើរ។ ពាក់ព័ន្ធនឹងផលប៉ះពាល់នៃវ៉ាក់សាំងនេះ គ្នាយើងអាចប្រឈមនឹងអាការឈឺក្បាល ឈឺចាប់នៅត្រង់បរិវេណចាក់ និងគ្រុនក្តៅ។ យ៉ាងណាមិញ គួរពិគ្រោះយោបល់ជាមួយនឹងគ្រូពេទ្យជាមុន មុនពេលទទួលការចាក់វ៉ាក់សាំងបង្ការជំងឺគ្រុនឈាមនេះ។