ជំងឺជើងធំដូចដំរី (Elephantiasis) បង្កឡើងដោយព្រូនប៉ារ៉ាស៊ីតដែលចម្លងដោយមូសញី ហើយភាគច្រើន រោគសញ្ញានៃជំងឺនេះមិនលេចឡើងនោះទេ រហូតដល់ជំងឺឈានដល់ដំណាក់កាលធ្ងន់ធ្ងរ។
យ៉ាងណាមិញ លោកវេជ្ជបណ្ឌិត Krishnakant Debri ជាវេជ្ជបណ្ឌិតជាន់ខ្ពស់នៃទីក្រុងMumbai ប្រទេសឥណ្ឌាបានបង្ហាញថា មានសញ្ញាព្រមានមួយចំនួននៃជំងឺជើងធំដូចដំរីនេះ ដើម្បីឲ្យយើងបានយល់ដឹងធ្វើរោគវិនិច្ឆ័យ និងទទួលបានការព្យាបាលទាន់ពេលវេលា។
រោគសញ្ញាចម្បងមួយនៃជំងឺជើងធំដូចដំរី គឺហើមដៃ និងជើងដោយសារតែការប្រមូលផ្ដុំសារធាតុរាវ។ ជើង ឬដៃម្ខាង អាចហើមធំខុសពីទំហំធម្មតាច្រើនដង ដែលមើលទៅដូចជាជើងដំរី ទើបជំងឺនេះមានឈ្មោះថា ជំងឺជើងធំដូចដំរី។
ចង់ពិនិត្យជំងឺសរសៃឈាមបេះដូង ចុចទីនេះ!
ក្នុងករណីភាគច្រើន បរិវេណស្បែកដែលរងគ្រោះ អាចមានសភាពស្ងួត និងក្រាស់។ បន្ថែមពីនេះ អ្នកជំងឺអាចកើតមានដំបៅ ស្បែកប្រេះ និងខ្មៅ ដោយសារតែកង្វះលំហូរឈាមទៅកាន់ស្បែកបរិវេណនោះ។
ទន្ទឹមនឹងនេះដែរ អ្នកជំងឺអាចមានអារម្មណ៍មិនស្រួលខ្លួន ព្រមទាំងមានរោគសញ្ញាផ្សេងទៀត ដូចជាគ្រុនក្ដៅ និងគ្រុនរងាធ្ងន់ធ្ងរ ដោយសារតែមានកម្ដៅត្រង់កន្លែងរងគ្រោះ ដែលបណ្ដាលមកពីការឆ្លងមេរោគ និងការរលាក។
នៅដំណាក់កាលក្រោយនៃជំងឺនេះ យើងអាចនឹងសង្កេតឃើញការលូតលាស់នៃពងស្វាស។ បន្ថែមពីនេះ ស្បែកខាងក្រោមលិង្គអាចលឹបចូលក្នុង ដែលធ្វើឲ្យយើងមានអារម្មណ៍ឈឺចាប់ និងក្រហាយ ពីព្រោះព្រូនប៉ារ៉ាស៊ីត (Filaria) បំផ្លាញប្រព័ន្ធទឹករងៃនិងបណ្ដាលឲ្យហើមនៅផ្នែកផ្សេងៗនៃរាងកាយ។
អត្ថបទគួរអាន៖
ដូចគ្នាទៅនឹងបុរសដែរ ជំងឺជើងធំដូចដំរីអាចប៉ះពាល់ដល់ប្រដាប់បន្តពូជខាងក្រៅចំពោះស្ត្រី និងអាចបណ្ដាលឲ្យមានដំបៅស្បែកនៅចន្លោះភ្លៅ ក៏ដូចជាធ្វើឲ្យសុដន់រីកធំ។ លើសពីនេះ ជំងឺដែលឆ្លងពីសត្វមូសមួយនេះ ក៏អាចបង្កឲ្យមានការលូតលាស់នៃកូនកណ្ដុរ ដោយសារតែការស្ទះលំហូរឈាមនៅក្នុងកូនកណ្ដុរ និងសុដន់ដូចគ្នា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
5 Early Warning Signs And Symptoms Of Elephantiasis
https://www.thehealthsite.com/photo-gallery/diseases-conditions-early-warning-signs-and-symptoms-of-elephantiasis-b0916-433696/enlarged-breasts-433699/
Elephantiasis
https://rarediseases.org/rare-diseases/elephantiasis/
Lymphatic filariasis
https://www.who.int/news-room/fact-sheets/detail/lymphatic-filariasis
5 Early Warning Signs And Symptoms Of Elephantiasis
https://newsfinale.com/news/diseases-conditions-early-warning-signs-and-symptoms-of-elephantiasis-b0916-433696/
កំណែប្រែបច្ចុប្បន្ន
16/06/2022
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
