រយៈពេលប៉ុន្មានខែមកនេះ ជំងឺអុតស្វាបានរាលដាលជុំវិញពិភពលោក និងបានបង្កជាការព្រួយបារម្ភជាខ្លាំង។ ជំងឺនេះ ជាប្រភេទជំងឺឆ្លងកម្រមួយ ដែលស្ថិតនៅក្នុងអម្បូរជាមួយជំងឺអុតធំ ព្រមទាំងអាចឆ្លងទៅកាន់មនុស្ស និងសត្វ។ ជាក់ស្ដែង ជំងឺអុតស្វាត្រូវបានរកឃើញដំបូងក្នុងឆ្នាំ១៩៥៨ នៅក្នុងប្រទេសអាហ្វ្រិកកណ្ដាល និងខាងលិច។
អង្គការសុខភាពពិភពលោក និងមជ្ឈមណ្ឌលត្រួតពិនិត្យ និងបង្ការជំងឺឆ្លង បានណែនាំកុំឲ្យយើងអេះ ឬប៉ះពាល់ដំបៅនៅលើមាត់ ឬភ្នែក។
ក្នុងករណីធ្ងន់ធ្ងរ យើងចាំបាច់ត្រូវប្រើវ៉ាក់សាំងImmune Globulin (VIG) ជាថ្នាំប្រឆាំងនឹងវីរុសអុតធំ និងត្រូវបានអនុម័តឲ្យប្រើសម្រាប់ព្យាបាលជំងឺអុតស្វានេះតាំងពីខែមករាមកម្ល៉េះ។ មួយវិញទៀត អ្នកជំងឺត្រូវរក្សាជាតិទឹកក្នុងរាងកាយ ក៏ដូចជាញ៉ាំអាហារល្អៗ។
