ខែដំបូងក្នុងឆ្នាំថ្មីកន្លងហួសទៅហើយ តែវីរុសបំប្លែងអូមីក្រុងនៃវីរុសកូវីដ-១៩ នៅបន្តរីករាលដាលមិនឈប់ឈរ ធ្វើឲ្យយើងទៅណាមកណាចិត្តមិនស្រណុកសោះ។ អ្នកវិទ្យាសាស្ត្រកំពុងតែព្យាយាមតាមដានរាល់បម្រែបម្រួលរបស់អូមីក្រុង រួមទាំងរោគសញ្ញាផងដែរ។
ឡើងស្លេស្មក្នុងបំពង់ក អាចជារោគសញ្ញាឆ្លងវីរុសអូមីក្រុង?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ថ្មីៗនេះ វេជ្ជបណ្ឌិត Melanie Swift សហប្រធាននៃក្រុមការងារចែកចាយវ៉ាក់សាំងកូវីដ-១៩របស់ Mayo Clinic បានឆ្លើយតបទៅកាន់សំណួរមួយពាក់ព័ន្ធនឹងវីរុសអូមីក្រុងដែលមនុស្សមួយចំនួនមានចម្ងល់។
មានសំណួរមួយចោទសួរថា ប្រសិនបើយើងមានសម្បោរ ឬស្លេស្មច្រើន ជាពិសេសនៅត្រង់បំពង់កអាចជាសញ្ញានៃជំងឺកូវីដ-១៩ ឬយ៉ាងណា?
ចំពោះសំណួរនេះ ចម្លើយ គឺថា ទេ! វេជ្ជបណ្ឌិតខាងលើបានឲ្យដឹង រោគសញ្ញានៃជំងឺកូវីដ-១៩ ឬវីរុសបំប្លែងនានា ភាគច្រើនមានតែគ្រុនក្ដៅ ក្អក ឈឺក ឬតឹងចម្រុះ (សម្រាប់មនុស្សមួយចំនួន) ប៉ុន្តែមិនមានរោគសញ្ញាណាពាក់ព័ន្ធនឹងការឡើងស្លេស្មច្រើនពេកក្នុងបំពង់កទេ។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
ជាការពិតណាស់ របាយការណ៍ជាច្រើនបានបង្ហាញថា រោគសញ្ញាវីរុសបំប្លែងអូមីក្រុងទូទៅបំផុតមិនមែនជារោគសញ្ញាចេញញឹកញាប់ទាំងបីនៃវីរុសកូរ៉ូណាធម្មតានោះទេ។ រោគសញ្ញាក្អក គ្រុនក្ដៅ និងការបាត់បង់រសជាតិ ឬក្លិន ត្រូវបានគេចាត់ទុកថាជារោគសញ្ញាទូទៅបំផុតនៃជំងឺកូវីដ-១៩។
ផ្ទុយទៅវិញ រោគសញ្ញាដូចជា ឈឺក្បាល បែកញើសពេលយប់ ក្អួត និងបាត់បង់ចំណង់អាហារ សុទ្ធតែជារោគសញ្ញាគួរឲ្យកត់សម្គាល់ដែលលេចឡើងក្រោយឆ្លងវីរុសបំប្លែងអូមីក្រុង។ ទន្ទឹមនឹងនេះ លោក Tim Spector សាស្ត្រាចារ្យផ្នែករោគរាតត្បាតនៅ King’s College London បានប្រាប់កាសែត The Daily Express នៃចក្រភពអង់គ្លេសថា មនុស្សមួយចំនួនតូចចេញរោគសញ្ញាចង្អោរ ក្ដៅខ្លួនតិចៗ ឈឺក្បាល និងឈឺបំពង់ក ក្រោយឆ្លងវីរុសបំប្លែងអូមីក្រុង។
អានបន្ថែម៖
- វីរុសបំប្លែងថ្មី អូមីក្រុង ភាគច្រើនឆ្លងតែក្មេងជាងមនុស្សធំ?
- ដូសទី៤ ដុះអង់ទីករមែន តែមិនទាន់ខ្លាំងដល់កម្រិតការពារអូមីក្រុងបានទេ
- ស្ត្រីពពោះមិនទាន់ចាក់វ៉ាក់សាំងកូវីដ-១៩ បង្កជាក្ដីបារម្ភ ពេលអូមីក្រុងរាតត្បាត
- ដំណឹងល្អ! ថ្នាំគ្រាប់ព្យាបាលកូវីដ២ប្រភេទប្រកាសចេញតែស៊ីពេលផលិត
- អ្នកជាសះស្បើយពីអូមីក្រុង អាចជួបរោគសញ្ញាមួយនេះ
- ហេតុផល ៥យ៉ាង ត្រូវព្យាយាមចៀសវាងការឆ្លងអូមីក្រុងឲ្យបាន
- វីរុសបំប្លែងថ្មី អូមីក្រុង អាចចេញរោគសញ្ញាមួយនេះលើក្មេងក្រោម ៥ ឆ្នាំ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម