ភាគច្រើនអាការៈឈឺបំពង់ក អាចជារោគសញ្ញាមួយនៃជំងឺផ្ដាសាយ។ យ៉ាងណាមិញ មានកត្តាផ្សេងទៀត ដែលនាំឲ្យយើងកើតមានអាការៈឈឺ ឬស្ងួតបំពង់ក។ ហេតុនេះហើយ ដើម្បីដោះស្រាយអាការៈមួយនេះ គ្នាយើងគប្បីស្វែងយល់ពីមូលហេតុបង្កជាមុនសិន។
មាតិកា
នៅសុខៗឈឺបំពង់ក អាចមកពីមូលហេតុទាំងនេះ
១. អាលែកហ្ស៊ី
យើងតែងតែយល់ថា ការរមាស់ និងកណ្ដាស់ជារោគសញ្ញាដំបូងនៃបញ្ហាអាលែកហ្ស៊ី ប៉ុន្តែអាការៈឈឺ និងរមាស់ក ក៏អាចកើតឡើងនៅពេលដែលយើងអាលែកហ្ស៊ីនឹងអ្វីមួយដែរ។ តួយ៉ាងដូចជា លម្អង ធូលី ឬពពួកផ្សិត ក៏អាចបង្កឲ្យមានការរលាកផ្លូវដង្ហើម ជាហេតុនេះឲ្យយើងឈឺកដោយមិនដឹងខ្លួន។
២. កត្តាបរិយាកាស
ទន្ទឹមនឹងនេះដែរ សារធាតុដែលបង្កឲ្យមានការរលាកដូចជាផ្សែង ឬធូលី អាចបណ្ដាលឲ្យយើងមិនស្រួលក្នុងបំពង់ក ដោយសារតែវារំញោចឲ្យមានប្រតិកម្មImmunologicនៅក្នុងច្រមុះ និងបំពង់ក ក៏ដូចជានាំឲ្យមានការរលាក និងបង្កើនការផលិតស្លេស្ម។
៣. ចាល់អាស៊ីដ
ការចាល់អាស៊ីដក៏អាចនាំឲ្យរលាកបំពង់ក ឈឺបំពង់ក ឬក្អកស្ងួត នេះបើយោងតាមវិបសាយរបស់Cleveland Clinic ហើយដោយសារតែការចាល់អាស៊ីដក្រពះកាន់តែយ៉ាប់យ៉ឺននៅពេលយប់ វាអាចធ្វើឲ្យគ្នាយើងកើតមានអាការៈឈឺក នៅពេលព្រឹកក្រោយភ្ញាក់ពីគេងបាន។
៤. ជំងឺ
ក្នុងករណីកម្រខ្លះ អាការៈឈឺកជាប្រចាំអាចជាសញ្ញានៃបញ្ហាសុខភាពធ្ងន់ធ្ងរ ដូចជាមហារីកបំពង់ក ឬជំងឺអេដស៍។ ជាទូទៅ បញ្ហាសុខភាពទាំងនេះ អមជាមួយនឹងរោគសញ្ញាដទៃទៀត ដែលរួមមានពិបាកលេបអាហារ ដុំពកក ស្លេស្មមានឈាម ឬរោគសញ្ញាដែលស្រដៀងនឹងគ្រុនផ្ដាសាយដែរ។
តិចនិកបំបាត់ការឈឺបំពង់ក
ក្នុងករណីដែលអាការៈស្ងួតកនៅពេលព្រឹកមិនបណ្ដាលមកពីជំងឺគ្រុនផ្ដាសាយ គ្នាយើងអាចអនុវត្តតិចនិកទាំងនេះ ដើម្បីបំបាត់បញ្ហាស្ងួតក ឬឈឺបំពង់៖
- ញ៉ាំទឹកក្ដៅឧណ្ហៗ ដូចជាទឹកតែជាមួយទឹកឃ្មុំ
- ញ៉ាំអាហារត្រជាក់ៗ ដូចជាការ៉េម ពីព្រោះវាមានគុណប្រយោជន៍ជួយកាត់បន្ថយការរលាក
- ខ្ពុរទឹកអំបិល
- ងូតទឹកក្ដៅឧណ្ហៗ
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
ពេលណាដែលយើងគួរទៅជួបជាមួយគ្រូពេទ្យ?
ក្នុងករណីដែលអាការៈឈឺបំពង់កនៅតែបន្តលើសពី ៥ថ្ងៃ ព្រមទាំងមានរោគសញ្ញាផ្សេងទៀតអមមកជាមួយ គ្នាយើងគប្បីទៅពិគ្រោះជាមួយគ្រូពេទ្យ ទើបជាការប្រសើរ។
- កន្ទួល
- ឈឺត្រចៀក
- ឈឺសន្លាក់
- ក្ដៅខ្លួនលើសពី ៣៨អង្សាសេ
- ស្លេស្មមានឈាម
- ហើមមុខ
- ដុំពកនៅក្នុងក ឬបំពង់ក
- ពិបាកដកដង្ហើម។
អានបន្ថែម៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
7 Reasons You’re Waking Up With a Sore Throat When You’re Not Sick
https://www.livestrong.com/article/13770323-waking-up-with-sore-throat/
Can You Get a Sore Throat From Sleeping With Your Window Open?
https://health.clevelandclinic.org/can-get-sore-throat-sleeping-open-window/
Why Does My Throat Hurt When I Wake Up?
https://www.bannerhealth.com/healthcareblog/teach-me/why-does-my-throat-hurt-when-i-wake-up
កំណែប្រែបច្ចុប្បន្ន
11/02/2022
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម