ជំងឺទឹកនោមផ្អែមប្រភេទ២ គឺជាកត្តាប្រឈមធំទីបីបន្ទាប់ពីការជក់បារី និងធាត់ជ្រុល ដែលនាំឲ្យកើតមានជំងឺមហារីកលំពែង។ តាមការស្រាវជ្រាវបានរកឃើញថាអ្នកមានជំងឺទឹកនោមផ្អែមប្រភេទ២រយៈពេលយូរ អាចមានហានិភ័យកើតជំងឺមហារីកលំពែងពី១,៥ដង ទៅ២ដងបន្ថែមទៀត។
ខាងក្រោមនេះជាអ្វីដែលអ្នកមានជំងឺទឹកនោមផ្អែមគួរដឹងពីជំងឺមហារីកលំពែង៖
១. អ្នកមានជំងឺទឹកនោមផ្អែមមានហានិភ័យកើតជំងឺមហារីកលំពែង
អ្នកមានជំងឺទឹកនោមផ្អែមអាចត្រូវចាត់ចូលថាអ្នកប្រឈមនឹងជំងឺមហារីកលំពែង។ ជំងឺទឹកនោមផ្អែមអាចបន្ថែមឱកាសប្រឈមកើតជំងឺមហារីកលំពែងពី១,៥ដងទៅ២ដង។ កត្តាប្រឈមកើតជំងឺមហារីកលំពែងផ្សេងទៀតមានដូចជាជក់បារី រលាកលំពែងរ៉ាំរ៉ៃ ប្រវត្តិគ្រួសារមានជំងឺមហារីកលំពែង អ្នកធាត់ខ្លាំង និងអ្នកមានជំងឺហ្សែនជាក់លាក់មួយចំនួន។
២. រយៈពេលកើតជំងឺទឹកនោមផ្អែម
សម្រាប់អ្នកមានជំងឺទឹកនោមផ្អែមចាប់ពីប្រាំឆ្នាំឡើង ត្រូវគេដឹងថាមានហានិភ័យខ្ពស់ជាងកម្រិតមធ្យមនៃការកើតជំងឺមហារីកលំពែង ដែលទើបរកឃើញជំងឺទឹកនោមផ្អែមដំបូង។ ដោយឡែកសម្រាប់អ្នកមានវ័យលើសពី៥០ឆ្នាំ និងទើបបានរកឃើញថាមានជំងឺទឹកនោមផ្អែម មានអត្រាកើតជំងឺមហារីកលំពែង១ភាគរយ ក្នុងរង្វង់បីឆ្នាំបន្ទាប់ពីបានរកឃើញជំងឺនេះ។ ក្នុងករណីនេះ ដុំសាច់នៅលំពែងទៅវិញទេ ជាមូលហេតុបង្កឲ្យមានជំងឺទឹកនោមផ្អែមនោះ។
៣. ជំងឺទឹកនោមផ្អែមជារោគសញ្ញាជំងឺមហារីកលំពែង
ការសិក្សាបានរកឃើញថាជំងឺមហារីកលំពែងបានធ្វើឲ្យកោសិកាក្នុងរាងកាយក្លាយជាធន់នឹងអាំងស៊ុយលីន។ អាំងស៊ុយលីន ជាអ័រម៉ូនផលិតឡើងដោយលំពែង ដើម្បីគ្រប់គ្រងកម្រិតជាតិស្ករក្នុងឈាម។ ករណីមានភាពធន់នឹងអាំងស៊ុយលីនផ្សេងទៀត ដូចជាករណីធាត់ជ្រុល កោសិកាផលិតអាំងស៊ុយលីននៅក្នុងលំពែងនឹងផលិតអាំងស៊ុយលីនឲ្យកាន់តែច្រើនដើម្បីយកឈ្នះលើភាពធន់នឹងអាំងស៊ុយលីន។
ប៉ុន្តែមហារីកលំពែងហាក់ដូចជាបានទៅបញ្ឈប់កោសិកាផលិតអាំងស៊ុយលីនទៅវិញ មិនអាចផលិតអាំងស៊ុយលីនទៅតាមតម្រូវការបានពេលមានភាពស៊ាំអាំងស៊ុយលីនកើតឡើង។ ការនេះនឹងធ្វើឲ្យមានជំងឺទឹកនោមផ្អែមកើតឡើង។
កម្មវិធីពិនិត្យជំងឺបម្រុងទឹកនោមផ្អែមអនឡាញ
ចង់គណនារង្វាស់ចង្វាក់បេះដូង ចុចទីនេះ!
៤. គុណប្រយោជន៍នៃការរកឃើញជំងឺទាំងពីរបានលឿន
ការធ្វើរោគវិនិច្ឆ័យជំងឺទឹកនោមផ្អែម និងជំងឺមហារីកលំពែងបានលឿន ផ្ដល់ប្រយោជន៍ច្រើនដល់អ្នកជំងឺ។ ទាំងជំងឺទឹកនោមផ្អែម និងជំងឺមហារីកលំពែងអាចមានចេញរោគសញ្ញាកម្រិតស្រាលណាមួយ ដែលអាចធ្វើឲ្យគ្រូពេទ្យ និងអ្នកជំងឺខ្លួនឯងមើលរំលង។ យ៉ាងណា ជំងឺទាំងពីរនេះអាចគ្រប់គ្រងបាន បើសិនជាបានរកឃើញបានលឿន និងច្បាស់លាស់។
[embed-health-tool-bmi]
៥. រោគសញ្ញាជំងឺមហារីកលំពែង
ការធ្វើរោគវិនិច្ឆ័យបានទាន់ពេលវេលា អាចចៀសផុតគ្រោះថ្នាក់ជាច្រើន កើតមានឡើងជាយថាហេតុ ដូច្នេះអ្វីយើងត្រូវដឹងជាចាំបាច់ គឺរោគសញ្ញានៃមហារីកប្រភេទនេះដូចជា៖
- ខាន់លឿង
- ស្រកទម្ងន់
- បាក់ទឹកចិត្ត
- លែងឃ្លានអាហារ
- វិបត្តិកំណកឈាម
- ឈឺពោះផ្នែកខាងលើ អាចរាលដាលទៅខ្នង។
មិនមែនមនុស្សគ្រប់គ្នាសុទ្ធតែអាចមានសញ្ញាដូចខាងលើនោះទេ ហេតុនេះប្រសិនមានប្រទះរោគសញ្ញាគួរឲ្យសង្ស័យណាមួយ សូមប្រញាប់មកជួបគ្រូពេទ្យ។
អត្ថទពាក់ព័ន្ធ៖
