ស្នាមសង្វារតែងកើតឡើងអំឡុងពេលពពោះ ដែលបណ្តាលឲ្យមានការដាច់រហែកតូចៗនៃជាលិកាយឺតខាងក្រោមស្បែក ហើយជារឿយៗ ម៉ាក់ៗនឹងសង្កេតឃើញស្នាមសង្វារដែលមានពណ៌ស្វាយ ត្នោតបែកក្រហម ឬត្នោតចាស់ អាស្រ័យទៅតាមសម្បុរស្បែករបស់យើងម្នាក់ៗ។

ស្ត្រីប្រមាណ៩០% កើតមានស្នាមសង្វារអំឡុងពេលពពោះ ដោយសារតែការលាតសន្ធឹងនៃស្បែកពោះ សុដន់ ត្រគាក និងគូទ។

មូលហេតុបង្កនៃស្នាមសង្វារអំឡុងពេលពពោះ

កត្តាហានិភ័យដែលអាចនាំឲ្យកើតមានស្នាមសង្វារមានដូចជា៖

ការលាតសន្ធឹងនៃរាងកាយ៖ រាងកាយយើងនឹងរីកមាឌឥតឈប់ឈរអំឡុងពេលពពោះ ដែលនាំឲ្យស្បែកកើតមានស្នាមសង្វារ។
អ័រម៉ូន៖ ការកើនឡើងនៃអ័រម៉ូនមានផ្ទៃពោះ នឹងទាញយកជាតិទឹកបន្ថែមចូលទៅក្នុងស្បែក ដែលអាចធ្វើឲ្យស្បែកងាយដាច់រលាត់នៅពេលលាតសន្ធឹង។ ប្រការនេះ អាចនាំឲ្យកើតមានស្នាមសង្វារ។
ប្រវត្តិគ្រួសារ៖ ប្រសិនបើម៉ាក់របស់យើងមានស្នាមសង្វារអំឡុងពេលមានផ្ទៃពោះ យើងក៏អាចប្រឈមនឹងការកើតមានស្នាមសង្វារដូចគ្នា។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

ស្នាមសង្វារអាចបង្កការឈឺចាប់ ឬគ្រោះថ្នាក់ដែរអត់?

ពិតណាស់ ស្នាមសង្វារមិនបង្កផលប៉ះពាល់ដល់ទារក និងម៉ាក់ៗឡើយ ប៉ុន្តែ អាចធ្វើឲ្យយើងមានអាការៈរមាស់ និងបាត់បង់ទំនុកចិត្តលើខ្លួនឯង ហើយម៉ាក់ៗខ្លះ ក៏ប្រឈមនឹងការបាក់ទឹកចិត្តផងដែរ។

ស្នាមសង្វារ

ម៉ាក់ចេញសង្វារនៅត្រីមាសទីប៉ុន្មាន?

ស្ត្រីពពោះ អាចចេញស្នាមសង្វារក្នុងត្រីមាសទី២ និងទី៣ ឬនៅក្នុងអំឡុងខែទី៦ និងទី៧នៃការពពោះ។

យើងអាចបង្ការស្នាមសង្វារអំឡុងពេលពពោះ ដោយវិធីណាខ្លះ?

គ្នាយើងអាចអនុវត្តន៍តិចនិកមួយចំនួនដូចខាងក្រោម ដើម្បីបង្ការស្នាមសង្វារអំឡុងពេលពពោះ៖

គ្រប់គ្រងទម្ងន់ខ្លួនឲ្យបានល្អ ដោយជ្រើសរើសរបបអាហារល្អៗ ជៀសវាងការឡើងទម្ងន់ខ្លាំងជ្រុល
ញ៉ាំទឹកយ៉ាងហោចណាស់២លីត្រក្នុងមួយថ្ងៃ
ញ៉ាំរបបអាហារដែលសម្បូរទៅដោយជាតិខូឡាជែន និងជាតិសរសៃ ដើម្បីជួយបន្តឹងស្បែក។ នៅពេលដែលស្បែកយើងរឹងមាំ គឺមិនងាយដាច់រហែក ឬមានស្លាកស្នាមឡើយ។ បន្ថែមពីនេះ យើងគួរបញ្ចូលរបបអាហារដែលសម្បូរទៅដោយស័ង្កសី វីតាមីនC វីតាមីន E វីតាមីន B2 និង B3។
ធ្វើលំហាត់ប្រាណជាទៀងទាត់
ក្រៅពីផ្តល់ជាតិទឹកដល់ស្បែក និងធ្វើលំហាត់ប្រាណ គ្នាយើងក៏អាចក្រែមផ្តល់សំណើម ឬពពួកBio-oil សម្រាប់ស្ត្រីពពោះជាប្រចាំ ដោយធ្វើការម៉ាស្សានៅលើរាងកាយថ្នមៗចំនួន២ដងក្នុងមួយថ្ងៃ តាំងពីនៅត្រីមាសទី១ ដើម្បីជួយឲ្យស្បែកមានភាពយឺត និងមានជាតិទឹក។

អត្ថបទគួរអាន៖

តិចនិកទាំង៥ បង្ការស្នាមសង្វារអំឡុងពេលពពោះ ម៉ាក់ៗមិនគួររំលង!

មូលហេតុ​បង្ក​នៃ​ស្នាម​សង្វារ​អំឡុង​ពេល​ពពោះ

ស្នាម​សង្វារ​អាច​បង្ក​ការ​ឈឺចាប់​ ឬ​គ្រោះថ្នាក់​ដែរ​អត់?

ម៉ាក់​ចេញ​សង្វារ​នៅ​ត្រី​មាស​ទី​ប៉ុន្មាន​?

យើង​អាច​បង្ការ​ស្នាម​សង្វារ​អំឡុង​ពេល​ពពោះ​ ដោយ​វិធី​ណា​ខ្លះ?

មូលហេតុបង្កនៃស្នាមសង្វារអំឡុងពេលពពោះ

ស្នាមសង្វារអាចបង្កការឈឺចាប់ ឬគ្រោះថ្នាក់ដែរអត់?

ម៉ាក់ចេញសង្វារនៅត្រីមាសទីប៉ុន្មាន?

យើងអាចបង្ការស្នាមសង្វារអំឡុងពេលពពោះ ដោយវិធីណាខ្លះ?