ការធ្វើតេស្តរកជំងឺកាមរោគក្នុងអំឡុងពេលពពោះជាអ្វីដែលម៉ាក់ៗគួរធ្វើពេលពិនិត្យពោះលើកដំបូង។ ជំងឺកាមរោគជាជំងឺអ្វី? មានជំងឺអ្វីខ្លះ? ហើយហេតុអីម៉ាក់ៗគួរធ្វើតេស្តរកជំងឺកាមរោគក្នុងអំឡុងពេលពពោះ?
ជំងឺកាមរោគជាជំងឺឆ្លងតាមរយៈការរួមភេទ ជាពិសេសច្រើនកើតឡើងលើអ្នកដែលមានដៃគូរួមភេទច្រើន ហើយមិនបានការពារបានត្រឹមត្រូវ។
សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី និងជាប្រធានមន្ទីរពហុព្យាបាល និងសម្ភពត្បូងពេជ្របានឱ្យដឹងថា ម៉ាក់ៗពពោះគួរពិនិត្យរកជំងឺកាមរោគពេលទៅពិនិត្យផ្ទៃពោះលើកដំបូង ព្រោះថាបើម៉ាក់ៗកើតជំងឺកាមរោគដោយមិនដឹងខ្លួន ម៉ាក់ៗអាចមានគ្រោះថ្នាក់ ជាពិសេសអាចប៉ះពាល់ដល់ទារកក្នុងផ្ទៃ ដោយថាជំងឺកាមរោគមួយចំនួនមិនបង្កឱ្យមានរោគសញ្ញាអ្វីទាំងអស់ ទោះជាបានឆ្លងហើយក៏ដោយ។
១. មានរឿងអ្វីកើតឡើង បើម៉ាក់ៗឆ្លងជំងឺកាមរោគពេលពពោះ?
បើម៉ាក់ៗឆ្លងជំងឺកាមរោគដោយមិនដឹងខ្លួន និងមិនបានធ្វើការព្យាបាល ជំងឺនេះអាចបណ្តាលឱ្យ៖
- បែកទឹកភ្លោះមុនពេលកំណត់
- ឆ្លងមេរោគចូលក្នុងឈាមហើយបង្កឱ្យមានបញ្ហាដល់សរីរាង្គផ្សេងៗ
- ទារកស្លាប់ក្នុងផ្ទៃ
- ទារកឆ្លងជំងឺកាមរោគពីកំណើត
- ទារកពិការ (រលាកភ្នែក ពិការភ្នែក គ ឬថ្លង់ជាដើម)
- ទារករលាកស្រោមខួរ
- ទារកកើតមិនគ្រប់គីឡូ
- ទារកកើតមិនគ្រប់ខែដែលធ្វើឱ្យឈឺច្រើន រលាកសួត ឬស្លាប់ក្រោយពេលសម្រាលរួច
២. ជាទូទៅក្នុងអំឡុងពេលពពោះ ម៉ាក់ៗគួរពិនិត្យរកជំងឺកាមរោគដូចជា៖
- ប្រមេះទឹកថ្លា
- ប្រមេះទឹកបាយ
- Trichomoniasis
- ជំងឺសិរមាន់
- វិរុស HIV
- ជំងឺស្វាយ
៣. គ្រូពេទ្យអាចពិនិត្យជំងឺកាមរោគឱ្យម៉ាក់ៗតាមរយៈការពិនិត្យ៖
- អាងត្រគាក
- បៀកទឹករងៃយកទៅពិនិត្យក្នុងមន្ទីរពិសោធន៍ (ករណីមានខ្ទុះ)
- ទឹកនោម
- ឈាម
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៤. ជំងឺកាមរោគអាចព្យាបាលជាដែរឬទេ?
ជំងឺកាមរោគមួយចំនួនអាចព្យាបាលជាដោយប្រើថ្នាំ បើជំងឺកាមរោគបង្កដោយបាក់តេរីដូចជា ជំងឺប្រមេះទឹកថ្លា ប្រមេះទឹកបាយ ជំងឺស្វាយ ឬ Trichomoniasis។
តែជំងឺកាមរោគដែលបង្កឡើងដោយវីរុសដូចជាជំងឺអេដស៍ គឺមិនអាចព្យាបាលជាទេ តែគ្រូពេទ្យអាចឱ្យថ្នាំញុំាដើម្បីបន្ធូរអាការៈដោយកាត់បន្ថយចំនួនវីរុសក្នុងឈាម និងពង្រឹងប្រព័ន្ធភាពសុំារបស់ម៉ាក់ៗក្នុងគោលបំណងកាត់បន្ថយហានិភ័យឆ្លងដល់ទារកក្នុងផ្ទៃ។ លុះដល់ទារកកើតមកគ្រូពេទ្យអាចឱ្យថ្នាំដល់ទារកបន្ថែមទៀត។ តាមការសិក្សាបានឱ្យដឹងថា ក្រោយពីធ្វើការព្យាបាល អត្រាឆ្លងវីរុស HIV ពីម្តាយទៅទារកក្នុងផ្ទៃគឺទាបបំផុតមិនដល់ ១% ផង។
[embed-health-tool-due-date]
លោកវេជ្ជបណ្ឌិតបានបន្ថែមថា ដើម្បីការពារកុំឱ្យឆ្លងជំងឺកាមរោគ ស្រ្តីគួរចាក់វ៉ាក់សាំងការពារជំងឺកាមរោគដែលអាចការពារបានទាំងជំងឺមហារីកមាត់ស្បូនទៀតផង។ លើសពីនេះទៅទៀត យើងគួរមានដៃគូស្មោះមួយនឹងមួយ ហើយបើសិនជាចំាបាច់ត្រូវប្រើស្រោមអនាម័យការពារឱ្យបានត្រឹមត្រូវក្នុងករណីមានដៃគូលើសពីមួយ។ ម៉្យាងទៀត បុរសមិនគួរប្រើថ្នាំញៀន ឬគ្រឿងស្រវឹងមុនពេលរួមភេទទេដែលអាចធ្វើឱ្យមានការភ្លេចភ្លាំងក្នុងការការពារខ្លួន។
ដូច្នេះការធ្វើតេស្តរកជំងឺកាមរោគក្នុងអំឡុងពេលពពោះអាចកាត់បន្ថយអត្រាគ្រោះថ្នាក់របស់ម្តាយ និងកូន ហើយអាចការពារការខូចអនាគតរបស់កូនទៀតផង ក្នុងករណីម៉ាក់ៗឆ្លងជំងឺកាមរោគដោយមិនដឹងខ្លួន។
អត្ថបទគួរអាន៖
- ពពោះ កូនថ្លោសពេកមិនល្អអាចប្រឈមបញ្ហាច្រើនយ៉ាង អ៊ីចឹងម៉ាក់ៗគួរធ្វើបែបណា?
- ពពោះកូនភ្លោះ តែមានទំហំខុសគ្នាខ្លាំង មកពីមូលហេតុអី? មានបញ្ហាអត់?
- ថែទាំធ្មេញពេលមានគភ៌ ល្អចំពោះម៉ាក់ៗ និងកូនក្នុងផ្ទៃ
- ជំនឿចាស់ៗថា ផឹកទឹកដូងច្រើនពេលពពោះ កូនកើតមកក្រចេះដើរ?
- ចាស់ៗមិនឲ្យមើលរឿងខ្មោចពេលពពោះ ខ្លាចកូនកើតមកមុខអាក្រក់ពិត ឬអត់?
- សុដន់ម៉ាក់ៗប្រែប្រួលម៉េចខ្លះក្នុងអំឡុងពេលពពោះ?
ចំណុចសំខាន់
- ម៉ាក់ៗបែកទឹកភ្លោះមុនពេលកំណត់
- ម៉ាក់ៗឆ្លងមេរោគចូលក្នុងឈាមហើយបង្កឱ្យមានបញ្ហាដល់សរីរាង្គផ្សេងៗ
- ទារកស្លាប់ក្នុងផ្ទៃ
- ទារកឆ្លងជំងឺកាមរោគពីកំណើត
- ទារកពិការ (រលាកភ្នែក ពិការភ្នែក គ ឬថ្លង់)
- ទារករលាកស្រោមខួរ
- ទារកកើតមិនគ្រប់គីឡូ
- ទារកកើតមិនគ្រប់ខែដែលធ្វើឱ្យឈឺច្រើន រលាកសួត ឬស្លាប់ក្រោយពេលសម្រាលរួច
