ការញុំាម្ទេសអាចធ្វើឱ្យយើងក្តៅ និងក្រហាយពោះ ហេតុនេះទើបចាស់ៗហាមម៉ាក់ៗពពោះមិនឱ្យញុំាម្ទេស ព្រោះខ្លាចក្រហល់ក្រហាយដល់កូនក្នុងផ្ទៃ។ តើជំនឿតៗគ្នារបស់ចាស់ៗជាការពិតដែរឬទេ? ចុះគ្រូពេទ្យថាម៉េចវិញចំពោះការញុំាម្ទេសរបស់ម៉ាក់ៗនៅពេលពពោះ?
មាតិកា
ពិតអត់? ញ៉ាំម្ទេសពេលពពោះនាំឱ្យក្រហល់ក្រហាយដល់កូនក្នុងផ្ទៃ?
លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៅមន្ទីរពេទ្យបង្អែកមិត្តភាពកម្ពុជា-ចិន សែនសុខបានលើកឡើងថា ការញុំាម្ទេសពេលពពោះមិនប៉ះពាល់ដល់កូនក្នុងផ្ទៃទេ តែប៉ះពាល់ម្តាយទៅវិញ។ លោកពន្យល់ថាការញ៉ាំម្ទេសអាចប៉ះពាល់សុខភាពម្ដាយមួយចំនួន។
១. ក្រហាយទ្រូង
ម៉ាក់ៗពពោះភាគច្រើនក្រហាយទ្រូងដោយសារការប្រែប្រួលអ័រម៉ូនប្រូសេស្តេរ៉ូន។ អ័រម៉ូននេះជួយបន្ធូរសាច់ដុំអាងត្រគាកដើម្បីឱ្យម៉ាក់ៗអាចសម្រាលកូនបាន តែអ័រម៉ូននេះក៏ធ្វើឱ្យសន្ទះបិទបើករវាងបំពង់អាហារ និងក្រពះធូរដែរ ហើយបណ្តាលឱ្យទឹកអាស៊ីដក្រពះជ្រាបចូលទៅក្នុងបំពង់អាហារ។
អាការៈក្រហាយទ្រូងកើតឡើងញឹកញាប់នៅត្រីមាសទី ៣ ព្រោះទំហំកូនក្នុងផ្ទៃបានរុញក្រពះឡើងលើដែលបង្កឱ្យទឹកអាស៊ីដច្រាលចូលបំពង់អាហារ។ ការញុំាម្ទេសជំរុញឱ្យក្រពះផលិតអាស៊ីដកាន់តែច្រើន និងធ្វើឱ្យក្រពះក្រហាយដែលជាហេតុធ្វើឱ្យអាការៈក្រហាយទ្រូងរបស់ម៉ាក់ៗកាន់តែធ្ងន់ធ្ងរ។
២. ចង្អោរ និងក្អួត
ការញុំាម្ទេសជំរុញឱ្យក្រពះផលិតអាស៊ីដកាន់តែច្រើន និងធ្វើឱ្យម៉ាក់ៗច្រាលទឹកអាស៊ីដក្រពះដែលធ្វើឱ្យម៉ាក់ៗចង្អោរ និងក្អួតបន្ថែមពីលើអាការៈចាញ់កូន។ ជាលទ្ធផលម៉ាក់ៗនឹងចង្អោរ និងក្អួតកាន់តែខ្លាំង។
៣. ជំងឺឫសដូងបាត
ទំហំទារកក្នុងស្បូនសង្កត់ទៅលើឆ្អឹងអាងត្រគាកដែលបណ្តាលឱ្យម៉ាក់ៗស្ទះសរសៃឈាមវ៉ែននៅក្នុងរន្ធគូទ បូកផ្សំនឹងការទល់លាមកនាំឱ្យមានការវិវត្តជាជំងឺឫសដូងបាតក៏មាន។
ការទល់លាមកពេលពពោះបង្កឡើងដោយការកើនឡើងនៃអ័រម៉ូនអ៊ឺស្ត្រូសែន និងប្រូសេស្តេរ៉ូនធ្វើឱ្យការដឹកជញ្ជូនចំណីអាហារនៅក្នុងពោះវៀនមានការថយចុះ និងការសង្កត់ពីស្បូនដែលរីកធំលើពោះវៀន។ ការញុំាម្ទេសច្រើនអាចបង្កើនកម្តៅក្នុងខ្លួន ហើយធ្វើឱ្យអាការៈទល់លាមក និងជំងឺឫសដូងបាតរបស់ម៉ាក់ៗកាន់តែយ៉ាប់យឺន។
ការញុំាម្ទេសពេលពពោះអាចធ្វើឱ្យម៉ាក់ៗកាន់តែមិនស្រួលក្នុងខ្លួន ដូច្នេះពេលមានផ្ទៃពោះ ម៉ាក់ៗគួរកាត់បន្ថយ ឬចៀសវាងញុំាម្ទេសតាមដែលអាចធ្វើបាន។
អត្ថបទគួរអាន៖
- គួរដឹង! ទាំងនេះជាគន្លឹះថែរក្សាសុខភាពថ្លើមពេលកំពុងពពោះ
- ភាពតានតឹងផ្លូវចិត្ត អាចធ្វើឲ្យយើងប្រឈមបញ្ហាអត់កូន
- តិចនិចមួយចំនួន ជួយដោះស្រាយបញ្ហាមិនស្រួលសុដន់ពេលពពោះ
- ហេតុអ្វីគួរធ្វើតេស្តរកជំងឺកាមរោគពេលពពោះ?
- ឆ្លងប្រមេះទឹកបាយពេលពពោះអាចគ្រោះថ្នាក់ទាំងម្តាយ និងកូន
- គួរដឹង! ជំងឺឆ្លងពីលាមកឆ្មាអាចបណ្តាលឱ្យកូនក្នុងផ្ទៃគ្រោះថ្នាក់ ឬពិការ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Spicy Food and Pregnancy
https://www.newkidscenter.org/Spicy-Food-And-Pregnancy.html
Spicy food during pregnancy
https://www.babycenter.com/pregnancy/diet-and-fitness/is-it-safe-to-eat-spicy-foods-during-pregnancy_1246919#:~:text=Yes%2C%20spicy%20foods%20are%20safe,baby%20when%20you%27re%20pregnant
Can I Eat Spicy Foods While Pregnant?
https://www.verywellfamily.com/can-i-eat-spicy-foods-while-pregnant-5195400
កំណែប្រែបច្ចុប្បន្ន
20/08/2024
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម