អំឡុងពេលពពោះ រាងកាយម៉ាក់ៗតែងប្រឈមនឹងការប្រែប្រួលជៀសមិនផុតឡើយ ដូចជាសុដន់រីកធំ ឬនោមញឹកញាប់ជាដើម។ ប៉ុន្តែ ម៉ាក់ៗដឹងអត់ថា ច្រមុះយើងក៏អាចប្រែប្រួលអំឡុងពេលពពោះដូចគ្នា។ តើបញ្ហាច្រមុះរីកធំអំឡុងពេលពពោះជារឿងធម្មតា ឬគួរឲ្យបារម្ភ?
មូលហេតុនៃច្រមុះរីកធំអំឡុងពេលពពោះ
អ្នកជំនាញបានឲ្យដឹងថា ចាប់ពីត្រីមាសទី១ និងត្រីមាសទី២ សរសៃឈាមអាចរីកធំ ដើម្បីទប់ទល់ទៅនឹងការលូតលាស់របស់ទារក អាចបណ្តាលឲ្យកើនឡើងលំហូរឈាមទៅក្នុងភ្នាសរម្អិលក្រោមច្រមុះ ជាហេតុនាំឲ្យច្រមុះរីកធំ។ ក្នុងអំឡុងត្រីមាសទី៣ ម៉ាក់ៗខ្លះក៏អាចជួបប្រទះបញ្ហាចាល់ទឹកនៅក្នុងផ្ទៃមុខ ដែលធ្វើឲ្យច្រមុះឡើងហើម។ យ៉ាងណាមិញ បញ្ហាច្រមុះរីកធំមិនមានអ្វីគួរឲ្យយើងបារម្ភឡើយ ហើយករណីនេះក៏មិនមែនកើតឡើងលើស្ត្រីពពោះគ្រប់រូបនោះដែរ ។
ពេលណាច្រមុះវិលមកធម្មតាវិញ?
ជាទូទៅ ច្រមុះម៉ាក់ៗនឹងវិលមករកសភាពដើមក្រោយសម្រាលកូនរួច គឺនៅពេលដែលអ័រម៉ូនមានស្ថិរភាពហើយការហើមក៏ស្រកចុះទៅតាមនោះដែរ។
[embed-health-tool-due-date]
ការប្រែប្រួលដទៃទៀតអំឡុងពេលពពោះ
- ចង្អោរ
- ប្រែប្រួលអារម្មណ៍
- ឈឺសុដន់
- ឈឺក្បាលញឹកញាប់
- ឈឺខ្នងផ្នែកខាងក្រោម
- នោមញឹកញាប់
- អាចមានអាការៈពិបាកដកដង្ហើម ឬហើមជើង។
ម៉ាក់ៗគួរសង្កេតឲ្យបានដិតដល់ទៅលើការប្រែប្រួលដែលកើតមានអំឡុងពេលពពោះ ក៏ដូចជាពិគ្រោះយោបល់ជាមួយនឹងគ្រូពេទ្យសម្ភព ដើម្បីបញ្ចៀសផលវិបាកធ្ងន់ធ្ងរផ្សេងៗ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
