ស្រីៗគ្នាយើងអំឡុងពេលពពោះ ត្រូវប្រយ័ត្នឲ្យបានច្រើន ជាពិសេសការងារផ្ទះតែម្តង។ “Hello គ្រូពេទ្យ” នឹងបង្ហាញ ការងារផ្ទះប៉ុន្មានមុខខាងក្រោម បើចៀសបានចៀសទៅ ព្រោះអាចប៉ះពាល់សុខភាពទាំងម្ដាយ និងគភ៌។
មាតិកា
បើម៉ាក់ៗកំពុងពពោះ ហាមធ្វើការងារផ្ទះទាំងនេះ ប្រយ័ត្នសយធំ!
១- ប្រើប្រាស់សារធាតុគីមី
សារធាតុគីមីដែលមានក្នុងផ្ទះ អាចជាថ្នាំបាញ់មូស ទឹកសម្អាត ឬផលិតផលសម្អាតមានជាតិគីមីខ្ពស់។ បើចង់សម្អាតបន្ទប់ទឹកដែលកខ្វក់ ឬកម្ចាត់មេរោគ យើងត្រូវសុំជំនួយពីប្ដី ឬអ្នកផ្ទះ។ ផលិតផលសម្អាតបែបធម្មជាតិ ដូចជា ទឹកខ្មេះ ក្រូចឆ្មារ អាចជាវិធីសាស្ត្រដែលមានប្រសិទ្ធភាព និងមិនប៉ះពាល់សុខភាព។
២- លើកផ្លាស់ទីគ្រឿងសង្ហារិមធ្ងន់ៗ
ត្រូវចាំថា ការលើកផ្លាស់ទីគ្រឿងសង្ហារិមធ្ងន់ៗ អាចបង្កើនហានិភ័យសាច់ដុំ ឈឺចុកចាប់ ឬមានគ្រោះថ្នាក់ ព្រោះពេលមានផ្ទៃពោះ ជាលិកាឈ្នាប់ និងសន្លាក់ ប្រហែលជាចុះខ្សោយ។ ដោយទម្ងន់រាងកាយយើងកើនឡើង អាចនឹងបង្កើតការបាត់បង់តុល្យភាព បង្កើនឱកាសរងរបួសផ្សេងៗបានយ៉ាងងាយ។ ក្រៅពីនេះ ការរុញគ្រឿងសង្ហារិមធ្ងន់ៗ ក៏អាចបណ្ដាលឲ្យមានបញ្ហាសាច់ដុំដូចគ្នា ហេតុនេះយើងគួរឲ្យប្ដីយើង ឬនរណាម្នាក់ក្នុងផ្ទះ ជួយការងារនេះជំនួសវិញ។
៣- សម្អាតទ្រុងសត្វចិញ្ចឹម
ជំងឺ Toxoplasmosis ជាជំងឺឆ្លង ដែលអាចឆ្លងពីលាមកឆ្មា និងត្រូវគ្រូពេទ្យអះអាងថាមានហានិភ័យសុខភាពធ្ងន់ធ្ងរបំផុតទៅលើគភ៌ក្នុងផ្ទៃ។ យើងក៏អាចនឹងប៉ះជាមួយប៉ារាស៊ីត ឬមេរោគ ពេលដែលសម្អាតអាចម៍ឆ្កែ ឆ្មា។ បើចាំបាច់ត្រូវធ្វើរឿងនេះ ត្រូវពាក់ស្រោមដៃ និងលាងសម្អាតដៃឲ្យបានស្អាតបន្ទាប់ពីធ្វើរួច ឬប្រាប់នរណាម្នាក់ធ្វើជំនួស។
៤- ឡើងកៅអីខ្ពស់ៗ ឬជណ្ដើរ
ការងារផ្ទះណាដែលតម្រូវឱ្យយើងឡើង ដូចជា កៅអី តុ ឬកៅអីជើងម៉ា ត្រូវតែចៀសវាង។ យើងអាចធ្លាក់ និងមានគ្រោះថ្នាក់បំផុតទាំងម្តាយ និងកូនក្នុងផ្ទៃ។
៥- ជូតផ្ទះ
សកម្មភាពទាំងនេះអាចប៉ះពាល់ដល់ខ្នង និងសរសៃយើង ហេតុនេះសូមសម្រាកឲ្យបានញឹកញាប់ នៅពេលធ្វើការងារនេះ។
៦- សម្អាតបង្អួច
ងាយឲ្យយើងធ្លាក់ នៅពេលយើងឈរលើកន្លែង ឬជណ្តើរខ្ពស់ ដើម្បីធ្វើការសម្អាតបង្អួច។ គួរយកក្រដាសសើមតិចៗមកជូតជំនួសការសម្អាតធម្មតា។
៧- ជូតសម្អាតគ្រឿងសង្ហារិម
ពេទ្យហាមដាច់ខាត មិនឲ្យកែលម្អ សម្អាតគ្រឿងសង្ហារិម នៅពេលមានផ្ទៃពោះទេ ព្រោះអាចធ្វើឲ្យយើងប៉ះពាល់ជាតិថ្នាំមានក្នុងគ្រឿងសង្ហារិមចាស់ៗទាំងនោះ។ សារធាតុ Polyurethane ឬថ្នាំលាប សុទ្ធតែអាចបង្កហានិភ័យកូនកើតមុនខែ។ ការប៉ះពាល់សារធាតុគីមីទាំងនោះ អាចធ្វើឲ្យកូនក្នុងផ្ទៃប្រឈមហានិភ័យខ្ពស់កើតមកមិនប្រក្រតី និងមានបញ្ហាខ្សោយសតិបញ្ហា។ យ៉ាងណា បើចង់ធ្វើការងារទាំងនេះ គួរធ្វើដោយប្រយ័ត្នដូចខាងក្រោម៖
– ធ្វើនៅខាងក្រៅផ្ទះ ឬក្នុងកន្លែងមានកង្ហារស្រូបខ្យល់ចេញ ដើម្បីការពារហានិភ័យផ្សែងដែលអាចប៉ះពាល់នោះមកលើខ្លួនយើង
– ពាក់ស្រោមដៃ ខោ ឬអាវដៃវែងពេលធ្វើការ
– ពាក់ម៉ាស់ ដើម្បីការពារលម្អងធូលី
– ចៀសវាងញ៉ាំទឹក ពេលកំពុងធ្វើការ
– មិនប្រើប្រាស់ផលិតផលមានសារធាតុរំលាយ (Solvent)។
បើមានអាការៈឈឺក្បាល ចង្អោរ ឬឈឺក្បាលតិចៗ ត្រូវឈប់ធ្វើភ្លាមៗ និងរកកន្លែងណាមានខ្យល់បរិសុទ្ធដើម្បីដកដង្ហើម។ យ៉ាងណាមិញ វិធីសាស្ត្រល្អបំផុត ត្រូវប្រគល់ការងារនេះឲ្យអ្នកដទៃធ្វើជំនួសវិញ ឬចាំពេលសម្រាលកូនរួច សឹមធ្វើក៏មិនទាន់ហួសពេលដែរ។
អាន៖
- ៦ រោគសញ្ញា បញ្ជាក់ថាម៉ាក់ៗពពោះកើតជំងឺបម្រុងក្រឡាភ្លើងកម្រិតធ្ងន់
- មូលហេតុម៉ាក់ៗឈឺទ្វារមាសពេលមានគភ៌ និងដំណោះស្រាយ
- ៦ចំណុចសំខាន់បំផុត ស្រីៗគួរដឹងពីរឿងរលូតកូន
- ៤ មូលហេតុធំៗ បណ្ដាលឲ្យស្ត្រីស្លាប់ពេលពពោះ និងសម្រាលកូន
- កើតជំងឺបម្រុងក្រឡាភ្លើងពេលពពោះ គ្រោះថ្នាក់ទាំងម្ដាយ និងកូនក្នុងផ្ទៃ
- តិចនិកពិសេស សម្រាប់គ្នាយើងអត់សូវមានអារម្មណ៍រួមភេទ
- បើសង្ស័យថាខ្លួនកំពុងញៀនរួមភេទមិនដឹងខ្លួន ចម្លើយមានក្នុងអត្ថបទនេះ
- ៧ សំណួរពីរឿងរួមភេទ ទាំងប្រុសទាំងស្រីឆ្ងល់ខ្លាំង តែខ្មាសអត់ហ៊ានសួរ!
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Avoid these 8 household chores during pregnancy. https://sg.theasianparent.com/avoid-these-8-household-chores-during-pregnancy/. Accessed May 24, 2017.
Four household chores to avoid during pregnancy. https://www.babycenter.com/0_four-household-chores-to-avoid-during-pregnancy_10317892.bc. Accessed May 24, 2017.
https://www.babycenter.in/x1024655/can-household-chores-be-dangerous-during-pregnancy
https://parenting.firstcry.com/articles/household-work-during-pregnancy-what-to-do-what-to-avoid/
8 Household Chores You Should Avoid While You're Pregnant
កំណែប្រែបច្ចុប្បន្ន
10/07/2024
អត្ថបទដោយ Khlaut Rithy
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម