តើស្រីៗយើងអាចនឹងមានឱកាសមានផ្ទៃពោះ ក្រោយឈប់ធ្លាក់ឈាមរដូវភ្លាមៗដែរឬទេ? បើតាមទ្រឹស្រ្តី គឺស្រីៗយើងអាចមានផ្ទៃពោះបានគ្រប់ពេលក្នុងវដ្ដរដូវរបស់ខ្លួន។ នេះមានន័យថាស្រីៗយើងអាចមានឱកាសមានផ្ទៃពោះទាំងមុនពេលមករដូវ ពេលកំពុងមករដូវ និងភ្លាមៗក្រោយមករដូវ។

ស្រីៗយើងពិតជាដឹងហើយថាការធ្លាក់ចុះមេជីវិតញី សម្រាប់ស្រ្តីភាគច្រើនកើតមាននៅពាក់កណ្ដាលនៃវដ្ដរដូវ ប្រហាក់ប្រហែលនឹងថ្ងៃទី១៤ ឬមុនថ្ងៃទី២០នៃវដ្ដរដូវ។ ថ្ងៃទី១ នៃការមករដូវ គឺគេចាប់រាប់ថាជាថ្ងៃដំបូងនៃវដ្ដរដូវ ហើយមនុស្សស្រីយើងអាចធ្លាក់មេជីវិតញីនៅប្រហែលជាពីរសប្ដាហ៍បន្ទាប់។

ចុចទីនេះ ដើម្បីគណនាថ្ងៃមេជីវិតញីទុំធ្លាក់!

ចុចទីនេះ ដើម្បីគណនាថ្ងៃសម្រាលកូន!

ចុចទីនេះ ដើម្បីគណនាទម្ងន់ស្ត្រីពពោះ!

ចុចទីនេះ ដើម្បីគណនាទម្ងន់ធៀបកម្ពស់ (BMI)!

ចុចទីនេះ ដើម្បីមើលតារាងកាលវិភាគចាក់វ៉ាក់សាំងទារក!

សម្រាប់មនុស្សស្រីមួយចំនួនការធ្លាក់មេជីវិតញីមានរយៈពេលខ្លីជាងនេះទៅទៀត ហើយស្រីៗយើងអាចនឹងមានផ្ទៃពោះបាន បើរួមភេទនៅត្រឹមថ្ងៃទី៧នៃវដ្ដរដូវ ឬពេលដែលឈាមរដូវនៅមានខ្លះៗក៏ដោយ។ ដូចនេះ សម្រាប់គ្នាយើងដែលមិនទាន់គិតចង់បានកូន គួរតែប្រើថ្នាំពន្យារកំណើត ឬស្រោមអនាម័យពេលរួមភេទ។

មានផ្ទៃពោះ

យ៉ាងណា បើគ្នាយើងមានបំណងចង់យកកូន ពេលវេលាដែលល្អបំផុតគឺថ្ងៃទី១២ ដល់ទី១៤ នៃវដ្ដរដូវ។ បើតាមការសិក្សា លើមនុស្សស្រីចំនួន៦សែននាក់កាលពីឆ្នាំ២០១៩ រកឃើញថាមនុស្សស្រីដែលមានវដ្ដរដូវខ្លី អាចមានធ្លាក់មេជីវិតញីនៅអំឡុងថ្ងៃទី១០នៃវដ្ដរដូវ តែថាករណីនេះមានតិចជាង១ភាគរយ។

ការសិក្សាមួយទៀតធ្វើឡើងនៅឆ្នាំ២០១៨ រកឃើញថាពើទោះបីជាស្រ្តីមានសុខភាពល្អយ៉ាងណាក៏ដោយ ក៏ក្នុងមួយឆ្នាំ អាចមានការប្រែប្រួលវដ្ដរដូវរហូតដល់៩ថ្ងៃក្នុងមួយឆ្នាំ។ ដូចនេះហើយ បើទោះបីជាស្រីៗធ្លាប់មានមេជីវិតទុំធ្លាក់នៅថ្ងៃទី១៧ ឬ១៨ នៃវដ្ដរដូវ ក៏នៅតែអាចមានមេជីវិតទុំធ្លាក់ក្នុងរយៈពេលខ្លីជាងនេះដែរ។

មនុស្សស្រីអាចមានផ្ទៃពោះអំឡុងពេល ឬភ្លាមៗក្រោយពីអស់ឈាមរដូវ អាចមកពី៖

រួមភេទមិនប្រើវិធីការពារញឹកញាប់
មានវដ្ដរដូវខ្លី ឬមិនទៀងទាត់
វ័យលើសពី៤០ឆ្នាំ ឬជិតដល់វ័យអស់រដូវ

ចំណុចសំខាន់

តើស្រីៗយើងអាចនឹងមានឱកាសមានផ្ទៃពោះ ក្រោយឈប់ធ្លាក់ឈាមរដូវភ្លាមៗដែរឬទេ? បើតាមទ្រឹស្រ្តី គឺស្រីៗយើងអាចមានផ្ទៃពោះបានគ្រប់ពេលក្នុងវដ្ដរដូវរបស់ខ្លួន។ នេះមានន័យថាស្រីៗយើងអាចមានឱកាសមានផ្ទៃពោះទាំងមុនពេលមករដូវ ពេលកំពុងមករដូវ និងភ្លាមៗក្រោយមករដូវ។

អត្ថបទគួរអាន៖

ស្រីៗអាច​មាន​ផ្ទៃពោះភ្លាមៗក្រោយអស់ឈាមរដូវអត់?

ចំណុចសំខាន់

ស្រីៗអាចមានផ្ទៃពោះភ្លាមៗក្រោយអស់ឈាមរដូវអត់?