ប្រមេះទឹកថ្លា ឬជំងឺក្លាមីឌៀ ជាប្រភេទជំងឺឆ្លងតាមការរួមភេទ ដោយមិនបានប្រើស្រោមអនាម័យការពារត្រឹមត្រូវ ឬមានដៃគូរួមភេទច្រើន មិនថាតាមទ្វារមាស តាមរន្ធគូទ ឬតាមមាត់ ជាមួយដៃគូមានផ្ទុកមេរោគ សុទ្ធតែអាចឆ្លង។ ជំងឺនេះភាគច្រើនកើតមានលើបុរស តែស្ត្រីក៏អាចកើតមានដែរ ហើយបើកើតលើស្ត្រីពពោះវិញ គ្រោះថ្នាក់ទាំងពេលកំពុងពពោះ និងសម្រាលកូន នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា- ចិន សែនសុខ។