ទំហំក្បាលកូនក្នុងផ្ទៃធំ ជារឿងគួរឲ្យព្រួយបារម្ភសម្រាប់ម៉ាក់ៗក្នុងការសម្រាលតាមធម្មជាតិ។ វេជ្ជបណ្ឌិត គាន់ អូន បានឲ្យដឹងថា ប្រសិនបើទំហំក្បាលកូនលើសពី ៩ សង់ទីម៉ែត្រទៅ គ្រូពេទ្យមិនឲ្យសម្រាលតាមធម្មជាតិឡើយ។
លោកបានឲ្យដឹងទៀតថា ក្មេងដែលមានជំងឺដក់ទឹកក្នុងខួរក្បាល គឺមិនអាចព្យាបាល ឬក្បាលរួមតូចដូចទារកដទៃទៀតពេលសម្រាលបានឡើយ។ ទារកខ្លះគ្មានជំងឺអ្វីទាំងអស់ ប៉ុន្មានមកពីគីឡូធ្ងន់ ថ្លោសពេក ទើបក្បាល និងខ្លួនក៏ធំតាមនោះដែរ។
គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ប្រធានផ្នែករោគស្ត្រី នៃមន្ទីរពេទ្យកាល់ម៉ែត បានបញ្ជាក់ទៀតករណីក្បាលកូនធំមានហានិភ័យខ្ពស់ចំពោះម៉ាក់ៗ ប្រសិនបើជម្នះសម្រាលតាមធម្មជាតិ។ ក្នុងនោះមានដូចជារហែកមាត់ស្បូន រហែកទ្វារមាស ហើយបើសិនជាការដាច់រហែកនោះប៉ះចំសរសៃឈាម ប្រាកដជាហូរឈាមខ្លាំង និងមានគ្រោះថ្នាក់ ឬបើមិនមានគ្រោះថ្នាក់ព្រោះការហូរឈាម ការដាច់រហែកនៅតំបន់ទ្វារមាសនោះ ក៏បង្កជាឆ្លងរោគ។
ចំពោះការវាស់ទំហំក្បាល គឺវាស់នៅពេលអេកូពីសៀតផ្កាខាងឆ្វេងទៅខាងស្ដាំ កាលណាលើសធម្មតា គ្រូពេទ្យសន្និដ្ឋានថាកូនក្បាលធំហើយ។ កាលណាគ្រប់ខែ បើទំហំក្បាលទារកលើសពី ៩ សង់ទីម៉ែត្រ ឬលើស ៩៥ មិល្លីម៉ែត្រ ចូល ១០០ មិល្លីម៉ែត្រ ឡើងទៅចាត់ទុកថាធំហើយ។ ប៉ុន្តែនៅពេលសម្រាលឆ្អឹងក្បាលកូនអាចបង្រួមចូលគ្នាបាន បើជាកូនទី២ ទី៣ អាចចេញមកបាន តែបើកូនដំបូងគឺពិបាកណាស់។
[embed-health-tool-due-date]
សម្រាប់កូនកើតពីម្តាយមានជំងឺទឹកនោមផ្អែម ហើយធំហួសពីធម្មតាមិនអាចសម្រាលបានឡើយ ត្រូវសម្រាលតាមវិធីវះកាត់វិញ។ បើវាស់ទំហំក្បាល និងអាងត្រគាកធំជាងមិនអាចឆម្រាលចេញឡើយ ហើយបើនៅបន្តឲ្យឈឺពោះយូរ ក្បាលដែលបង្រួមវិជ្ឈមាត្រតូចយូរ ធ្វើឲ្យកូនខ្វះអុកស៊ីសែនក្នុងខួរក្បាល ទោះជាកើតមកកូនអត់ឆ្លាត កូនមានងាប់កោសិកាខួរក្បាល មិនមានភាពឈ្លាសវៃដូចកូនដទៃ។
វេជ្ជបណ្ឌិតតំណាងគ្រូពេទ្យវះកាត់រោគស្ត្រីអាស៊ីប៉ាស៊ីហ្វិកប្រចាំនៅកម្ពុជារូបនោះ បន្ថែមទៀតថា កូនខ្លះទំហំក្បាល ឬខ្លួនមិនធំប៉ុន្មានទេ តែមកពីម៉ាក់ៗមានមាឌតូច និងត្រគាកមិនធំល្អទើបពិបាកក្នុងការសម្រាលកូនតាមធម្មជាតិបែបនេះ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
