ជាទូទៅ អាការៈនេះ កើតឡើងបន្ទាប់ពីមានផ្ទៃពោះ ហើយជួនកាល វាអាចបន្តរហូតដល់រយៈពេល៥ខែ បន្ទាប់ពីសម្រាលកូនរួច។ យោងតាមការសិក្សាមួយ បានបង្ហាញថា នៅពេលដែលយើងក្លាយខ្លួនជាអ្នកម៉ាក់ វាអាចមានឥទ្ធិពលជារៀងរហូតលើមុខងារនៃការយល់ដឹង។ វាក៏អាចធ្វើឲ្យមានការលូតលាស់ខួរក្បាល ហើយថែមទាំងអាចនាំឲ្យមានការផ្លាស់ប្ដូរនៅផ្នែកដែលទទួលខុសត្រូវចំពោះការយល់ដឹងសង្គម និងការអាណិតស្រឡាញ់ផងដែរ។
កត្តាអ្វីដែលបណ្ដាលឲ្យកើតមានការភ្លេចភ្លាំងក្រោយសម្រាល
ជាក់ស្ដែង មានកត្តាជាច្រើនដែលនាំឲ្យកើតមានអាការៈភ្លេចភ្លាំងក្រោយសម្រាលនេះ ហើយកត្តាចម្បងនោះ គឺជាតម្រូវការក្នុងការថែទាំទារកដែលទើបនឹងកើត ដែលជាញឹកញាប់ ម៉ាក់ៗតែងតែលះបង់ការគេងរបស់ខ្លួន។ មូលហេតុនេះហើយ ដែលបណ្ដាលឲ្យខួរក្បាលចុះខ្សោយ ក៏ដូចជាធ្វើឲ្យយើងភ្លេចភ្លាំងច្រើន។ ក្រៅពីនេះ ម៉ាក់ៗដែលមានផ្ទៃពោះឆ្លងកាត់ការផ្លាស់ប្ដូរប្រព័ន្ធប្រសាទក្នុងខួរក្បាល អំឡុងពេល និងក្រោយពេលមានផ្ទៃពោះ ដែលជះឥទ្ធិពលដល់ការចងចាំរបស់ម៉ាក់ៗយ៉ាងខ្លាំង។ ជាធម្មតា បញ្ហានេះនឹងបាត់ទៅវិញដោយខ្លួនឯងទៅតាមពេលវេលា។