ក្រៅពីបំពេញក្ដីសុខស្រណុកសុខស្រួលតាមអារម្មណ៍ធម្មជាតិរបស់មនុស្ស សិច ឬការរួមភេទ មានប្រយោជន៍ច្រើនទៀតដល់សុខភាពយើង។ ស្ដាប់ការបកស្រាយរបស់សមាគមសុខភាពផ្លូវភេទអាមេរិក ខាងក្រោម៖
១- អត្ថប្រយោជន៍ចំពោះរាងកាយ
ការស្រាវជ្រាវបង្ហាញថា “រួមភេទ” អាចចាត់ទុកជាលំហាត់ប្រាណល្អមួយសម្រាប់បេះដូង ជាពិសេសសម្រាប់ទាំងប្រុសៗ និងស្រីៗវ័យជំទង់។ វាជាលំហាត់ប្រាណស្រាលៗ មានអត្ថប្រយោជន៍ដល់រាងកាយ ដូចជា បន្ថយសម្ពាធឈាម ដុតកាឡូរី ជួយសុខភាពបេះដូង ពង្រឹងសាច់ដុំ កាត់បន្ថយហានិភ័យជំងឺបេះដូង និងបង្កើនចំណង់ផ្លួវភេទផងដែរ។ សម្រាប់គូស្នេហ៍មានជីវិតផ្លួវភេទសកម្មគ្រប់គ្រាន់ ច្រើនចូលចិត្តធ្វើលំហាត់ប្រាណ និងទម្លាប់មានរបបអាហារល្អ ជាងគូស្នេហ៍ពុំសូវសកម្មរឿងលើគ្រែ។
២- ពង្រឹងប្រព័ន្ធស៊ាំ
ការសិក្សាទាក់ទងនឹងប្រព័ន្ធស៊ាំរាងកាយមនុស្សជាមួយទំនាក់ទំនងផ្លូវភេទ បង្ហាញថា គូស្នេហ៍ឧស្សាហ៍ឡើងឋានសួគ៌ញឹកញាប់ (១-២ ដង/សប្តាហ៍) ជួយបង្កើនភាពស៊ាំម្យ៉ាង ជាភាសាបច្ចេកទេស lgA នៅក្នុងឈាម និងទឹកមាត់ ហើយភាពស៊ាំនេះជួយរាងកាយប្រឆាំងនឹងជំងឺផ្សេងៗ។
យ៉ាងណា ការសិក្សាបានបង្ហាញពីផលអវិជ្ជមានផងដែរ ក្នុងករណីរួមភេទលើសកម្រិត (លើសពី ៣ ដង/សប្តាហ៍) បង្កឲ្យគ្មានតុល្យភាព ពោលគឺលទ្ធផលពុំទទួលបានប្រយោជន៍ពីភាពស៊ាំក្នុងរាងកាយ ដូចទៅនឹងគូស្នេហ៍មិនសកម្មនឹងរឿងលើគ្រែដូចគ្នា។
៣- ជំនួយការគេងកាន់តែប្រសើរ
រាងកាយនឹងបញ្ចេញអ័រម៉ូនល្អ ដូចជា អុកស៊ីតូស៊ីន (អ័រម៉ូនក្តីស្រលាញ់) និងអង់ដូហ្វីន (អ័រម៉ូនរីករាយ) ជាដើម ជាពិសេសនៅពេលយើងរួមភេទបានសម្រេចដល់កំពូល។ ក្រោយពីនេះ រាងកាយនឹងត្រូវការសម្រាក ធ្វើឲ្យយើងគេងបានស្កប់ស្កល់។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
៤- កាត់បន្ថយអាការៈឈឺក្បាល
ការសិក្សាក៏បានបង្ហាញដែរថា សកម្មភាពសិចអាចកាត់បន្ថយអាការៈឈឺក្បាលបានមួយកម្រិតផងដែរ។
៥- អត្ថប្រយោជន៍សម្រាប់ប្រុសៗ
ការសិក្សាថ្មីមួយបានឲ្យដឹងថា ប្រុសៗមានជីវិតផ្លូវភេទញឹកញាប់ មានហានិភ័យវិវត្តជំងឺមហារីកប្រូស្រ្តាតតិចតួចប៉ុណ្ណោះ ជាពិសេសនៅមុនអាយុ ៧០ ឆ្នាំ។ ការសិក្សាដដែលបង្ហាញថា ប្រុសៗរួមភេទដល់ចំណុចកំពូលញឹកញាប់ (២ដង ឬច្រើនក្នុងមួយសប្តាហ៍) មានអត្រាហានិភ័យស្លាប់ទាបជាងប្រុសពុំសូវសកម្ម។
អត្ថបទគួរអាន៖
- គេងបើកភ្លើងនៅពេលយប់ អាចប៉ះពាល់សុខភាពបេះដូង
- មូលហេតុ ៨ យ៉ាងអាចធ្វើឱ្យបេះដូងរីកធំខុសធម្មតា
- អាការៈគាំងបេះដូងរបស់ស្រ្តីអាចខុសពីបុរស ត្រូវកត់ចំណាំ
- ផ្លែឈើទាំង៨មុខនេះ ល្អសម្រាប់សុខភាពបេះដូង
៦- អត្ថប្រយោជន៍សម្រាប់ស្រីៗ
ការដល់កំពូលសម្រាប់ស្រីៗ ជួយឲ្យដំណើរឈាមរត់បានល្អ ព្រមទាំងជួយជំរុញរាងកាយបញ្ចេញសារធាតុបន្ថយការឈឺចាប់។ សម្រាប់ស្រីៗ មានជីវិតផ្លូវភេទល្អជាមួយដៃគូ នឹងមានអត្ថប្រយោជន៍ជាច្រើន ដូចជា ជំរុញរាងកាយឲ្យគ្រប់គ្រងប្រព័ន្ធបត់ជើងតូចបានល្អ កាត់បន្ថយការឈឺចាប់ពេលមករដូវ ជួយពង្រឹងសាច់ដុំត្រគាក ជំរុញអត្រាមានបង្កកំណើតកាន់តែខ្ពស់។
[embed-health-tool-bmi]
